JEREMIA 44:27 - Khumi Common Language Bible

²⁷ Nangchi nang chawn ai nai tleaung y ly phra u ai nai kang sa ai. Aikupta pri y awm nai Juda khumichi ly leaungrei py tleaung y na pa-rei, tavai takai hawi, no kanghawi y dei u ai.

JEREMIA 44:27 ပူးပေါင်းရင်းမြစ်များ

2 ARENG KEH 21:14

Dei kamthum khumichi ai kaimy khai su iy, paleung ka-echi teng y au ai. Paleung ka-echi ly nichi ai tiu iy, nichi i vawnsaichi lawm pi pawn ai.

JEREMIA 1:10

Khumi cheng cheaungkhangchi hawi pri cheaungkhangchi ai theih vui, panawi vui, taphra vui, nui phro vui, palum teang, ui teang thai nai sa thai naira, vaini nang ai kang pei bo,” napi.

JEREMIA 21:10

Kai ly hini mary ai law tleaung hai y naimy taphra vui ai nai adawn yb bo. Hunichi ai Babulon samrang i kiu y au ai i, ni my py hini mary ai mai leng iy taphra ai. Hini ly kai, Areng i thui nai leu ne,” napi.

JEREMIA 31:28

Kai ly nichi ai akyn, panawi, taphra, paleang patlau, phra hai nai kamta, vai ly kapalum kapachai ali teang ai.

JEREMIA 39:16

Mymy ly “Nang ly Ethiopia cheng Ebedmeleh teng y, Israela chengchi i Tameuh, ati cheaungkhang sa thai nai keung Areng my, kai ly vaichi khala y thui pi yb nai kamta, hini mary phra seaungkhrang hai ai. Hini mary ai nang chawn hai ai ny y. Neng tym nai khala y hini atitichi tym nai niu ai nai nang ly huni mary y awm ai.

JEREMIA 42:16

nangchi jei u nai tavai ka-jeira ly nangchi ai hiu iy ang kai pa ai. Nangchi mawn u nai tahum takang py, nangchi nithun ang hui ai. Hunaibaly nangchi ly Aikupta pri y dei u ai.

JEREMIA 44:12

Juda pri y awm jo rai naimy, Aikupta pri y awm ai nai ka-dawn awm nai khumichi ly leaungrei py tleaung y naimy myh kang hai ai. Katheang kalen takhawi y naimy huni khumi bawibawichi ly tavai takai hawi tahum takangra y Aikupta pri y dei u ai. Nichi ly khumichi i mo y ka-jeira lawm ai. Khumichi ly nichi ai panui hai iy, nichi i amyn py, pasawi patau naira y teaung u ai.

JEREMIA 44:13

Kai ly Jerusalem mary ai pajeng nai kamta, Aikupta pri y awm nai khumichi ai py, tavai takai, tahum takang, no kanghawichi hawi kapajeng ai.

JEREMIA 44:14

Aikupta pri y awm ai nai Juda pri i dengdairei theu u nai khumichi theung i ami py, huni ka-jeira i nai tleaung u ai ny y. Dei y nai ami py awm ai ny y. Nangmychi awm ali teang ai nai athang khai naimy kadeaung nai Juda pri y, nichi leaungrei py vawi u ali teang ai ny y. Ngari kamtang avum nai khumi phyrei ny y baly, ami py vawi ali teang ai ny y,” napi.

JEREMIA 44:18

Na i py kani khusang samrangnu ai apathyp nai, ni i vui kreip hang katalamra leih naichi ai anawn u nai dengdairei kaichi ly kra pa-rei avaw naimy, kaichi i chengchi ly tavai takai hawi tahum takang y dei u lawh bo,” nanai thui pi u nai ne.

JEREMIA 9:15

Hunai deaungkho y nichi i tlang tleaung y Israela chengchi i, ati cheaungkhang sa thai nai keung kai, Areng my mana kang sa ai mo, nanai tangai cham. Kai ly kaimy i khumichi ai kho nai dona keung pacho iy, dei asi abawi nai tui nei hai ai.

JEREMIA 9:16

Kai ly nichi hawi nichi i amsi pajochi malawn py thai vai y nai khumi chengchi theung y, nichi ai ahei hai ai. Hunaibaly nichi phra be ai nai pa-rei tiu ai nai tavaimichi kapato ai,” napi.

Ezekiela 5:12

Nangchi theung i phy thomrei y phyrei khumichi ly marychi theung y no kanghawi, kajeu kanglam y dei u ai. Takhra phy thomrei y phyreichi ly mary angam mang y haisau tamo y dei u ai. Huni bo i phy thomrei y phyrei ai ly ali theung y pakheang pawn iy kaimy haisau hawi tleh ai.

Ezekiela 7:6

Nang phra ai nai neng tym bo, myh kang ai nai neng tym bo. Nang ai ka-awi sa naimy ang tym bo.

DANIELA 9:14

Kaichi i Areng Tameuh awi, nang ly kaichi ai pajeng ai nai angveirym nai kamta pajeng ba. Ati mana nai mo na baly nang ly kahawi sa jojo nai ne teu i py, kaichi ly nang i leu tangai u y nai deaungkho y ne.

AMOS 9:8

Sa thai naira angym nai kai, Areng ly kamngo nawi parai nai, hini Israela pri ai kakhen patyp bo. Hini pri ai khaileaung i nai tama vui na pa-rei taphra ai. Na i py kai ly Jakob i kangpreang bawibawi ai taphra ai ny y,” napi.