JEREMIA 43:13 - Khumi Common Language Bible

¹³ Ni ly Aikupta pri i kanito mary puira y awm nai ka-ma-ra leungcheng pado naichi taphra pawn iy, Aikupta pri i tameuh achura yhmchi ai mai leng pawn ai,’ nanai leu pei nai thui pi,” napi.

JEREMIA 43:13 ပူးပေါင်းရင်းမြစ်များ

ATITI AWM ANGCHEI NAI 41:45

Samrang my Josepha ai Aikupta khumi amyn Zaphenath Paneah, nanai amyn pathi bo; naibaly Heliopoli mary y awm nai pathyp pi nai keung Potiphera i chaniu Asenath hawi apom hai bo. Aikupta pri y samrang i kalop sa pi nai khala y, Josepha ly saneng phairei awm nai ne. Mymy ly samrang yhm i nai theu iy pri verei y khuleaung amki bo.

ISAIA 19:1

Hini leu pei nai ly Aikupta pri i vui ne. Areng ly tamai salo y atang iy, Aikupta pri mang y chei kaliki nai ne. Aikupta pri i mynchi ly mymy i mo y jei hyn u bo. Aikupta pri i khumichi py o-a sorai lawm u bo.

ISAIA 19:18

Huni neng tym nai khala ly Aikupta pri mary pangreichira y Hebrai leu teaung u ai. Huni marychira y awm nai khumichi ly vaineng abeu iy, Areng teng y leu meitang adeu u ai. Huni marychi theung i mary harei ai ly “Kani areng i mary,” nanai amyn pathi ai.

ISAIA 46:2

Huni mynchi my ly mychi ai atleu pajau y leang. Nichi ai ly patiu iy hawi vui nai avum u ai. Hini ly Babulon tameuhchi i tem naira ne!

JEREMIA 10:11

(Nangchi khumichi awi, kani khusang hawi khaileaung so y nai tameuh ai ly kani anui i py, khaileaung salo i py, tama pawn ai, nanai nichi teng y thui pi ai nai tla.)

JEREMIA 25:19

Kreip hang khaura i kado theu naira hang nei ai tla nai takhra khumichi i vuikanai ly: Aikupta pri i samrang, samrang i bangtangchi hawi lu sa nai keungchi, Aikupta chengchi hawi Aikupta pri y awm nai cheng takhra khumi ngiereichi, Uz pri i samrang bawibawichi, Philistin pri i Asakelon mary, Kaza mary, Ekron marychira i samrang bawibawichi hawi Asadod mary i khumi kamthum kamlai ngiereichi, Edom pri, Moba pri hawi Ammon prichira i khumi bawibawichi, Turu hawi Sidon samrang bawibawichi, Pangli vai Mrethe pangli tengtang y peang nai samrang bawibawichi, Dedan mary, Tema mary hawi Buza marychira i khumi bawibawichi, Lu i sam kadawi avau nai khumi ngiereichi, Arabia samrang bawibawichi, khutaha daichi ka-vymra y awm nai cheng takhrachi ai peang nai samrangchi, Zimri pri, Elam pri hawi Media pri i samrang bawibawichi, Tosyh mang y awm nai, kamlo kangsara i awm nai samrang bawibawichi ne. Khaileaung pri y awm nai khumi chengchi ly huni kado theu naira hang nei u nai ne. Kangkhym kangtem y nei ai nai khumi ly Babulon samrang ne.

JEREMIA 43:12

Kai ly Aikupta pri tameuhchi i achura yhmchi ai mai kaleng ai. Babulon samrang ai huni achura yhmchira i tameuhchi ai mai leng hai ai, ti y baly la hai pawn ai. Beram tym nai keungchi ly mychi ateaungra i heichi hau pyn nai kamta, Babulon samrang ly hini pri i vawnsaichi hau pyn iy, eaung naimy vawi hai pawn ai.

JEREMIA 44:1

Areng ly Aikupta pri Mikadol mary, Tapaneh mary, Memphi mary hawi tokalawi mang y awm nai Israela cheng bawibawichi i molam y, kai ai leu pei nai ne.

JEREMIA 46:25

Israela chengchi i Tameuh, ati cheaungkhang sa thai nai keung Areng my, “Kai ly Thebe mary y awm nai Ammon tameuh ai Aikupta pri, Aikupta tameuhchi, samrangchi hawi vanrei pajeng ai. Aikupta pri samrang hawi ni ai paleung pado nai ngiereichi ai pajeng ai.

Ezekiela 26:11

Nichi i keaungngo atang nai risachi ly nang i lamchira y tako prei ai i, khumichi ai haisau hawi tleh u ai. Nang i khaw parai nai lengseaung leungchengchi ly khaileaung y atlym pawn ai.

Ezekiela 30:13

Sa thai naira angym nai Areng my, “Kai ly Nopha mary i mynchi hawi tameuh mynchi taphra pawn ai. Aikupta pri ai peang nai keung leaungrei py awm ai ny y. Kai ly khumi bawibawichi ai jei hyn hai ai.

Ezekiela 30:17

Heliopoli mary hawi Bubasti marychira i thawndeang deaungdichi ly tavai keung y dei iy, khumi takhrachi ai ly langheng y hawi u ai.

DANIELA 11:8

Nichi i tameuh mynchi hawi, hunichi teng y talam nai muku khau, tangka khau bawibawichi ai py, Aikupta pri mang y syn pawn ai. Naibaly saneng neangneang tlamsa nai bo y,