JEREMIA 38:22 - Khumi Common Language Bible

²² Juda samrang i yhm y awm rai nai neampachy ngiereichi ai, Babulon samrang i bangtangchi teng y hawi u vui ai. Nichi ly hina nai theu u nai thym khala, ‘Samrang i ahawi hawi keh naichi ly ni ai li-tapawp iy, ni i tlang tleaung y peang rau bo. Vai ly samrang i kheuchi ly aneaung kapan theung y a-up vui bo i, huni ahawi kahawichi ly ni ai khai u su bo,’ nanai thui u ai,” napi.

JEREMIA 38:22 ပူးပေါင်းရင်းမြစ်များ

JOBA 6:15

Na i py kai i ahawichi awi, nangchi ly kani nai y baly tui kang reng nai tavo micheaung kamta, kai ai li-tapawp u bo.

SAM 41:9

Kai i khrei keh nai, kai i ka-ym awm keh nai, kai hawi vanrei biu o ahawi nai khumi, kai i ahawi my malawn py, kai ai kheu hawi ang pathui bo.

SAM 69:14

Aneaung kapan theung y anum y ai nai kai ai atleu kyh ba; paleung ka-echi teng i nai py, tui kathiu mang i dengdairei py atleu kyh ba.

SAM 69:2

Kai ly thiu parai nai aneaung kapan theung y a-up bo; kheu amchynra khaileaung katang by y; kai ly tui kathiu mang y tym na bo; tui sampyhchi ly kai ai ang-um ai bo.

ISAIA 42:17

Mynchi ai ym nai khumichi py, mynchi ai mychi i tameuh, nanai palau u nai khumichi py, cheh naira avum iy tahm anem u ai.”

JEREMIA 13:21

Nangmychi i ahawi ka-dawichi ne, nanai khumichi my ly nangchi ai tiu iy ang peang ai nai Areng my ka-vo sa lawh baly, nangchi ati mana thui u ai mo? Nangchi ly deaungdi tapen nai neampachy kamta, no patang u ai.

JEREMIA 20:10

Kai ly khumichi i leu kamsyh y thui nai raawi thai nai ne. Nichi ly kai ai, “Meingtym tleirei y jei hyn ai hawi nai khumi!” nanai amyn pei iy, “Ni i satang ai peang nai keungchi teng y thai hai u sina!” napi u. Kai hawi amrawi keh nai ahawi ka-dawichi malawn py, kai atlym nai ajeng u bo. Nichi my, “Ni ai achi my li-tapawp pajau lym ai; li hyp naimy patiu iy vawitheung tha pajau ai,” nanai thui u nai ne.

JEREMIA 27:14

Babulon samrang i miseaung y awm y ai nai, nang ai ang thui pi nai amochi i leu tangai moh. Nichi ly nang ai ang tapawp nai leu thui nai teu.

JEREMIA 27:15

Areng mymy kypkyp my, huni khumichi teng y kaimy pato nai ny y leang, napi veng bo. Nichi ly mymy i amyn y ka-chawi thui u nai teu. Hunai deaungkho y Areng ly nang ai ang patheu vui ai. Nang hawi vanrei nang ai ka-chawi naimy ang thui pi nai amochi ly dei u ai,” napi.

JEREMIA 38:19

Na i py samrang Zedekiah my, “Babulon chengchi mang y preang u nai Juda chengchi ai kai ly jei. Kai ly nichi i kiu y aau lawh ai nabaly, kai ai khri pa-rei ana u ai,” napi.

JEREMIA 38:21

Na i py nang ly kasum apei ai nai akhi vui lawh teu baly, ati leaungsaichi tym ai mo, nanai Areng ly kai ai leu pei nai ne.

JEREMIA 41:10

Hunaibaly Ismaela ly Kedalia i kry nai anui y awm ai nai, tavailu areng Nebuzaradan my au nai samrang i chaniuchi hawi, Mizapa mary y awm rai nai khumi bawibawichi ai patiu iy, Ammon pri mang y langheng hawi be nai ne.

JEREMIA 43:6

neampacho, neampachy, deaungdichi hawi samrang i chaniuchi napi nai khumi bawibawichi ai py, Kedalia i kiu y Nebuzaradan my au nai kai hawi Baru napi nai khumi bawibawichi ai py, hawi pawn nai ne.

JEREMIA 46:21

Alai nai tavaimichi malawn py si chochi kamta jeaungmang u nai ne. Nichi ly amtang u y naimy angpreng u pawn bo. Nichi sum u ai nai kani, taham kasi avum ai nai neng kani ly tym dudu nai ne.

JEREMIA 46:5

Na i py Areng my, “Kai i niu nai ly ati mana nai mo? Nichi ly jei i nithun mang y anaw u bo. Nichi i tavaimi risachi ly sum u nai ne. Nichi ly khri pa-rei jei u nai deaungkho y nithun mang y khen y naimy, athorei my angpreng u kaliki na bo,” napi.

JEREMIA 6:12

Nichi i yhmchi, li hlauchi hawi ajuchi ly ami i kiu y tym ai. Kai ly hini pri i khumichi ai kiu pheu iy pajeng ai.

JEREMIA 8:10

Hunai deaungkho y nichi i li hlauchi ai yhmkeung kangtha teng y hawi, nichi i ajuchi ai takhra khumichi teng y py kapei pi vui ai. Khumi katheang kalen khyh chang y, khumi bawibawichi ly teng y naimy paisa tangka hau u bo. Amochi hawi pathyp pi nai keungchi malawn py, khumichi ai tapawp u nai ne.

TANGAM NAI LEU 1:13

“Mymy ly salo mang dengdairei mai pato i, huni mai ly kai i tlang tleaung y angveaung nai ne. Mymy ly kai ai deaung pateung iy patiu i, khaileaung y patlym. Naibaly ang khai su iy kani khengrei, patang naira avum hai bo.”

TANGAM NAI LEU 1:2

Ni ly vumtorei vo naimy awm; meikatui ly my i tangbeng y leaung na bo. Vaichi khala mymy i ahawi kamrawi bawibawichi theung y, ni ai awmnemra pei ai nai leaungrei py by y leang bo. Ni i amsawi amnai asa naichi py, atakai vui veng bo. Vai ly nichi my ni ai paleung ka-e khai u.

TANGAM NAI LEU 5:11

Kaichi i ajuchi ly Zion mawi y my, pajang nai avum u bo. Juda avang tleirei y awm nai kaichi i chaniu anglochi ai kamjau kamteang khai iy, hawi y naichi sa u.

MIKHA 7:5

Nangchi i yhm deaungpa ai py, ahawi kamrawi ai py ym u moh. Nangmy i aju teng y malawn py leu amkyn ba.