JEREMIA 37:13 - Khumi Common Language Bible

¹³ Na i py Benjamin katheu pa-kho y tym nai khala ly Hananiah i katu, Shelemiah i chapo Irijah napi nai tamcheaung my, “Nang ly Babulon chengchi mang y preang nai khumi ne lo-oh!,” napi.

JEREMIA 37:13 ပူးပေါင်းရင်းမြစ်များ

JEREMIA 18:18

Huna nai khala khumichi my, “Jeremia ai paleang veng sina! Achi ai parip nai pathyp pi nai keungchi, tau pei nai khumi kachengchi hawi, Tameuh i leu thui pi nai amochi ang khai pi jojo nai ne. Jeremia ai achi my seu u sina. Ni i thui nai leu py tangai u moh sina,” nanai thui u bo.

JEREMIA 20:10

Kai ly khumichi i leu kamsyh y thui nai raawi thai nai ne. Nichi ly kai ai, “Meingtym tleirei y jei hyn ai hawi nai khumi!” nanai amyn pei iy, “Ni i satang ai peang nai keungchi teng y thai hai u sina!” napi u. Kai hawi amrawi keh nai ahawi ka-dawichi malawn py, kai atlym nai ajeng u bo. Nichi my, “Ni ai achi my li-tapawp pajau lym ai; li hyp naimy patiu iy vawitheung tha pajau ai,” nanai thui u nai ne.

JEREMIA 20:2

kai ai khyh pakhau iy Achura yhm theung i Benjamin salo katheu lukau sahawi y, sengkry hawi pakheng ai nai leu pei bo.

JEREMIA 21:9

Hini mary y awm nai ngiereichi ly tavai keung y dei u be ai, ti y baly kajeu kanglam hawi no kanghawi y py dei u ai. Na i py mary angam mang y theu iy katanmeuh naimy tiu nai Babulon khumichi teng y, kasum apei nai khumichi ly dei u ai ny y; ati py ne sy, dei y i, heng u ai.

JEREMIA 27:6

Khumi cheng cheaungkhangchi ai kai i miseaung Babulon samrang Nebukhadnezar i anui y tym hai nai keung ly kai ne. Kai ly daichi mawichi ai malawn py, ni i miseaung y lawm hai nai ne.

JEREMIA 28:14

Israela chengchi i Tameuh, ati cheaungkhang sa thai nai keung Areng ly khumi cheng cheaungkhangchi tlang tleaung y tamo tamtleang ang tleang ai i, nichi ly Babulon samrang Nebukhadnezar i miseaung y awm u ai, nanai leu ang pei bo. Areng my daichi mawichi malawn py Nebukhadnezar i miseaung achei hai ai, nanai leu pei yb bo,” nanai thui hai nai ne.

JEREMIA 36:12

samrang yhm theung i bangtangchi ka-vum sa nai, samrang ai tau pei nai keung i takun mang y chei bo. Huni meingtym y samrang ai tau pei nai keung Elishama, Shemaiah i chapo Delaiah, Akhabo i chapo Elanathan, Shaphan i chapo Kemaria, ananiah i chapo Zedekiah hawi takhra samrang i bangtangchi awm u nai ne.

JEREMIA 38:1

Mattan i chapo Shephatiah, Pashura i chapo Kedalia, Shelemiah i chapo Jehukal hawi, Malakhia i chapo Pashhurchi ly khumi mipuichi teng y, kai i leu thui naichi thai hai u bo.

JEREMIA 38:4

Naibaly bangtangchi ly samrang teng y, “Hini khumi ai padei i naini hawi ai. Ni ly hini leuchi thui nai deaungkho y, mary theung i tavaimi risachi ai atho di hai bo. Mary theung y awm rai nai khumi bawibawichi py, hinai kamta lawm hai bo. Ni ly khumichi hawi ai nai hau y, hawi y naira naini hau khyh,” napi u.

JEREMIA 38:7

Naibaly samrang yhm y kalop sa nai Ethiopia cheng tlip chum nai Ebadameleh ly hina nai kamta huni khumichi my tuikan theung y pala jo bo, nanai thai u. Huni neng khala y samrang ly Benjamin katheu pa-kho sahawi y, leu ka-rum pui sa u bo.

TANGAM NAI LEU 4:18

Paleung ka-echi ly kaichi ai ajeng i, khen patawm nai deaungkho y, kaichi ly lam y aki aleaung vam y. Kaichi i neng kanichi ly dym veng bo; kangkhym kani tym veng bo.

AMOS 7:10

Naibaly Bethela i pathyp pi nai keung Amaziah my Israela samrang Jeroboam teng y, “Amo ly samrang nang ai ka-awi sa ai nai khumichi theung y dawn paviu bo. Ni i thui nai leuchi molam y pri phra ai.

ZEKHARIAH 14:10

Tosyh mang y awm nai Keba mary dengdairei, tokalawi mang y awm nai Rimon mary y khrairei, Jerusalem mary tengpang sahawi i khaileaungchi adyh ai nai padyh u ai nai tla. Jerusalem mary py tengpang sahawi i khaileaungchi tleaung y asang naimy awm ai. Hini mary ly Benjamin apai katheu dengdairei, katheu kangngym awm nai mary taki i apai katheu khrairei py, Hananela yhm ka-sang dengdairei, samrang i yhm, kreip athai nipra angawmchira y khrairei py awm ai.

LUKA 23:2

Naibaly nichi ly, “Hini khumi ly kaichi i cheng ai taphra ai nai Kaisara teng y akeu cheaung ai nai py paka i, Krista, samrang amlawn, nanai kaichi pany,” nanai seu amteaung bo.

AMTAW 24:13

Vai py nichi ly kai ai ang seu nai leu ly nang i ka-thai y py leu kateang amkhaw thai ai nai ny y leang.

AMTAW 6:11

Naibaly nichi ly khumichi ai um iy mychi my ly, “Ni ly Mosi ai hawi Tameuh ai thui tamawn nai ly kaichi thai bo,” napi.

II KORINTH 6:8

amyn thui tamawn nai hawi amyn kahawi thui nai deaungkho y py; tapawp nai keung kamta awm iy, khumi meitang ne lawh nai;