JEREMIA 36:9 - Khumi Common Language Bible

⁹ Josia i chapo Juda samrang Jehojakim i samrang atheng nai pa-ngo saneng, takawrei lo y, Israela khumichi ly Areng y meimai nga ai nai molam, biu hai ai nai neng thai hai nai deaungkho y, Jerusalem mary i khumi bawibawichi py, Juda mary tleirei i jeu u nai khumi bawibawichi py, biu hai u bo.

JEREMIA 36:9 ပူးပေါင်းရင်းမြစ်များ

2 NENG SATANG 20:3

Jehoshapha ly jei phi nai deaungkho y Areng teng y chiu sa. Naibaly ni ly Juda pri verei y biu hai ai nai kani khai pi bo.

NEHEMIA 9:1

Huni lo kani 24rei kani y Israela chengchi ly mymychi i kamngo molam y, paleung si nai ka-ma-ra paisiuchi amchiu u iy, lu y spryh aphui u; naibaly nichi ly mymychi i kamngo hawi amsi pajochi i kamngochi pany hai iy uikheih u bo.

ESTHER 4:16

“Susa mary y awm nai Juda cheng ngiereichi ai pangym ly kai i vui biu hai iy vum thom, kani thom sai py cho nei u moh sy; kai hawi kai i miseaung neampachychi py biu kahai u ai; huni bo y samrang i reita taphra nai y ang padei lawh teu i py samrang teng y kun ai,” nanai pathang bo.

JEREMIA 36:1

Samrang Josia i chapo Juda samrang Jehojakim i samrang y atheng nai palyh saneng, Areng ly kai teng y,

JEREMIA 36:22

Huni neng ly kaseih neng ne i, samrang ly my i kaseih neng y awm nai yhm theung i takeang mai mo y ateh.

JEREMIA 36:6

Na i py vai tlenrei khumichi biu hai u nai khala y, kai ly nang ai Achura yhm y kang chei hai ai nai ngai. Areng my kai teng y leu pei nai deaungkho y, kaimy nang ai labeaung mang kang thui pi nai ngiereichi ai khumichi thai bawi pa-rei, nang ly huni cha aeang ai athorei my phain pi ai nai tla. Nangmychi mary hawi avangchira i jeu u nai Juda khumichi raurei, hu y awm nai khumichi thai pa-rei, nang ly hini cha aeang phain pi.

JOELA 1:13

Maichamra amsi nai nangchi pathyp pi nai keungchi awi, paisiu kanih akhiu iy vo tangam u! Kai i Tameuh mo y kalop sa nai keungchi awi, Achura yhm theung y kun iy, vumtorei vo tangam u! Nangchi i Tameuh teng y talam ai nai chohpui chomaw hawi, kreip hangchi by y leang bo.

JOELA 1:14

Biu hai ai nai leu pei nai ahei hai ly mipui achu nai pawi harei so u! Nangchi i Areng Tameuh i Achura yhm y Juda mipuichi hawi lu sa naichi ai angym hai chum baly, mymy teng y vo naimy aeu u.

JONA 3:5

Ninevi mary i khumichi ly Tameuh i leu pei nai ym u bo. Hunai deaungkho y uikheih nai ka-ma-ra hawi, kamawn, areng takhawi y naimy biu hai iy paisiu amchiu u ai nai leu pacheang u.

ZEKHARIAH 8:19

Palyh lo, pa-ngo lo, saryh lo hawi lo horei khala y sa nai biu hai nai pawichi ly Juda khumichi i vui amo theu naira lawm ai. Nangchi ly kateng lam hawi tlamsa naira ngai ai nai tla,” napi.

TARA CHIH NAI KEUNGCHI 20:26

Huna nai khala Israela cheng bawibawichi ly Bethela mary y chei iy vo u. Nichi ly Areng i mo y ateh iy, kani dym nai pa-rei biu hai u bo. Nichi ly Areng i mo y amkawm nai kapathypra hawi leng patlum nai kapathyprachi talam u.

1 SAMUELA 7:6

Naibaly nichi bawibawi ly Mizapa mary y angym u iy, tui maidenreichy deu i, Areng teng y talam nai lei i, huni kani khengrei biu hai u bo. nichi my, “Kaichi ly Areng ai kamngo kasa u lawh bo,” napi u. (Mizapa mary i dengdairei Samuela ly Israela chengchi ai peang nai ne.)