JEREMIA 36:6 - Khumi Common Language Bible

⁶ Na i py vai tlenrei khumichi biu hai u nai khala y, kai ly nang ai Achura yhm y kang chei hai ai nai ngai. Areng my kai teng y leu pei nai deaungkho y, kaimy nang ai labeaung mang kang thui pi nai ngiereichi ai khumichi thai bawi pa-rei, nang ly huni cha aeang ai athorei my phain pi ai nai tla. Nangmychi mary hawi avangchira i jeu u nai Juda khumichi raurei, hu y awm nai khumichi thai pa-rei, nang ly hini cha aeang phain pi.

JEREMIA 36:6 ပူးပေါင်းရင်းမြစ်များ

JEREMIA 18:11

Huna nai y kai ly Juda khumichi hawi Jerusalem mary i khumichi ai, ka-awi sa ai tau nai hawi kapajeng ai sa rym naichi py thui pi. Khumi bawibawichi kamngo sa nai anawn u ai nai hawi, mychi i heng nai hawi amhi amtlau naichi takhra u ai nai Areng my leu pei nai thui pi ba.

JEREMIA 19:14

Naibaly kai ly leu pei naichi thai hai ai nai Areng my pato nai, Topheth i nai theu iy Achura yhm apai theung i ly-um y angdo naimy, khumi bawibawichi teng y,

JEREMIA 26:2

Areng ly hina nai leu ang pei. “Achura yhm apai theung y angdo iy, huni meingtym y Juda marychira i dengdairei Areng i yhm y chiu ai nai ang jeu u nai khumichi teng y, kai i leu pei naichi thui pi. Leu sairei py takhawi moh.

JEREMIA 36:2

“Nang ly cha aeang harei la iy Israela pri, Juda pri hawi pri tleireichi molam y kai i leu pei naichi tajiu typ ba. Samrang Josia deung y kai i leu pei nai tangai u nai neng dengdai vaini khrairei, nang teng y leu kang pei nai bawibawi tajiu typ ba.

JEREMIA 36:4

Hunai deaungkho y kai ly Neriah i chapo Baru ai palau iy, mymy ly Areng i leu pei nai ngiereichi tajiu typ ai nai labeaung mang thui pi nai ne. Baru my py cha aeang hareira y tajiu typ bo.

JEREMIA 7:2

Areng ai chiu ai nai hini katheu pa-kho mang kun u nai Juda mipuichi awi, Areng i leu tangai u.

ZEKHARIAH 8:19

Palyh lo, pa-ngo lo, saryh lo hawi lo horei khala y sa nai biu hai nai pawichi ly Juda khumichi i vui amo theu naira lawm ai. Nangchi ly kateng lam hawi tlamsa naira ngai ai nai tla,” napi.

AMTAW 27:9

Naibaly kani neangneang sum nai hawi, paleaung mang chei ai nai ka-jei awm nai deaungkho y py (Biu Hai nai neng chi veng bo i), Pawla my nichi ai pachei i nichi teng y,