JEREMIA 44:10 - Khumi Common Language Bible

¹⁰ Na i py nangchi ly vaini khrairei, paleung apanem u y asai rai; kai ai jei kaji u y. Nangchi hawi nangchi i amsi pajochi ai kaimy pei nai reitachi hawi, tanyn ai py teaung patawm u y.

JEREMIA 44:10 ပူးပေါင်းရင်းမြစ်များ

1 ARENG KEH 21:29

“Kai i mei ka-niu y Ahab ly mana tanrei paleung apanem mo, nanai niu a? Ni ly nina tanrei apanem nai deaungkho y kai ly ni i deung y patang naira tym hai ai ny y. Ni i chapo deung, ni i yhm dengtheungchi i tlang tleaung y patang naira katym hai ai,” napi.

2 ARENG KEH 22:19

Jerusalem mary hawi mary i khumichi ai pajeng ai, nanai kaimy leu pei nai thai nai khala, nang ly vo naimy nangmy i ateaung seih iy uikheih i, kai i mo y paleung apanem bo. Kai ly hini mary phra hai ai. Hini mary i amyn ly khumichi i amsawi kadeu lawm ai. Na i py kai ly nang i chiu sa nai pathang pi mang.

2 NENG SATANG 32:26

Kangkhym y Hezekia hawi Jerusalem mary i khumichi ly tahm anem nai paleung awm u nai deaungkho y, Areng ly Hezekia i deung y khumi mipuichi ai pajeng pi y nai ne.

2 NENG SATANG 33:12

Samrang ly ngari kamtang avum nai khala y, mymy i Areng Tameuh teng y ali teang i, kasabawmra nga ai nai hnei takeng bo.

2 NENG SATANG 33:19

Samrang i chiu sa nai hawi Tameuh my pathang pi nai sai, ni i kamngo sa naichi hawi y naira sa naichi, ni i sa nai myn chiu naira meingtymchi, tameuhnu Asherah i tamkhawnchi hawi ni i chiu nai mynchi satang ly amochi i cha-iu theung y tajiu pi typ bo.

2 NENG SATANG 34:27

Jerusalem mary i khumichi ai pajeng ai nai kaimy leumo pei nai thai nai khala y, nang ly vo bo; nangmy i ateaungchi sei iy uikheih naimy, kai i mo y paleung apanem nai ne. Naibaly kai ly nang i chiu sa hnei takeng nai thai nai deaungkho y,

SAM 34:18

Areng ly paleung phra nai khumichi sahawi y awm. Athang khai naira pipi by y naichi ai atleu pi bo.

SAM 51:17

Aw Tameuh, kai i talam nai kapathypra ly tahm anem parai nai paleung ne; nang ly tahm apanem iy uikheih nai paleung ai khai su ai ny y leang.

SAM 78:10

Nichi ly Tameuh hawi asa nai Leu Maikawm ai atyp u y; nang i reita leu pei naichi tangai akhi u bo.

THEU NAI 10:3

Mosi nini Aron ly samrang teng y chei i ni teng y, “Hebrai chengchi i Areng Tameuh my, ‘Kai i khumichi ly kai ai chiu u ai nai molam y nang ly akhi veangveang ai bo a?,’ ” napi.

THEU NAI 9:17

Na i py nang ly tahm apasang veangveang i, kai i khumichi ai chei ai nai pei y lawh.

THEU NAI 9:30

Na i py nang hawi nang i bangtangchi ly Areng Tameuh ai tahm khai y asai rai, nanai kapany,” napi.

LEU KACHENG 14:16

Khumi kachengchi ly tau awm i, ka-jeira ai en vui reng; na i py khumi hawi y naichi ly dawndan y naimy sa tamangtang reng.

LEU KACHENG 16:6

Ka-ymra leu meitang ai tahm khai nai khumi ly kamngo pahenra nga ai. Areng ai jei kaji nai khumi ly hawi y nai ai en vui reng nai ne.

LEU KACHENG 28:14

Areng i leu tangai nai khumi ly amo theu ai. Paleung kyhchaw nai khumi ly patang naira avum ai.

LEU KACHENG 8:13

Areng ai jei kaji naimy tahm khai nai ly hawi y naira ai amso ngai nai py ne. Kai ly paleung len nai hawi amlyh nai, hawi y nai lam y tako nai hawi ka-chawi thui nai leuchi ai niu ngai y nai ne.

ISAIA 42:24

Ami nai ly Israela chengchi ai, tiu lawm nai khumichi kiu y au lawh mo? Ni ly achi my tamang nai Areng ne na a! Achi ly mymy i ngai nai kamta awm u y. Mymy i leu pei naichi py tangai u y.

ISAIA 57:15

“Kai ly deungtasarei heng nai Tameuh, tahm asang iy chai parai nai Tameuh ne. Na i py kai ly chai parai nai salo kangteng y awm nai ne teu i py, paleung phra nai khumi, paleung apanem nai khumichi ai paleung hawi phailo atho nga ali teang ai nai nichi teng y kaawm hai.

ISAIA 66:2

Kai ly khusang deaungdu verei sa nai ne. Paleung apanem iy uikheih naichi hawi, kai ai jei hyn naimy kai i leu tangai nai khumichi ai kai ly khrei nai ne.

JEREMIA 10:7

Khumi cheng cheaungkhangchi i samrang lawm nai nang ai tahm khai y nai ami awm ai mo? Nang ai tahm khai ai nai ataing parai nai ne. Khumi cheng cheaungkhangchi theung i khumi kachengchi theung y py, nichi i samrangchi theung y py, nang hawi atawm nai leaungrei py by y.

JEREMIA 26:4

Areng my huni khumichi teng y thui pi ai nai kai teng y leu ang pei nai ly “Areng my, nangchi ly kaimy pei nai leuchi tangai iy patawm u.

JEREMIA 32:23

Na i py nichi ly hini pri y tiu iy amtym u nai khala ly nang i leu pei nai tangai u y; thui parip naichi py patawm u y. Nang i sa hai naichi ly harei py so u y. Hunai deaungkho y nang ly hini ka-jeirachi ai nichi i tlang tleaung y tym hai bo.

JEREMIA 36:24

Na i py cha aeangra abawi nai leu sai bawibawichi thai nai samrang py, bangtangchi py jei hyn y, uikheih nai ka-ma-ra py patei u y.

JEREMIA 44:23

Nangchi ly tameuh takhrachi teng y apathyp iy, leu pei naichi tangai y nai deaungkho y, Areng i tlang tleaung y kamngo sa nai ne i, vai ly hina nai kamta ngari kamtang avum u nai ne,” napi.

JEREMIA 5:3

Areng ly ka-ym awm nai ai ngai nai ne. Mymy ly nangchi ai pajeng teu i py, nangchi ly dawndan u y. Taphra i py thui parip nai nangchi ly tangai u y. Nangchi i paleung ly lengseaung tleaung py tang u i, uikheih y.

JEREMIA 6:15

Nichi ly amso ngai naichi sa teu i py, kaji u sai a? Lymlym kaji u y, kangji meimai py amteng y. Hunai deaungkho y nichi ly khumi takhrachi kamta atlym u ai. Kaimy pajeng nai khala y nichi ly tama nai tym u ai. Hini ly kai Areng. my thui nai leu ne,” napi.

JEREMIA 8:12

Kai i khumichi ly amso ngai naichi sa u nai molam y kaji u a? Lym lym kaji u y, kangji meimai py amteng y! Hunai deaungkho y nangchi ly khumi takhrachi kamta atlym u ai. Kaimy pajeng nai khala nangchi ly ang thau u pajau ai ny y. Hini ly kai Areng i thui nai leu ne.

Ezekiela 9:4

“Nang ly Jerusalem mary verei amki iy khumichi vai, sa u nai amso ngai nairachi molam y, vo tangam nai khumi ngiereichi i lu kati y ka-ma-ra so,” napi.

MALAKHI 4:2

Na i py kai i leu ai tahm khai nai khumichi i vui ly kai i atleu nai sa thai naira ly kanito kamta, nichi i tlang tleaung y angvang naimy, kanito kangvang sangso kamta, nangchi i no-nachi hawi hai ai. Nangchi ly hai theung i patleaung nai si chochi kamta, amo theu naimy ampyh u lengleang ai.

MATTHAI 27:54

Naibaly tavaimi chungvairei lu hawi mymy teng y Isu ai typ naichi ly kaleih theu nai hawi, atiti tym nai sai niu i khri pa-rei jei u na, “Hini khumi ly Tameuh i Chapo ne khyp nai bo,” napi.

LUKA 23:40

Na i py takhra leaungrei my ly pathang i, “Nang ly Tameuh ai py jei y nai sai a? Vanrei ngari ang pei nai ly?

ROM AVANGCHI TENG Y PAWLA I CHA PA NAI 11:20

Ne khyp; nichi ly ym naira by y nai deaungkho y nichi ai tleu hai veng, nang naini ym naira awm nai deaungkho y angdo nai ne. Am-e moh ly, jei phai jei.

I PETERA 5:6

Hunai deaungkho y neng khyp nai khala y ly nangchi ai tahm ang pasang thai ai nai, Tameuh i ham parai nai kiu anui y apanem u ly;

AMTENG HAI NAI 15:4

Aw Areng, nang i amyn tahm khai y nai hawi palo y nai py ami awm ai mo? Nang leaungrei chai khyh; Nang i atiti kahawi sa naichi ly amteng hai nai deaungkho y, Cheng bawibawichi ly na i mo y tym iy ang chiu u ai,” nanai napi.