JEREMIA 44:18 - Khumi Common Language Bible

¹⁸ Na i py kani khusang samrangnu ai apathyp nai, ni i vui kreip hang katalamra leih naichi ai anawn u nai dengdairei kaichi ly kra pa-rei avaw naimy, kaichi i chengchi ly tavai takai hawi tahum takang y dei u lawh bo,” nanai thui pi u nai ne.

JEREMIA 44:18 ပူးပေါင်းရင်းမြစ်များ

2 NENG SATANG 28:23

Ni ly mymy ai tiu nai Suria chengchi i tameuhchi teng y apathyp. Ni my, “Suria tameuhchi ly Suria samrangchi ai sabawm. Hunai deaungkho y kai py nichi teng y apathyp baly, nichi my kai ai py ang sabawm teang ai,” nanai thui. Na i py huna nai sa nai ly ni hawi ni i khumichi tlang tleaung y patang naira tym hai bo.

JEREMIA 19:13

Jerusalem mary y awm nai yhmchi hawi Juda samrang hawi samrang i yhmchi, mychi i yhm amphu salo y ka-si taukichi ai mui katui leng patlum nai yhmchi hawi, tameuh takhrachi ai kreip hang leih iy talam nai yhm ngiereichi ly Topheth mary kamta chai y nai meingtymchi lawm ai,” napi.

JEREMIA 40:12

Hunai deaungkho y Israela cheng bawibawichi ly mychi aheidan nai meingtym tleirei i dengdairei, Juda pri y vawi u teang bo. Nichi ly Kedalia i awm nai Mizapa mary y tym u baly kreip hang hawi thengthai neangneangchi pakym u nai ne.