JEREMIA 46:12 - Khumi Common Language Bible

¹² Khumi cheng cheaungkhangchi ly nangchi i kangji nga nai thai u veng bo. Nangchi i vo nai raawi khumi lutengchi my thai u nai ne. Tavaimi risa ly leaung leaungrei adeng nai deaungkho y, leaung nyhrei khaileaung y atlym hawi mei bo.

JEREMIA 46:12 ပူးပေါင်းရင်းမြစ်များ

ISAIA 10:4

Nangchi ly tavai keung y dei u ai; ti y baly langheng palawn iy ang hawi pawn nai avum u ai. Huni neng khala py Areng ly kado theu nai rym y ai i, kamngo pajeng ai nai kiu pheu naimy awm jo ai.

ISAIA 19:2

Areng my, “Aikupta pri theung y tavai atiu hai ai nai kachyh iy, amjo amnau tengtawi, yhm deaungpa tengtawi ka-jo pakei ai. Mary haihochi tengtawi py, samrang haihochi tengtawi py, mychi tengtawi atiu iy kamjau kamteang akhai u ai.

ISAIA 24:11

Khumichi ly lamchira y angdo iy, kreip hang kadaeung nai aeu u bo. Amotheu nairachi ly deungtasarei tama veng bo. Huni ai pri theung i dengdairei, paryh u pawn veng bo.

JEREMIA 14:2

“Juda pri ly vo tangam naimy awm; Juda marychi ly paha naimy awm bo. Huni mary i khumichi ly paleung mawn nai deaungkho y, khaileaung y jawn u na bo. Jerusalem mary ly aeu iy kasabawmra hnei u bo.

JEREMIA 2:36

Nangchi ly pri takhra tameuhchi ai ahihawi nai molam y, amymy ai tahm anem hai nai Asuria pri ly nang ai sabawm y nai kamta, Aikupta pri my py sabawm y ai.

JEREMIA 46:6

Angpreng rang naichi ly tleaung u y; Tavaimi risachi py tleaung u y, Nichi ly tosyh ngan Euphrat tavo sahawi y athei iy atlym u nai ne.

JEREMIA 47:2

Mymy ly “Khen cham! Tosyh ngan mang y tavo tui leaung nai kamta, ang leaung ai. Huni tuichi ly khaileaung hawi khaileaung tleaung y awm nai ngiereichi, marychi hawi mary i khumichi ai um biu ai. Khumichi ly atleu pi ai nai kaau u ai. Khaileaung tleaung y awm nai khumi bawibawichi ly khrikhri pa-rei vo u ai.

JEREMIA 48:34

“Hesabon mary hawi Elealeh maryra i khumichi vo nai raawi ly Jaha mary y tym pa-rei thai u nai ne. Huni raawi ly Zorath mary, Horonam mary hawi Ekala mary i dengdairei py thai pajau. Nimarim micheaung tui py kang veng bo.

JEREMIA 49:21

Edom pri anawi nai khala khri pa-rei katyn amsau nai deaungkho y, khaileaung pri verei amchyh ai. Jei hyn naimy hang u nai katynchi py Akaba pangli katheaung mang khrairei thai u ai.

JEREMIA 50:46

Babulon mary anawi nai khala, khri pa-rei katyn amsau nai deaungkho y, khaileaung pri verei amchyh nanai. Jei hyn naimy aeu nai katynchi ai py, khumi cheng cheaungkhangchi my thai u ai,” napi.

JEREMIA 51:54

Areng my, “Babulon mary y vo u nai raawi py, pri phra nai deaungkho y paleung si u nai raawi py tangai u.

NAHUM 2:5

Tavai lu arengchi ai palau nai khala, nichi ly pathuikhe i, atlymvi naimy mo mang y amsa u bo. Atiu nai keungchi ly mary apai mang y angpreng kaliki i, khopuichi adang iy amtangrachi panawi ai nai tamtleang puichi tai u.

ZEPHANIAH 1:10

Areng my, “Huni neng kani y Jerusalem mary ngo apai katheu pa-khora y vo nai raawi thai u ai. Mary kangtha mang y khumichi vo nai raawi py, mawi aheungchira y phra nai katynchi py thai u ai.

1 SAMUELA 5:12

Dei y nai khumi malawn py, uisalu man nai deaungkho y, khumichi ly sabawm naira nga thai ai nai, tameuhchi teng y hnei takeng u bo.