JEREMIA 44:6 - Khumi Common Language Bible

⁶ Hunai deaungkho y kai ly Juda marychi hawi Jerusalem lamchi salo y, kai i kado theu naira kaleih iy, huni marychi ai mai kang hai ai. Huni marychi ly phra seaungkhrang naimy awm iy, vaini niu nai kamta khumichi i mei ka-niu y ka-jeira lawm bo.

JEREMIA 44:6 ပူးပေါင်းရင်းမြစ်များ

ISAIA 1:7

Nangchi i pri ly phra iy nangchi i marychi py, maidym satlawi lawm vui bo. Nang khen nai thym khala my py, pri takhra khumichi ly nangchi i khu peang vui iy, ati cheaungkhangchi ai phra hai pawn bo.

ISAIA 51:17

Aw Jerusalem mary, anglaw jau! Amymy ai apalaw ly ang thau jau! Areng my kado theu nai deaungkho y, nang ai pei nai khaura i pajeng nai kreip hang nang ly nei bo. Huni ai nei nai deaungkho y pavui tapai nai ne.

ISAIA 51:20

Nang i khumichi ly atho di nai molam y, lam sangum tleirei y atlym u bo. Nichi ly mawi sara i pyra y man nai sisiu kamta atawm ai. Nichi ly Tameuh i kado theu nai haiho avum u ai.

ISAIA 6:11

Kaimy py, “Aw Areng, hina nai tym nai ly mana tanrei kra ai mo?,” nanai deng. Mymy ly “Marychi phra seaungkhrang iy daihaulau naimy awm nai neng ryrei awm ai. Yhmchira y khumi by y i, huni pri py khumi angso savai tlang nai neng ryrei awm ai.

JEREMIA 21:5

Kaimy kypkyp my kaimy i awm nai atho haiho ngierei hawi khrikhri pa-rei kado theu naimy, nangchi ai kang tiu ai.

JEREMIA 34:22

Huni tavaimichi ai kaimy leu pei nai deaungkho y, nichi ly vawi ali iy, hini mary ai tiu chum baly mai leng pawn ai. Kai ly Juda marychi ai khumi angso by y nai, khutaha daichi ka-vym lawm hai ai. Hini ly kai, Areng i thui nai leu ne,” napi.

JEREMIA 36:7

Areng ly hini khumichi ai kaso tahyn theu ai hawi nanai kado theu naira hawi pajei pahyn nai deaungkho y, khumichi ly mychi i hawi y nairachi khai su iy, Areng teng y chiu sa u tan chiu sa u lym ai,” nanai leu pei bo.

JEREMIA 4:27

(Khaileaung bomverei ly daichi ka-vym lawm vui teu i py, phra be ai ny y, nanai Areng my leu pei yb nai ne.)

JEREMIA 4:4

Nangchi i Areng, napi nai kai hawi nangchi i Leu Maikawm asa nai ly patawm u. Nangchi Juda mipuichi hawi Jerusalem mary i khumichi awi, kai teng y nangchi i tlang a-au u. Huna nai kamta so y lawh baly nangchi i sa tamang nai kamngo deaungkho y, kai i kado theu naira ly mai kamta angveaung ai. Huni mai pathym ai nai khumi leaungrei py awm ai ny y,” napi.

JEREMIA 42:18

“Israela chengchi i Areng Tameuh my, ‘Aikupta pri y nangchi chei u ai nabaly, kai ly kaimy i kado theu naira ai Jerusalem mary i khumichi i tlang tleaung y tym hai nai kamta, nangchi i tlang tleaung y py tym hai teang ai. Khumichi i mo y nangchi ly paso ai nai hawi parai i, nangchi ai panui hai naimy nangchi i amyn ly vaineng tau naira y teaung u ai. Nangchi ly hini meingtym ai, mo mang y mana khala py niu u ali teang ai ny y,’ nanai leu pei bo,” napi.

JEREMIA 44:22

Vai malawn py nangchi i pri ly phra seaungkhrang naimy, khumi angso savai tlang jo rai. Areng ly nangchi i hawi y naira sa naichi ai kham pi pajau y nai deaungkho y, huni pri ly khumichi i mo y amso ngai naira lawm nai ne. Khumichi my py huni pri i amyn ai pasawi patau naira y teaung u lawh bo.

JEREMIA 7:17

Juda marychi, Jerusalem mary lamchira y nichi i sa nai saichi, nang ly niu y nai sai a?

JEREMIA 7:20

Hunai deaungkho y kai i Areng ly kaimy i khri pa-rei kado theu nai ai, hini Achura yhm y kaleih ai. Khumichi hawi tawnbawichi tlang tleaung y py, dengkeaungchi hawi amti amjangchi salo y py kaleih ai. Kai i kado theu nai ly ami py pathym pajau y nai mai hawi atawm ai.

JEREMIA 7:34

Kai ly Juda marychi hawi Jerusalem mary lamchira y, apom nai pawira i amo theu nai katynchi hawi, amo theu kawn nai katynchi py, tama hai vui ai. Huni meingtym ly khumi angso savai tlang naira lawm ai.

JEREMIA 8:3

Kaimy ahei hai phro nai meingtymchira i dei kamthumchi, hini hawi y nai khumi chengchi ly mychi heng jo ai nai tleaung y dei ai nai ngai u keh alam ai. Hini ly ati cheaungkhang sa thai nai keung Areng i thui nai leu ne,” napi.

TANGAM NAI LEU 1:1

Vaichi khala y khumi neangneang kawi nanai Jerusalem mary ly mymy tlairei awm jo khyh na bo ly! Vaichi khala ly khaileaung pri vereichi my, tahm pasang naira avum teu i py, vai ly neampachy lumai hawi atawm veng bo. Mary leilachi theung y tahm awm keh nai mary ly miseaungra ang vum lawh bo.

TANGAM NAI LEU 1:13

“Mymy ly salo mang dengdairei mai pato i, huni mai ly kai i tlang tleaung y angveaung nai ne. Mymy ly kai ai deaung pateung iy patiu i, khaileaung y patlym. Naibaly ang khai su iy kani khengrei, patang naira avum hai bo.”

TANGAM NAI LEU 5:18

Zion mawi ly khumi angso by y nai deaungkho y, khivachi ly mary kaphrara y aki aleaung nai ne.

Ezekiela 20:33

Sa thai naira angym nai kai, Areng ly Tameuh kangheng ne; kai ly kado theu naimy atho len parai nai sa thai naira hawi kiu pheu iy, nangchi ai kang peang ai.

Ezekiela 20:34

Nangchi ai pri tlei tleirei hawi, ahei akyhkyh nai pri cheaungkhangra i nai palau ali teang nai neng khala, nangchi i tlang tleaung y atho len parai nai sa thai naira hawi kiu pheu iy, kado theu nai sai patei ai.

Ezekiela 24:13

Aw Jerusalem mary, nang ly kaja hawi y nai molam y, nangmy ai chai hai y bo. Kai ly nang ai chai pa-rei sa teu i py, nang ly chai y naimy awm nai ne. Kai i kado katheu pajeng naira avum y ryrei ly nang ly chai lawh ai ny y.

Ezekiela 24:8

Huni thi my kado theu hai iy vawitheung tha ai nai molam y, huni thi ai taphum thai y nai meingtym y beu hai nai ne,” napi.

Ezekiela 5:13

Nang ly kai i kado theu nai rym y nai ryrei ly kai i kado theu naira angym pa-rei avum ai. Kai Areng ly nang i ka-ym by y nai molam y kado theu nai ne i, hina nai leu kang pei nai ai nang ly hini atitichi tym nai khala pany thai ai.

Ezekiela 6:12

Kamlo y tym nai khumichi ly no-na y dei u ai i, kang sa i khumichi ly tavai keung y dei u ai. Dei kamthumchi ly kajeu kanglam y dei u ai. Nichi ly kai i khri pa-rei kado thau nai angym pa-rei avum u ai.

Ezekiela 8:18

Nichi ly dengkeaung changpi ai notareangra y bi naimy kai ai mei aniu y nai sa nai ly khen cham; nichi ly kai i khri pa-rei kado theu naira angym pa-rei avum u ai. Kai ly nichi ai kangheng patleaung ai ny y; mana mo i py kapahen ai ny y. Nichi ly kai teng y tao pajeng parai naimy aeu iy chiu sa u teu i py, kai ly kapathang pi ai ny y,” napi.

DANIELA 9:12

Nang ly nangmy i leu pei nai kamta, kaichi hawi kaichi ai peang nai khumichi ai kamngo pajeng bo. Jerusalem mary ai khaileaung pri i takhra marychi tleaung y, khri pa-rei kamngo pajeng nai ne.

Levi 26:28

kai ly kado theu kang tlau ai i, vaichi khala i tleaung y ty keh nai pajeng naira phy tlen saryhrei kang tym hai panawi bi ai.

Levi 26:31

nangchi i marychi kataphra pawn iy nangchi i chiu nai meingtymchi py phra hai ai. Nangchi i kapathyprachi py kang kawn pi ai ny y.

NAHUM 1:2

Areng Tameuh ly mymy ai ka-keng ka-awi sa naichi ai kham pi ai ny y; mymy ly ka-awi sa nai khumichi ai pajeng nai ne. Kado theu iy nichi i tlang tleaung y vawitheung tha bo.

ZEKHARIAH 1:2

Ati cheaungkhang sa thai nai Areng my Zekhariah teng y, “Kai, Areng ly nangchi i amsi pajochi ai, khri pa-rei kado theu hai bo.

ZEKHARIAH 1:6

Kai ly kaimy i amochi dengdairei, nangchi i amsi pajochi teng y leu pei naichi hawi pany hai nai leuchi kapei pi nai ne. Na i py nichi ly kai i leu ai dawndan u y nai deaungkho y, avo nai kamta pajeng naira avum u. Huna nai khala nichi ly uikheih u. Ati cheaungkhang sa thai nai kai, Areng ly kaimy i dawn yb nai kamta, nichi ai kamngo vang kamlau parip nai ne, nanai py pany u ai,” nanai nichi teng y thui pi ai nai leu pei nai ne.

ZEKHARIAH 7:14

Ali kamchai kamta aho hai iy, pri takhra mang y ahei hai pawn bo. Hini hawi nai pri py, khumi angso savai tlang nai meingtym lawm vui bo,” napi.