JEREMIA 44:26 - Khumi Common Language Bible26 Na i py Aikupta pri y awm nai Israela chengchi teng y kai, Areng ly kaimy i nang parai nai amyn y adeu nai ly vai nangchi tangai u. Nangchi vaineng asa u naira y, ‘Areng ly heng nai ne!,’ nanai kai i amyn thui ai nai mo mang y mana khala py nangchi ai kang pei ai ny y. အခန်းကိုကြည့်ပါ။ |
Aikupta pri y awm ai nai Juda pri i dengdairei theu u nai khumichi theung i ami py, huni ka-jeira i nai tleaung u ai ny y. Dei y nai ami py awm ai ny y. Nangmychi awm ali teang ai nai athang khai naimy kadeaung nai Juda pri y, nichi leaungrei py vawi u ali teang ai ny y. Ngari kamtang avum nai khumi phyrei ny y baly, ami py vawi ali teang ai ny y,” napi.
Kai ly Israela chengchi i Tameuh, ati cheaungkhang sa thai nai keung Areng my, Aikupta pri y awm u nai Juda khumichi molam y, “Nangchi hawi nangchi i ajuchi ly kani khusang samrangnu teng y vaineng adeu u bo; ni teng y apathyp ai, nanai py, ni i vui kreip hang katalamrachi talam ai, nanai py adeu iy adeu nai kamta sa u nai ne. Hawi mang! Nangchi i adeu nai khaw sy! Nangchi vaineng adeu nai kamta so u!
Bozarah mary ly niu nai khumichi jei hyn ai hawi nai, khumi angso by y nai meingtym lawm hai ai nai py, khumichi ly huni mary ai panui hai iy, huni mary i amyn ai vaineng abeu naira y teaung ai nai py, kaimy kypkyp my vaineng abeu nai ne. Tengpang sahawi i avang bawibawichi ly phra seaungkhrang naimy awm jojo ai. Hini ly kai Areng i thui nai leu ne,” napi.
Sa thai naira angym nai Areng my, “Nangchi Israela cheng bawibawichi awi, vai nangchi ly leaungrei py takhawi y pa-rei nangmychi teng y awm nai mynchi teng y chei iy chiu u! Na i py vai i dengdairei nangchi ly kai i leu tangai u ai nai tla. Mynchi teng y kapathyprachi talam nai molam y, kai i chai parai nai amyn ai vai mo mang y thui tamawn bi moh.
Dei nai khumi leaungrei i amjo amnau leaungrei my, dei nai khumi i veu mai patawi ai nai tym iy, yhm theung y awm nai khumi leaungrei teng y, “Ami awm rai mo?” nanai deng i, “Ami py by y leang bo!” nanai pathang nai raawi naini thai ai. Naibaly huni amjo amnau my, “Awm pypy! Areng i amyn malawn py thui y ai nai achi adawn patyp ai nai tla,” napi ai.