JEREMIA 4:31 - Khumi Common Language Bible

³¹ Deaungdi tapen ai achai nai neampachy i raawi, chanau chalu tapen nai neampachy i hang nai raawi ka-tawm katyn thai nai ne. Huni raawi ly akawm iy ahyn thlyhthlyh nai Jerusalem mary i katyn ne. Ni my, “Kai ly taham si! Nichi ly kai ai tleh ai nai jeu u dudu bo!

JEREMIA 4:31 ပူးပေါင်းရင်းမြစ်များ

ATITI AWM ANGCHEI NAI 27:46

Rebeka my Isaka teng y, “Kai ly Esaw i la nai cheng takhra ajuchi molam y khri pa-rei paleung phra na bo. Jakob py Hiti cheng theung i anglo leaung leaungrei ai pom lawh baly, kai i vui ly dei ai nai awm khyh bo,” napi.

JOBA 10:1

Kai ly khaileaung pri y heng nai kapaleih na bo. Paleung no-ei naimy kai i tangam nai tangai pi kyh ba.

SAM 120:5

Kai, nangchi hawi awm nai ly Mesheka pri y awm nai kamta py, Kedarkhumichi hawi vanrei awm nai kamta py, hawi y keh nai ne.

ISAIA 1:15

“Nangchi kiu pheu iy chiu sa u nai khala y, kai ly nangchi mang y hi iy kang khen pi ai ny y. Nangchi i kiuchi ly kamngo thi akau nai deaungkho y, nangchi mana tanrei ham parai naimy chiu sa u teu i py, kang tangai pi ai ny y leang.

ISAIA 13:8

Nichi bawibawi malawn py jei hyn naimy deaungdi tapen nai neampachy kamta, khri pa-rei patang naira avum u ai. Nichi ly leaung leaungrei ka-jei paleung hawimy akhen u leungtang ai. Nichi i meimai py kangji thi amteng naimy awm u ai.

ISAIA 21:3

Paleung mei y niu nai, thai naichi deaungkho y kai ly deaungdi tapen nai neampachy kamta athengra iy, patang naira avum nai ne.

ISAIA 26:17

Aw Areng, nang ly kaichi ai deaungdi tapen nai neampachy kamta, no patang naimy aeu hai bo.

ISAIA 42:14

Tameuh my, “Kai ly neng kra parai naimy kaawm pypy nai ne. Kai i khumichi ai leu pathang pi y. Na i py vai ly bawi la ai nai neng tym dudu bo. Kai ly deaungdi tapen nai avum nai neampachy kamta hang nai ne.

ISAIA 6:5

Kaimy py, “Kai teng y athang khai naira by y leang bo. Kai ly taham si parai na ly! Ati mana nai mo nabaly kai i labeaung mang theu nai leu ngiereichi ly chai y i, chai y nai leu naini katheu reng nai khumichi theung y kaawm nai ne. Na i py vai, kai ly ati cheaungkhang sa thai nai Areng! napi nai samrang ai kaniu lawh bo,” napi.

JEREMIA 10:19

Jerusalem mary i khumichi my, “Kaichi ly khri pa-rei patang naira avum u bo! Kaichi i tamo kalemchi ly hawi lei ai ny y. Na i py patang naira ly kham pajau ai, nanai kaichi kadawn u lawh!

JEREMIA 13:21

Nangmychi i ahawi ka-dawichi ne, nanai khumichi my ly nangchi ai tiu iy ang peang ai nai Areng my ka-vo sa lawh baly, nangchi ati mana thui u ai mo? Nangchi ly deaungdi tapen nai neampachy kamta, no patang u ai.

JEREMIA 14:18

Adym angdeang mang y kachei nai khala y, tavai keung y dei nai khumi tlaiveuchi kaniu nai ne. Mary theung y kun nai khala y, kajeu kanglam y dei nai kaniu bo. Amochi hawi pathyp pi nai keungchi ly mymychi ati sa mo, nanai tamang tyh naimy mychi ngaingai sa u bo.”

JEREMIA 15:18

Kai ly ati mana nai y kado theu naira avum veangveang ai mo? Kai i tamo kalemchi ly hawi sa iy hawi pajau y nai mo? Ati mana nai y huni tamo kalemchi ly tamo tha y nai mo? Nang ly kani pui khala y tavo micheaung tuino kang nai kamta, kai ai paleung phra hai ai a?,” nanai takeng bo.

JEREMIA 18:21

Na i py aw Areng, Nang ly nichi i cho chanauchi ai kajeu kanglam y dei hai ly nichi ai tavai keung y sum hai ba. Neampachychi ai mymychi i juvochi, cho chanauchi hawi amprei hai ba. Neampachochi ai dei hai iy thawndeang ka-cheangchi ai tavai keung y sum hai ba.

JEREMIA 22:23

Nangchi ly Lebanon mawi i syn nai saitleang keungchi sala y chymme naimy awm u ai. Na i py deaungdi tapen ai achai nai neampachy kamta, no patang naira avum nai khala, nangchi ai ly khri pa-rei pahen ai nai hawi ai.

JEREMIA 30:6

Adeng ahui iy adawn pasym u! Neampacho ly deaungdi tapen thai a? Huna lawh teu baly, neampacho nai iy deaungdi tapen nai kamtang avum nai neampachy kamta, ati mana nai y mychi i kajeu y kiu hawi panem nai kaniu lawh mo? Khumi luteng ly ati mana nai y, meimai kadaupa lawh mo?

JEREMIA 45:2

ni teng y Israela chengchi i Areng Tameuh my, “Baru awi,

JEREMIA 48:41

Marychi hawi amtangrachi ai ly peang vui ai. Huni kani y Moba tavaimichi ly deaungdi tapen ai nai achai nai neampachy kamta, jei hyn u ai.

JEREMIA 49:22

Kani mang dengdairei pakhi kadai naimy ni kathiu nai ahmtlau kamta, paleung ka-e ly Bozarah mary y tiu ai. Huna nai khala Edom tavaimichi ly deaungdi tapen ai nai achai nai neampachy kamta kaso theu u ai,” napi.

JEREMIA 49:24

Damaska mary i khumichi ly paleung atho di iy, kaso theu naimy preang u pawn bo. Nichi ly deaungdi tapen nai neampachy kamta no patang iy, khri pa-rei paleung ngari u nai ne.

JEREMIA 50:43

Babulon samrang ly huni satang thai nai khala, mymy i kiubanchi py heang pajau y bo. Ni ly paleung bi naira tym i, deaungdi tapen nai neampachy kamta patang naira avum bo.

JEREMIA 6:2

Zion mary ly mo cha hawi iy jypjyp teu i py, taphra naira avum ai.

TANGAM NAI LEU 1:17

“Kai ly kaimy i kiuchi jaha teu i py, kai ai sabawm ai nai khumi leaungrei py by y. Areng ly kai ai tiu ai nai, tengpang sahawi tleirei mang i paleung ka-echi ai palau bo. Nichi ly kai ai amso ngailai ai nai hawi, nanai dawn u.”

TANGAM NAI LEU 1:20

“Aw Areng, Kai i paleung bi paleung mawn nai py, kai i paleung phailo khri pa-rei patang naira avum nai py, khen cham. Kai ly kaimy i kamngo nai molam y, paleung mawn nai ne. Lam y khumi ai padei nai avum; yhm angtheung y py, deira avum nai bo.”

TANGAM NAI LEU 2:21

Miteaung deaungdichi ly lam y atlym iy dei u. Thawndeang anglochi ly paleung ka-echi i haisau tamo y dei u. Nang ly kado theu nai kani y pahen y naimy, nichi ai tleh chauchau bo.

HOSEA 13:13

Israela chengchi ly tlang heng ai nai nga nai ly lo kawp y nai deaungkho y, khri pa-rei tamang na bo. Nichi ly tapen ai nai neng tym i py, tapen ai ngai y nai deaungdicho hawi atawm.

MIKHA 4:10

Jerusalem mary i khumichi awi, vaimy nangchi ly mary khai su iy, daichi theung y awm u ai nai deaungkho y, deaungdi tapen nai neampachy kamta, tlang a-i-eng iy tangam naimy awm u. Nangchi ly Babulon pri mang y chei u ai nai tla ai. Na i py huni meingtym y Areng ly nangchi ai paleung ka-echi teng i nai atleu ai.

MIKHA 4:9

Nang ly ati mana nai y tao pajeng parai naimy aeu lawh mo? Deaungdi tapen nai neampachy kamta, ati mana nai no patang naira avum lawh mo? Nang ai peang nai samrang by y nai deaungkho y a? Nang i adeng ahui nai khumichi dei pawn nai deaungkho y a?

MIKHA 7:1

Athang khai naira by y leang bo! Kai ly kajeu alam nai deaungkho y, thengthai keung i thengthai athai py, kreip keung i kreip athai py, hau teu i py athairei py niu y nai khumi kamta ne. Kreip athai awm nai ngierei hawi, thaidu athai awm nai ngiereichi ai, jaw u be veng bo.

MATTHAI 21:5

nanai, amo i labeaung thui nai ly tym thai ai nai huni ly awm nai bo.

I KORINTH 9:16

Satang Kahawi thui pi i py kapalo naira ha py by y; kai i tlang tleaung y aly aeang nai amtei bo; Satang Kahawi kathui pi y baly kai ly sum ryp bo.

I THESALONIKA 5:3

Khumichi ly, “Awm nem naira hawi chymme naira awm bo,” na naichi i thui nai thym khyp khala y ly, neampachy i chanau tapen ai nai no nai kamta ly tlenrei khyh my tama ai naira ly nichi i tlang tleaung y tym ai i, tleaung ai naira pipi ngo y ai.