JEREMIA 42:18 - Khumi Common Language Bible

¹⁸ “Israela chengchi i Areng Tameuh my, ‘Aikupta pri y nangchi chei u ai nabaly, kai ly kaimy i kado theu naira ai Jerusalem mary i khumichi i tlang tleaung y tym hai nai kamta, nangchi i tlang tleaung y py tym hai teang ai. Khumichi i mo y nangchi ly paso ai nai hawi parai i, nangchi ai panui hai naimy nangchi i amyn ly vaineng tau naira y teaung u ai. Nangchi ly hini meingtym ai, mo mang y mana khala py niu u ali teang ai ny y,’ nanai leu pei bo,” napi.

JEREMIA 42:18 ပူးပေါင်းရင်းမြစ်များ

2 NENG SATANG 34:25

Nichi ly kai ai khai su iy, tameuh takhrachi teng y apathyp u bo. Hunai deaungkho y nichi ly mymychi i sa nai atitichi molam y, kai ai kado theu hai ra bo. Kai ly Jerusalem mary ai kado theu hai bo i, huni kado theu nai ly rym ai ny y.

ISAIA 30:3

Na i py huni pri ly nichi ai ama hai pajau ai ny y. Aikupta pri i ama hai naira py, pri phra naira mang y atlum ai.

ISAIA 65:15

Kai i vawi takhra nai khumichi ly nangchi i amyn ai, amsawira y teaung u ai. Kai, Areng my py nangchi ai kang padei ai. Na i py kai i leu tangai nai khumichi ai, kai ly amyn kangtha pei ai.

JEREMIA 18:16

Nichi ly hini pri y khumi angso savai tlang nai pri hawi, amso ngai hawi jojo nai pri lawm hai bo. Huni sahawi mang tako prei nai khumi bawibawichi ly dawn tamang tyh iy mychi i lu heng u ai.

JEREMIA 22:27

Nangmy ni i kadeaung nai pri y mana khala py, tym hawi ali teang ai ny y,” napi.

JEREMIA 23:40

Nichi ly mana khala py tami pajau y na pa-rei, deungtasarei tahm anem iy, kangji nga u ai,” napi.

JEREMIA 24:9

Kai ly khaileaung pri y awm nai khumi cheng cheaungkhangchi kaso tahyn theu na pa-rei ka-jei awm parai nai, nichi i tlang tleaung y tym hai ai. Nichi i satang ai ly amnui tabu lawm hai ai. Nichi ai ahei hai nai meingtym ngiereichira y py, nichi i amyn y teaung iy, pasawi patau u ai.

JEREMIA 25:9

‘Kai ly tosyh mang i khumi chengchi hawi, kai i miseaung Babulon samrang Nebukhadnezar ai palau iy, Juda pri khumi bawibawichi hawi, pri deaungpa i khumi cheng bawibawichi ai tiu hai ai. Kai ly hunichi ai taphra iy phra seaungkhrang hai jojo nai deaungkho y, niu naichi ly jei naimy kaso tahyn theu u ai. Hini ly kai, Areng i thui nai leu ne.

JEREMIA 26:6

Nangchi ly tangai y veangveang lawh baly, kai ly huni Achura yhm ai Siloh kamta lawm hai ai. Khaileaung pri y awm nai khumi cheng cheaungkhangchi py, pasawi patau naira y hini mary i amyn teaung u ai, nanai amti pi,” napi.

JEREMIA 29:18

Kai ly tavai atiu nai, takang theu nai hawi no kanghawichi katym hai ai i, kapatang hai ai. Hunai deaungkho y khaileaung pri i khumi cheng cheaungkhangchi ly nichi ai niu iy, jei nai kaso theu u ai. Nichi ai ahei hai nai meingtym tleirei y, huni khumichi ly nichi i patang nai niu i, jei nai kaso theu u ai. Nichi ai py panui hai iy nichi i amyn ai py, vaineng abeu nai leu saichira y teaung u ai.

JEREMIA 29:22

Jerusalem mary i dengdairei Babulon mary y pri pala naira avum nai khumichi ly khumi leaungrei ai pasawi patau ai nai ngai lawh baly, ‘Areng ly nang ai Babulon samrang my kangheng tangmy mai y leng nai Zedekiah hawi Ahab nini ai kamta so kalei sy!,’ nanai thui u ai.

JEREMIA 33:5

Babulon chengchi ai khumi phyreichi my tiu u ai. Kai ly khri pa-rei kado theu nai deaungkho y, kaimy padei ai nai khumi veuchi hawi, nichi ly hini mary y kawi hai ai. Mary i khumichi i sa tamang nai molam y, kai ly hini mary i nai meimai kahi pi vui ai.

JEREMIA 44:12

Juda pri y awm jo rai naimy, Aikupta pri y awm ai nai ka-dawn awm nai khumichi ly leaungrei py tleaung y naimy myh kang hai ai. Katheang kalen takhawi y naimy huni khumi bawibawichi ly tavai takai hawi tahum takangra y Aikupta pri y dei u ai. Nichi ly khumichi i mo y ka-jeira lawm ai. Khumichi ly nichi ai panui hai iy, nichi i amyn py, pasawi patau naira y teaung u ai.

JEREMIA 44:22

Vai malawn py nangchi i pri ly phra seaungkhrang naimy, khumi angso savai tlang jo rai. Areng ly nangchi i hawi y naira sa naichi ai kham pi pajau y nai deaungkho y, huni pri ly khumichi i mo y amso ngai naira lawm nai ne. Khumichi my py huni pri i amyn ai pasawi patau naira y teaung u lawh bo.

JEREMIA 44:6

Hunai deaungkho y kai ly Juda marychi hawi Jerusalem lamchi salo y, kai i kado theu naira kaleih iy, huni marychi ai mai kang hai ai. Huni marychi ly phra seaungkhrang naimy awm iy, vaini niu nai kamta khumichi i mei ka-niu y ka-jeira lawm bo.

JEREMIA 44:8

Nangchi awm u ai nai tym nai hini Aikupta pri y, nangchi ly mynchi molam y hawi, tameuh takhrachi ai chiu nai molam y py, ati mana nai kai ai kado patheu u lawh mo? Nangchi ly nangmychi kypkyp my ataphra iy, khaileaung pri i khumi cheng cheaungkhangchi my cheh naira hawi panui hai naira lawm u ai. Nangchi i amyn y tau iy vaineng abeu u ai.

JEREMIA 6:11

Aw Areng, kai ly nang i kado theu naira my kawi i, am-yh pajau y na bo,” napi. Naibaly Areng my, “Kai i kado theu naira ai, lam y awm nai deaungdi tlang tleaung y py, tleaungri ka-cheangchi amkheng achu nai tlang tleaung y py tym hai ba. Aju juvochi hawi khri pa-rei miteaung acheang nai khumichi ly tleaung u ai ny y.

JEREMIA 7:20

Hunai deaungkho y kai i Areng ly kaimy i khri pa-rei kado theu nai ai, hini Achura yhm y kaleih ai. Khumichi hawi tawnbawichi tlang tleaung y py, dengkeaungchi hawi amti amjangchi salo y py kaleih ai. Kai i kado theu nai ly ami py pathym pajau y nai mai hawi atawm ai.

TANGAM NAI LEU 2:4

Mymy ly paleung ka-e kamta achi ai thailiho hawi ang patyp rym iy, atho nga, amo theu, tahm akhai amlyh nai khumi bawibawichi ai py padei bebe bo. Jerusalem mary theung y achi ly mymy i angveaung nanai kado theu naira avum u bo.

TANGAM NAI LEU 2:6

Mymy ly achi i chiu nai Achura yhm ai ly deihpiu pa-rei taphra vui. Mymy ly reita pawi kanichi hawi, anawn kanichi ai tem hai vui bo. Samrang hawi pathyp pi nai keungchi ly vanrei naimy mymy i kado theu nai avum u nai ne.

TANGAM NAI LEU 4:11

Areng ly mymy i khri pa-rei kado theu nai haiho angym pa-rei tym hai bo. Mymy ly Zion mary y mai paeng iy, huni mary ai maidym saprawi lawm hai bo.

Ezekiela 20:34

Nangchi ai pri tlei tleirei hawi, ahei akyhkyh nai pri cheaungkhangra i nai palau ali teang nai neng khala, nangchi i tlang tleaung y atho len parai nai sa thai naira hawi kiu pheu iy, kado theu nai sai patei ai.

Ezekiela 22:22

Tangka ly paheungra y tlawn nai kamta, nichi ly Jerusalem mary y tlawn u ai. Huna nai khala mymychi ly Areng i kado theu naira avum u bo, nanai nichi apany u ai,” napi.

DANIELA 9:11

Israela cheng verei malawn py nang i reitachi ai tangai y i, leu pei naichi khai u su bo. Kaichi ly nang i tlang tleaung y kamngo sa u nai ne i, nang i miseaung Mosi i reita theung y tajiu nai vainengchi ly kaichi teng y lawi hai bo.

DANIELA 9:27

Huni samrang ly khumi neangneangchi hawi, saneng saryh ryrei khaw parai nai ka-dyh ka-dawi asa ai. Saneng thomrei bo y lo tariurei tym nai khala y ni ly kapathypra hawi katalamrachi anawn hai ai. Naibaly ka-jei awm nai amso ngai naira ai lyAchura yhm khumichi niu thai nai ka-sangra y banghau ai. Huni ly bang nai khumi i vui, Tameuh my sa yb nai phra nai neng tym pa-rei, Achura yhm y awm jo ai,” napi.

HOSEA 7:16

Nichi ly kai ai khai su iy sa thai naira by y nai tameuh teng y ahihawi u bo. Nichi ly akawi nai thailiho kamta, ka-ym by y. Nichi i lu sa naichi ly khumi aniu y nai leu katheu u nai deaungkho y, dei kahawi dei u y ai. Hunaibaly Aikupta chengchi my panui hai ai.”

NAHUM 1:6

Mymy kado theu nai khala, ami kham pajau ai mo? Mymy i ka-jei awm nai kado theu nai haiho ly ami kham pajau ai mo? Mymy ly mai theu nanai kado theu nai ai lei nai deaungkho y, mymy mo i lengseaungchi ly dei lawm na bo.

ZEKHARIAH 8:13

Aw Juda hawi Israela khumichi awi! Jangni y cheng takhra khumichi ly mychi tengtawi apasawi apatau u nai khala y, ‘Nangchi ly Juda hawi Israela chengchi tlang tleaung y tym nai ka-jeirachi kamta, nangchi i tlang tleaung y tym teang sy!’ nanai thui u reng nai ne. Na i py kai ly nangchi ai atleu ai i, huni cheng takhra khumichi ly mychi tengtawi, ‘Nangchi ly Juda hawi Israela chengchi teng y tym nai amtheaung nairachi kamta, nangchi py ngo u teang sy!’ nanai thui u ai. Hunai deaungkho y sorai paleung awm u; jei u moh,” napi.

Kati Nai 5:27

Neampachy ly pajang sa lawh baly, ni ly khri pa-rei patangra avum iy, ni i kajeu pobeung naimy, ni i seaunghai py jei paryp ai. Ni ly my i khumichi i vui y taham si hai ai.

AMTENG HAI NAI 14:10

huni khumi kypkyp my py Tameuh i kado theu naira kreip athai hang, ati sai py abawi y naimy mymy i kado theu nai khau y tui abawi y naimy katlen yb nai ly nei ai nai tla ai; naibaly kani pri i amtaw thau naichi i mei ka-niu y hawi, Beram Cho i mei ka-niu y py mai hawi kan y ni ai patang hai takengkei ai: