JEREMIA 46:17 - Khumi Common Language Bible

¹⁷ “Aikupta samrang ai, ‘Nga sang nai ngo thai y nai khumi, ali laawm pui,’ nanai amyn kangtha pei u.

JEREMIA 46:17 ပူးပေါင်းရင်းမြစ်များ

1 ARENG KEH 20:10

samrang Benhada my, “Nang i mary taphra iy lengseaung katleu kiu hawi tawn pajau ai nai, khumi neangneang kanghawi eung ai. Hina nai kaso y lawh baly tameuhchi my kai ai dei pa-rei pajeng sy, nanai leu ang pei,” napi.

1 ARENG KEH 20:11

Samrang Ahab my py, “Sorai risa tatang nabaly atiu chum khala y amlyh reng; atiu pajau y rai khala ly amlyh vai y, nanai samrang Benhada teng y thui pi,” napi.

1 ARENG KEH 20:18

Samrang my, “Tavai atiu ai nai ang jeu nai py ne sy, ka-dyh ka-dawi asa ai nai ang jeu nai py ne sy, nichi ai kangheng patiu iy hawi u,” nanai leu pei.

THEU NAI 15:10

Na i py Areng nang ly tlenrei khyhmy ali hm nai deaungkho y, Aikupta chengchi ai pangli tui my um biu vui bo; nichi ly tui sampyh kalen theung y kima kamta tup nai ne.

THEU NAI 15:9

Paleung ka-ei my, ‘Kai ly nichi ai kai pa-rei hui iy katiu ai; nichi teng i nga nai yhmtheaung katuichi ly amji iy, kaimy i ngai nai ngierei kala ai; kai i haisau aphiu iy nichi ai katamyh pawn ai,’ nanai thui nai ne.

Parip nai leu 3:1

Hini khaileaung pri i ati cheaungkhangchi ly Tameuh my vawi takhra nai neng khala y tym nai ne.

ISAIA 31:3

Aikupta chengchi ly vawinam arengchi ny y. Khumi mangrichi teu na a. Nichi i keaungngochi py vawinam keaungngochi ny y. Areng my bawi la nai khala y, atho len nai cheng ly dei lawm vui ai. Kasabawmra nga nai khumi chengchi py anawi vui ai. Huni khumi cheng amjy nyhrei py myh kang vui ai.

Ezekiela 29:3

Sa thai naira angym nai Areng my ati mana leu pei mo, nanai Aikupta samrang Pharao teng y amti pi ai nai ly: tavo theung i atho len parai nai satam pui awi, kai ly nang i paleung ka-e ne. Naing tavo ai ly nangmy peang, huni tavo ai nangmy palum nai ne, nanai nang ly thui bo.

Ezekiela 31:18

Sa thai naira angym nai Areng my, “Saitleang keung ly Aikupta samrang hawi ni i khumi mipuichi ne. Eden akho theung i dengkeaung keungchi malawn py, huni keung tanrei asang y, apu py apu y. Na i py huni keung ly Eden akho theung i dengkeaung keungchi kamta, tavau pri y ang vum kathiu teang ai. Lengkhym takip y nai khumichi, tavai keung y dei nai khumichi hawi avum u ai. Hini ly kai i pei nai leu ne,” napi.