JEREMIA 37:10 - Khumi Common Language Bible

¹⁰ Nangchi ly nangmychi ai tiu nai Babulon tavaimichi vereichi ai tiu pajau iy tamo kalem nga naichi naini, mychi i kanih yhm y awm khyh bo na lawh teu i py, huni khumichi ly ang thau u iy, hini mary ai mai leng vui ai,” napi.

JEREMIA 37:10 ပူးပေါင်းရင်းမြစ်များ

ISAIA 10:4

Nangchi ly tavai keung y dei u ai; ti y baly langheng palawn iy ang hawi pawn nai avum u ai. Huni neng khala py Areng ly kado theu nai rym y ai i, kamngo pajeng ai nai kiu pheu naimy awm jo ai.

ISAIA 13:15

Nichi theung i kangheng patiu naichi ly haisau hawi tleh nai avum u ai.

ISAIA 14:19

Na i py nang i vui ly tapreaung by y. Veaung tlawn hai ai nai nang i veu ly aphi u su bo. Huni veu ly tavai keung y dei nai tlaiveuchi hawi ataphum naimy, haisau hawi thun nai avum iy, lengseaung angawm theung y aphi su nai, chiu piupa nai avum bo.

ISAIA 30:17

Paleung ka-e leaungrei ai niu baly, nangchi teng i khumi leaung sangrei preang u ai. Paleung ka-e leaung pangrei nabaly, nangchi bawibawi malawn py preang u ai. Mawi saleung y tamkhawn my tlairei leng jo nai ny y baly, nangchi tavaimi theung i ati sai py awm jo ai ny y.

JEREMIA 21:10

Kai ly hini mary ai law tleaung hai y naimy taphra vui ai nai adawn yb bo. Hunichi ai Babulon samrang i kiu y au ai i, ni my py hini mary ai mai leng iy taphra ai. Hini ly kai, Areng i thui nai leu ne,” napi.

JEREMIA 32:29

Hini mary ai tiu nai Babulon khumichi ly jeu iy mai leng u ai. Yhm amphuchi salo y Bala tameuh teng y mui katui leng patlum nai molam py, tameuh takhrachi i vui y kreip hang talam nai molam py, khumichi my kai ai kado patheu nai yhmchi hawi vanrei, hini mary verei kang ai.

JEREMIA 37:11

Aikupta tavaimichi ly sahawi y kasa dudu nai deaungkho y, Babulon tavaimichi ly Jerusalem mary i nai athawn pan veng nai ne.

JEREMIA 37:8

Huna nai khala Babulon chengchi ly ang jeu teang ai i, hini mary ai tiu nai peang vui iy mai leng vui ai.

JEREMIA 49:20

Hunai deaungkho y Edom chengchi i vui kai i sa yb nai leaungsaichi py, Tamen mary khumichi i vui kaimy paran yb nai leaungsaichi py, tangai u. Paleung ka-echi ly nichi i cho chanauchi ai malawn py, athorei my ryh phraiphro iy hawi vui ai. Hunaibaly nichi ly jei hyn u ai.

JEREMIA 50:45

Hunai deaungkho y Babulon mary i vui y kai i sa nai sai ai py, mary i khumichi i vui y kai i paran yb nai sai ai py tangai u. Paleung ka-e ly nichi i cho chanauchi ai malawn py, athorei my ryh phraiphro iy hawi vui ai. Niu nai khumi bawibawichi ly athengra iy kaso theu u ai.

JEREMIA 51:4

Nichi ly tamo nga iy mychi i mary lamchira y dei u ai.

TANGAM NAI LEU 1:15

“Areng ly kai ai asa hai nai, atho ham parai nai risa bawibawichi ai panui hai. Mymy ly kai i thawndeangchi ai, tamyh pawn ai nai tavaimi kamkawm pato bo. Mymy ly kai i khumichi ai kreip hang nip ra theung i kreip athaichi kamta, teih hai pui nai ne.”

JOELA 2:11

Areng ly mymy i tavaimichi ai, kani pajyh nai katyn ka-tawm hawi leu pei nai ne. Mymy i leu pei nai tangai u nai tavaimi risachi ly vuikanai nawi, sa thai naira py awm. Areng i neng kani ly khri pa-rei jei ai hawi na ly! Huni neng kani ai ami katlen vui pajau ai mo?