JEREMIA 38:17 - Khumi Common Language Bible

¹⁷ Huna nai khala y kai ly samrang Zedekiah teng y, Israela chengchi i Tameuh, ati cheaungkhang sa thai nai keung Areng my, ‘Nang ly Babulon samrang i bangtangchi teng y kasum apei baly nang heng ai; hini mary py mai my kang ai ny y; nang hawi nang i yhm dengtheungchi py heng u bawi ai.

JEREMIA 38:17 ပူးပေါင်းရင်းမြစ်များ

ATITI AWM ANGCHEI NAI 12:13

Nichi teng y kai i tuicho teu napi baly, nang i saho y kai heng ai i kai ai ang kry u ai,” napi.

2 ARENG KEH 24:12

Samrang Jehojakhin ly my i amhm, chapochi, tavai luchi, samrang yhm miteaung kehchi hawi vanrei, Babulon tavaimichi teng y tamawi aseih bo. Nebukhadnezar ly my i peang nai saneng tajarei awm nai khala y, Jehojakhin ai langheng hawi i,

2 ARENG KEH 25:27

Babulon samrang Evilameroda ly mymy i samrang lyn nai saneng y, Juda samrang Jehojakhin ai theaung i nai palawi pi i, ni ai pahen nai patei bo. Huni ly Jehojakhin theaung tla nai saneng 37, lo holai ha, kani 27rei kani y hina nai tym nai ne.

1 NENG SATANG 17:24

Nang i satang ly amthang ai. Khumichi my py, ‘Ati cheaungkhang sa thai nai keung Areng ly Israela cheng bawibawichi i Tameuh ne,’ nanai thui u jojo ai. Kai i samrang kangpreang py khaw hai jojo ai.

EZARA 9:4

Dym mang apathyp ai nai neng tym i, khumichi ly kai teng y jeu u achu nai ryrei, kai ly paleung si nai hawimy huni meingtym y ateh jo rai; nichi ly pri palara i vawi ali teang nai khumichi i kamngo nai molam y, Israela chengchi i Tameuh my leu pei nai deaungkho y jei hyn nai khumichi ne.

JOBA 23:13

Mymy ly mana khala py, paleung ka-dawn takhra vui y. Ami py mymy ai ka-keng ka-awi so pajau y. Mymy i sa ai ngai nai paka pajau y

SAM 80:14

Ati cheaungkhang sa thai nai keung Tameuh! kaichi teng y jeu ali teang kyh ba; kani mang dengdairei khen kathiu iy jeu ly nangmy i khumichi ai atleu kyh ba!

SAM 80:7

Ati cheaungkhang sa thai nai keung Tameuh! Kaichi ai vawi hai ali teang kyh ly nang i pahen naira kaichi teng y patei kyh ba; hunaibaly kaichi ly atleu naira nga ai!

JEREMIA 27:12

Kai ly Juda samrang Zedekiah teng y py, hina nai kamta amti pi teang nai ne. “Nang ly Babulon samrang i peang nai anui y tamawi aseih ba. Huni samrang hawi ni i chengchi i miseaung y awm baly tlamsa naira nga ai.

JEREMIA 27:17

Nichi i leu tangai u moh! Babulon samrang i miseaung y awm u; hunaibaly nangchi ly chymme naira nga u ai! Huni mary ly ati mana nai y phra seaungkhrang lawh ai mo?

JEREMIA 27:8

Na i py mani khumi cheng, ti y baly mani pri ly huni samrang i peang nai anui y awm y baly, huni khumi chengchi ai Nebukhadnezar my taphra y ryrei ly tavai ka-jeira, tahum takang hawi no kanghawichi hawimy kai ly pajeng ai.

JEREMIA 38:2

Kai ly khumichi teng y Areng i leu thui pi nai ly “Hini mary y awm jojo naichi ly tavai takai, tahum takang, no kanghawichira y dei u ai. Na i py Babulon chengchi teng y chei iy, kasum apei nai ngiereichi ly dei u ai ny y. Nichi ly ati py ne sy, kangheng tleaung u ai.

JEREMIA 39:3

(Jerusalem mary ai peang vui nai khala Nerkala sareza, Shamka Nebo, Sarsekhim hawi takhra Nerkala Sarezachi raurei, Babulon samrang i bangtangchi ly umtang i katheu pa-kho mang y chei iy ateh u bo.)

JEREMIA 40:9

Huna nai khala y Kedalia my, “Nangchi ly Babulon chengchi teng y kasum apei ai nai jeira by y, nanai nangchi teng y kai leu adeu mang. Hini pri y saleaung khuteng pala iy, Babulon samrang i kalop so u. Nangchi i vui cheaungkhangra y hawi ai.

JEREMIA 44:7

“Hunai deaungkho y Israela chengchi i Tameuh, ati cheaungkhang sa thai nai keung kai, Areng my, nangchi ly ati mana nai y nangmychi i tlang tleaung y hina nai ka-jeira tym pa-rei, hawi y naichi sa u lawh mo? Nangchi ly nangchi i cheng myh ai nai neampacho, neampachy, deaungdichi hawi, kanu nei thym naichi ai tama hai ai nai ngai u lawh mo?

Ezekiela 8:4

Kai ly Kheba tavo sahawi y amteng hai nai kamta, hini meingtym y py Israela chengchi i Tameuh i nang parai nai kangvang kaniu bo.

AMOS 5:27

Kai ly nangchi ai Damaska mary vai mang y, langheng y kang hawi vui ai,” nanai kani pri tavai luchi i Areng Tameuh my leu pei nai ne.