JEREMIA 38:20 - Khumi Common Language Bible

²⁰ Kaimy, “Nang ly nichi i kiu y tym ai ny y. Nang teng y kaimy kang thui pi nai Areng i leu phai tangai iy, sa ai nai kang takeng nai teu. Hina nai kamta sa baly cheaungkhangra hawi ai i, nang ly hengra nga ai.

JEREMIA 38:20 ပူးပေါင်းရင်းမြစ်များ

ATITI AWM ANGCHEI NAI 12:13

Nichi teng y kai i tuicho teu napi baly, nang i saho y kai heng ai i kai ai ang kry u ai,” napi.

ATITI AWM ANGCHEI NAI 19:20

Mo kataw y mary katheang niu hawi a? Huni ly kasa nai deaungkho y kai i vui hawi khyp bo. Kai ai chei hai kyh; Huni meingtym ly theang i py hawi, nanai nangmy pany i, huni mang y angpreng si; naibaly kai awm nemra nga ai,” napi.

2 NENG SATANG 20:20

Huni bo i kani khawn angthodyh khala, khumichi ly Tekoa sahawi daichi ka-vym mang y theu u. Theu u enten nai khala Jehoshapha my khumichi teng y, “Juda khumichi hawi Jerusalem mary i khumichi awi!, nangchi ly nangmychi i Areng Tameuh ai ym u baly, angdo u pajau ai. Mymy i amochi my thui nai leu ym u baly eaung naira nga u ai,” napi.

LEU KACHENG 4:4

kai i ampo ly kai ai, “Nang ly kai i leu ai pateungme iy pany jo ba. Mana khala py tami moh. Kaimy kang thui pi nai kamta so; hunaibaly nang heng ai.

LEU KACHENG 7:2

Kai i thui pi nai kamta so ba. Huna nai sa baly nang heng ai. Nang ly nangmy i meicho kangvai ai akry nai kamta, kai i parip naichi tangai ba.

ISAIA 55:3

“Kai i khumichi awi, kai i leu tangai iy, kai teng y jeu u. Hina nai kamta sa baly nangchi ly hengra nga u ai! Kai ly nangchi hawi deungtasarei leu maikawm asa iy, Davida teng y adeu nai amtheaung nairachi ly nangchi teng y kang pei ai.

JEREMIA 11:4

Huni Leu Maikawm ly nichi ai tamo paheung pui hawi atawm nai Aikupta pri i dengdairei, kaimy pahawi nai thym khala y, kai ly nichi i amsi pajochi hawi asa nai Leu Maikawm ne. Kai ly huni khumichi ai kai i leu tangai ai nai hawi, kaimy sa hai nai kalop ngiereichi sa u ai nai leu pei nai ne. Nichi ly kai i leu pei naichi tangai u lawh ai nabaly, kai i khumichi lawm iy, kai py nichi i Tameuh lawm ai.

JEREMIA 11:8

Na i py nichi ly kai i leu tangai u y. Sa patawm nai py by y. Nichi bawibawi ly paleung tang ra tang ra iy, kaso ra kaso u ra nai ne. Kai ly nichi teng y sa patawm ai nai leu pei kheng teu i py, nichi patawm u y nai khala Leu Maikawm theung y abawi nai vainengchi ly nichi i tlang tleaung y lawi hai bo,” napi.

JEREMIA 26:13

Nangchi ly nangmychi i amhi amtlau nai sai takhra iy, nangmychi i Areng Tameuh i leu tangai u ai nai tla. Huna nai kamta sa u baly mymy ly nangchi ai taphra ai, nanai leu pei yb teu i py, mymy i leu amtlau hai vui ai.

JEREMIA 38:21

Na i py nang ly kasum apei ai nai akhi vui lawh teu baly, ati leaungsaichi tym ai mo, nanai Areng ly kai ai leu pei nai ne.

JEREMIA 7:23

Na i py kai ly nichi i Tameuh ne iy, nichi py kai i khumichi lawm ai nai molam y, kai i leu tangai u ai nai reita leu kapei nai ne. Cheaungkhangra y amsym ai nai molam y, kaimy pei nai reita lam y tako u ai nai leu pei nai ne.

DANIELA 4:27

Hunaibaly samrang awi, kai i tau pei nai tangai ba. Kamngo so bi moh ly kahawi so ba. Khumi kamawnchi ai pahen ba. Huna nai sa baly nang ly yhmtheaung katui peung ai,” napi.

AMOS 5:4

Areng my, “Israela khumichi awi, kai teng y ali u teang jau; naibaly nangchi heng u ai.

AMOS 5:6

Areng teng y chei u; hunaibaly nangchi heng u ai. Huna ny y baly mymy ly Israela khumichi i tlang tleaung y, mai kamta ang tym ai. Mai ly Bethela mary i khumichi kang be iy, huni mai ai ami py pathym pajau ai ny y.

AMTAW 26:29

Naibaly Pawla my ly, “Maiden chy i py, maiden chy ny y i py nang ai leaungrei kang napi nai khyh ny y leang, vaini kai i leu thai nai bawibawichi ai py kaimy ka-tawm awm ai nai Tameuh i saho y kai ngai na a, hini kawm naira harei khyh ny y naimy,” napi.

II KORINTH 5:11

Hunaibaly Areng ai tahm khai naira pany iy, kaichi ly khumichi ai parawi nai ne, kaichi ly Tameuh teng y naini amteng ai nai awm; nangmychi i hawi nai hawi y nai pany naira y py kaichi ly amteng ai nai athang kakhai.

II KORINTH 5:20

Hunaibaly kaichi ly Krista i jeng y savai ne i, Tameuh my kaimychi ai teaung iy ang takeng, napi pajau; Tameuh hawi aly u, nanai Krista i jeng y kaichi kang takeng nai ne.

II KORINTH 6:1

Hunaibaly kaichi ly mymy hawi sa ahawi nai, nangchi ly Tameuh i pahenra ai ly chawn hai y naira ngo u y ai nai kaichi kang takeng.

JAKOB 1:22

Na i py amychi ai atapawp iy leu tangai u jo khyh nai ny y i leu patawm nai keung lawn u.