JEREMIA 44:15 - Khumi Common Language Bible

¹⁵ Huna nai khala y mychi i ajuchi ly tameuh takhrachi teng y apathyp u, nanai pany nai khumichi, huni meingtym y angdo nai neampachychi hawi, Aikupta pri tokalawi mang y awm nai Israela chengchi raurei, khumi humchi ly kai teng y,

JEREMIA 44:15 ပူးပေါင်းရင်းမြစ်များ

ATITI AWM ANGCHEI NAI 19:4

Angvyn nini i y kyh rai khala y, Sodom mary i neampacho bawibawichi ly jeu i yhm katan u meuh bo.

NEHEMIA 13:26

Kai ly nichi teng y, “Samrang Solomon ai kamngo sa hai nai khumichi ly cheng takhra neampachychi ne. Huni samrang ly cheng takhra khumichi i samrang bawibawichi tleaung y sa thai naira len keh. Tameuh ly ni ai tamen nai deaungkho y, Israela pri verei y peang hai nai ne. Na i py ni ly cheng takhra neampachychi hawi apom nai kamngo sa bo.

LEU KACHENG 11:21

Tau hawi y nai khumichi ly pajeng naira avum ai; na i py khumi kahawichi ly meitang khyp, pajeng naira avum y ai.

ISAIA 1:5

Nangchi ly ati mana nai y tiu u veangveang lawh mo? Vai i tleaung y lenra nai kamngo pajeng naira avum ai nai ngai u lawh a? Nangchi Israela mipuichi awi, nangchi i luchira y tamo kalem kawi na bo. Nangchi i paleung pathym py phra u na bo.

ISAIA 48:5

Kai ly atitichi tym y rai khala my, nangchi i vui mo mang i satang kang thui pi yb veng bo. Huna nai sa nai ly hini atitichi ai nangchi i sa nai mynchi my sa hai nai ne, nanai nangchi thui pajau y ai nai ne.

JEREMIA 44:1

Areng ly Aikupta pri Mikadol mary, Tapaneh mary, Memphi mary hawi tokalawi mang y awm nai Israela cheng bawibawichi i molam y, kai ai leu pei nai ne.

JEREMIA 44:19

Hunaibaly neampachychi my, “Kaichi ly kani khusang samrangnu i amyn ka-tawm takochi paawp iy, huni samrangnu teng y apathyp nai hawi, ni i vui kreip hang katalamrachi kaleih u nai khala, kaichi i juvochi my py, kaichi i sa nai ai hawi pany u i, ngai u bawibawi nai ne,” nanai thui u bi bo.

JEREMIA 44:24

Kai ly Israela chengchi i Tameuh, ati cheaungkhang sa thai nai keung Areng my, Aikupta pri y awm u nai Juda khumichi molam y, “Nangchi hawi nangchi i ajuchi ly kani khusang samrangnu teng y vaineng adeu u bo; ni teng y apathyp ai, nanai py, ni i vui kreip hang katalamrachi talam ai, nanai py adeu iy adeu nai kamta sa u nai ne. Hawi mang! Nangchi i adeu nai khaw sy! Nangchi vaineng adeu nai kamta so u!

Ezekiela 29:14

nichi i saleaung khuteng Aikupta pri tokalawi mang y awm hai ai. Nichi i pri ly atho di nai pri lawm ai.

Ezekiela 30:14

Aikupta pri tokalawi mang y ly khumi angso savai tlang nai lawm hai iy, tosyh mang y awm nai Zoan mary ai mai leng vui ai. Thebe mary pui ai ly pajeng ai.

MATTHAI 7:13

“Katheu pa-kho kamchei mang y kun u; tama ai naira y tym ai nai lam ly kau i, katheu pa-kho py len parai; huni mang y kun naichi ly nawi parai veng.

Leu Thui Nai 13:7

Nichi theung i leaungrei my nangchi sahawi y awm nai khumi, ti y baly nangchi hawi kamlo y awm nai khumichi i tameuhchi ai chiu ai nai ang parawi lym ai.