JEREMIA 46:14 - Khumi Common Language Bible

¹⁴ “Aikupta marychi napi nai Mikadol, Memphi hawi Tapaneh marychi teng y, ‘Nangchi ly nangmychi i vui amtang ai nai angvei u rym; nangchi teng y awm nai ngiereichi ly tavai keung y phra hai ai!

JEREMIA 46:14 ပူးပေါင်းရင်းမြစ်များ

2 SAMUELA 2:26

Abana my Juaba teng y, “Achi ly tavai atiu u veangveang ai bo a? kangkhym y ly ati sai py ny y naimy, paleung atho di naira tym lawh na, nanai nang niu y nai sai a? Kaichi ly nangchi i suibang ka-meaung amjo amnauchi ne. Nang ly nangmy i khumichi ai, kaichi ai tiu nai anawn hai ai nai leu pei y naimy, awm jojo ai bo a?,” nanai aeu iy thui bo.

THEU NAI 14:2

“Israela chengchi ly anaw ali teang iy Bala Zephon mary sahawi Pangli Kamsen hawi Mikadol mary sala i, Phihahiro mary ka-do y tai ai nai thui pi.

ISAIA 1:20

Na i py kai i leu tangai ai nai akhi vui iy, kai ai amtang u lawh ai nabaly nangchi ly myh kang u ai. Hini ly kai Areng my leu pei nai ne,” napi.

ISAIA 19:13

Zoan mary hawi Memphi mary i lu sa nai keungchi ly tau ka-khumchi ne. Nichi ly mymychi i khumichi ai lam patei nai keungchi ne, nanai dawn u teu i py, nichi my teng y nai lam patei pi bo.

ISAIA 31:8

Asuria pri ly tavai sum ai. Na i py khumichi i sa thai naira haiho molam y ny y. Asuria chengchi tavai keung i nai angpreng u ai. Nichi i thawndeang deaungdichi py miseaung y achei u ai.

ISAIA 34:6

Mymy i haisau ly apathyp nai beram mi-ichi i thi, thauchi hawimy kajeu kawi nai kamta, huni khumichi i thi, thauchi hawimy kajeu kawi ai. Hini apathyp nai pawi ai Areng ly Bozarah mary y sa ai. Hini khumi ai tleh nai pawi pui ly Edom pri y sa hai ai.

JEREMIA 12:12

Khumichi ly tiu ai nai tui by y nai daichi ka-vymra i, mawi aheungchi tako prei iy, ang jeu bo. Hini pri verei taphra pawn ai nai, kai ly tavai pasau hai ai. Ami py tlamsa naimy awm thai y.

JEREMIA 2:16

Memphi mary i khumichi hawi Tapan mary i khumichi ly nang i lu keuru ai khei u bo.

JEREMIA 2:30

Kai ly nangchi ai kang parip i py, kamran by y. Nangchi ly thui rip nai ai ngai u y. Khri pa-rei kado theu nai khrangsi kamta, nangchi ly nangmychi i amochi ai padei u bo.

JEREMIA 44:1

Areng ly Aikupta pri Mikadol mary, Tapaneh mary, Memphi mary hawi tokalawi mang y awm nai Israela cheng bawibawichi i molam y, kai ai leu pei nai ne.

JEREMIA 46:10

Vaini ly ati cheaungkhang sa thai nai keung Areng i kani ne. Mymy ly vaini my vawitheung tha ai. Mymy ly paleung ka-echi ai vaini my pajeng ai. Mymy i haisau ly nichi ngan bym pa-rei cha iy nichi i thi bym pa-rei nei ai. Vaini ati cheaungkhang sa thai nai keung ly Euphrat tavo sahawi tosyh ngan mang y, tawnbawichi apathyp nai ne.

JEREMIA 46:19

Aikupta pri khumichi awi! langheng y ang hawi ai i, angvei u rym. Memphi mary ly khumi angso savai tlang nai khutaha daichi ka-vym lawm ai.

JEREMIA 46:2

Aikupta pri satang molam y mymy ly hina nai kamta leu pei bo. Areng ly Josia i chapo, Juda samrang Jehojakim i samrang atheng nai palyh saneng y Euphrat tavo sahawi Kakhemish meingtym y, Babulon samrang Nebukhadnezar my tiu nai Aikupta samrang Pharoniko i tavaimichi molam y leu pei nai ne.

Ezekiela 21:28

“Nang khumicho awi, kai i leu amti pi; Israela chengchi ai mei aniu y nai Ammon pri khumichi teng y sa thai naira angym nai kai, Areng my ati mana leu pei mo, nanai thai hai ba. Thuipi ai nai ly: ‘Tamyh vui ai nai haisau khai rym bo, haisau ly khai rym bo; tleh ai nai huni haisau ai kachi pyn bo; amlo sadi kamta sadi na pa-rei kachi pyn bo,’ nanai nichi teng y thui pi.

Ezekiela 30:13

Sa thai naira angym nai Areng my, “Kai ly Nopha mary i mynchi hawi tameuh mynchi taphra pawn ai. Aikupta pri ai peang nai keung leaungrei py awm ai ny y. Kai ly khumi bawibawichi ai jei hyn hai ai.

HOSEA 9:6

Nichi ly patang naira avum u iy, meingtym tleirei y tym u nai khala, Aikupta khumichi my nichi ai pangym iy, Memphi mary y up ai. Nichi i tangka khairachi hawi yhm kangngymchi awm nai meingtymchi ly aleng phreungchi hawi acha keungchi my khiu meuh ai.

NAHUM 2:13

Ati cheaungkhang sa thai nai Areng my, “Kai ly nang i paleung ka-e ne. Nang i ka-richi mai y leng pawn ai. Nang i tavaimi risachi ly tavai keung y dei u ai. Amichi teng i nangchi my lawm vui nai vawnsai ngiereichi ai, kaimy taphra vui ai. Nang i savaichi hnei nai raawi thai u ai ny y leang bo,” napi.

Leu Thui Nai 32:42

Kai i thailiho chynchira y nichi i thi leaung ai; kai i haisau ly kai ai paka nai khumi ngiereichi ai tamyh ai. Kai ai paleung ka-e khai nai khumichi ai leaungrei py kangheng khai ai ny y; tamo nga nai hawi langheng hawi naichi malawn py dei u be ai.