JEREMIA 4:28 - Khumi Common Language Bible

²⁸ Khaileaung ly vo tangam ai; kani khusang ly veng pam na bo. Areng my leu pei chum baly mymy paleung ly takhra lawh ai ny y. Paleung y dawn pasym chum baly mymy ly palai teang ai ny y.

JEREMIA 4:28 ပူးပေါင်းရင်းမြစ်များ

ISAIA 24:4

Khaileaung ly jeng rawm naimy awm bo. Tahm pasang naira avum nai khaileaung pri i khumi bawibawichi ly atho bai u bo. Kani khusang py khaileaung hawi vanrei rawp nai ne.

ISAIA 34:4

Kanito, lo, ka-si taukichi ly khaileaung y tla ai. Kani khusang ly taeang veng nai cha aeang kamta tama ai i, ka-sichi ly kreip keung, ti y baly thaidu keungra i ngam vui nai kamta vui ai.

ISAIA 5:30

Huni neng khala nichi ly pangli tui amsau nai katyn kamta, raawi pajeng parai naimy Israela pri y aeu u ai. Huni pri ai khen u cham rai! Huni ly vengpam, ngari kamtang cheichei lawh ly! Kangvang ly kaveng theung y tama jo nai ne.

ISAIA 50:3

Kani khusang ly khumi kadei i vui y paleung si vo tangam nai ka-ma-ra patei nai kamta, veng khiu na pa-rei kai ly sa thai.”

JEREMIA 12:11

Nichi ly huni pri y khumeung khuram lawm hai bo. Huni pri ly kai i mo y khumi angso savai tlang naimy awm bo. Pri verei khai su nai avum iy, ami my py dawndan y bo.

JEREMIA 12:4

Kaichi i pri ly jengha nai mana tanrei kra iy, li hlauchira i achachi py, mana tanrei kakra ngamchi ajawi ai mo? ‘Kaichi i sa nai ly Tameuh my niu y leang,’ nanai thui u nai hini pri khumichi i hawi y nai molam y, tavochi hawi daichi mawichi dei nai ne.

JEREMIA 14:2

“Juda pri ly vo tangam naimy awm; Juda marychi ly paha naimy awm bo. Huni mary i khumichi ly paleung mawn nai deaungkho y, khaileaung y jawn u na bo. Jerusalem mary ly aeu iy kasabawmra hnei u bo.

JEREMIA 23:10

Achi i pri ly Areng i tlang tleaung y ka-ym by y nai khumichi hawimy kawi na bo. Nichi ly teng y naichi sa iy, mychi i sa thai naira ai teaung u atyhtyh nai ne. Achi i pri ly Areng i amsawi lawi nai deaungkho y, vo tangam naimy tawnbawichi sui tlai naira py, jengha na veng bo.

JEREMIA 23:20

Huni kado theu naira ly mymy i sa ai tau nai ngiereichi amcheang y ryrei ly rym lawh ai ny y. Hunichi ai mymy i khumichi ly tym ai nai neng kani khala y, chaipyn pa-rei pany u ai,” napi.

JEREMIA 51:12

Babulon mary apaichi panawi ai nai ka-ma-ra patei u. Nangchi i tamcheaung kamkawm khai panawi bi! Tamcheaungchi ai amo hai yb. Lampawm atheng ai nai tavaimi risachi ai tahyh u,” nanai leu pei u bo. Areng ly mymy i dawn yb nai kamta, Babulon khumichi ai pajei nai ne.

JEREMIA 7:16

Areng my, “Aw Jeremia, hini khumichi i vui chiu so pi moh. Nichi i vui hnei takeng pi nai py, ahui pi nai py so pi moh. Kai ly nang i leu tangai pi y ai nai deaungkho y, kai teng y takeng moh.

TANGAM NAI LEU 2:17

Kangkhym y ly Areng ly mymy i leumo pei yb nai kamta, sa pi khyp bo. Mymy ly jangni i ka-so ang pany hai nai kamta khyp, achi ai pahen y naimy ang taphra be bo. Mymy ly achi i paleung ka-echi ai eaung naira pei i, achi atlym nai molam y amo theu hai bo.

Ezekiela 24:14

Hini ly Areng i leu pei nai ne. Kaimy pajeng ai nai neng ly tym bo. Kai ly nang i kamngochi khen teu ai ny y, kang pahen ai ny y, kang tamen ai ny y. Nangmy i sa nai molam y kamngo pajeng naira avum ai,” napi. Hini ly sa thai naira angym nai Areng i leu pei nai ne.

HOSEA 13:14

Kai ly hini khumichi ai tavau pri i nai py, dei areng i sa thai naira i nai py, atleu ai ny y. Aw dei areng, nang teng i no kanghawi tym hai ba. Aw tavau pri, nang teng i phra naira tym hai ba. Kai ly hini khumichi ai pahen y, tamen y leang bo.

HOSEA 4:3

Hunai deaungkho y hini pri ly jengha ai i, heng nai amjy cheaungkhangchi dei u be ai. Amso tawnbawichi, tavochi hawi, pangli theung y awm nai ngochi malawn py dei u ai,” napi.

JOELA 1:10

Khaileaung y ly amti amjang by y bo; ati mana nai mo nabaly chohpui chomaw phra iy, kreip athaichi jei pawn nai y, olive keungchi deirawm veng bo. Naibaly khaileaung ly vo tangam nai ne.

ZEKHARIAH 8:14

Ati cheaungkhang sa thai nai Areng my, “Nangchi i amsi pajochi my kai ai kado theu hai nai khala, kai ly nichi ai hawi y naira kapei ai nai tau bo. Naibaly paleung ka-dawn amtlau y naimy, hunai kamta kasa bo.

Kati Nai 23:19

Tameuh ly khumi kamta ka-chawi leu thui y leang; mymy ly khumi kamta paleung ali vui y leang. Mymy ly leu adeu nai kamta sa khyp; mymy i leu pei nai kamta py ne khyp.

MATTHAI 27:45

Naibaly kanithun kha i nai kani ka-reu khala y khrairei pri veng bebe.

MARKA 15:33

Naibaly kanithun bo nabaly kani ka-reu khala y khrairei pri veng bebe.

LUKA 23:44

Naibaly kanithun kha y mo, kani ka-reu khala y khrairei pri veng be i, kani kangvang jum bo.

EPHESI 1:11

Ati cheaungkhangra y mymy i kangai tau nai kamta sa nai keung i kangai y ka-vo khai rym nai kamta, kaichi,

EPHESI 1:9

mymy i kangai leu thui nai sai ang pany hai nai ne;

HEBRAI 7:21

Ne mang ly vaineng abeu y naimy nichi ai pathyp pi nai keung y lawn hai: na i py ni i satang thui pi nai keung ly, “Areng my vaineng abeu iy adawn ali y ai i, ‘Nang ly deungtasarei pathyp pi nai keung ne,’ napi,” nanai vaineng abeu kheih bo;

AMTENG HAI NAI 6:12

Naibaly mymy ly pajawp typ nai ka-ma-ra tariurei nai ly su phai su baly kai ly khen i, kaleih khra pa-rei theu bo; kanito py mawi mui kanih kamta panum iy, lo py bom verei thi kamta lawn veng bo;

1 SAMUELA 15:29

Israela chengchi i nang parai nai Tameuh ly ka-chawi thui y, paleung py amtlau vai y leang; mymy ly khumi kamta, mymy i paleung amtlau vui ai ny y,” napi.