JEREMIA 36:29 - Khumi Common Language Bible

²⁹ Samrang Jehojakim ai py Areng my, “Nang ly cha aeang ai mai leng vui chum baly Jeremia teng y, Babulon samrang ly hini pri y ang jeu ai i, hini pri y taphra iy khumichi hawi tawnbawichi padei pawn ai, nanai ati mana nai thui lawh mo?, nanai deng bo.

JEREMIA 36:29 ပူးပေါင်းရင်းမြစ်များ

JOBA 15:24

Tavai atiu ai nai angveirym nai samrang kamta, ka-jeira my ni ai tiu ai nai ajeng rym nai ne.

JOBA 15:25

Hini ly Tameuh ai kiu pahyn nai khumi, ati cheaungkhang sa thai nai keung ai amtang nai khumi i, avum ai nai khym taham kasi ne.

JOBA 40:8

Nang ly kai teng y leu meitang adyh adawi nai by y leang, nanai pany hai nai ka-ma-ra patei ai nai atho sa ai a? Nangmy mang kateng lawm ai nai, kai ai cheh nai sai a?

ISAIA 29:21

Tameuh ly ami ai kangji pei naichi, reita taphra nai khumi ai pajeng naira avum y pa-rei sa vui naichi hawi, khumi kahawichi my ka-dyh ka-dawi tara chih nai lei amcheang y ai nai, ka-chawi naimy pany hai nai khumichi ai tamyh ai.

ISAIA 30:10

Amochi ai py awm u pypy ai nai thui pi u bo. Nichi my, “Kaichi teng y leu kateng thui pi u moh. Kaichi thai ai ngai nai leu thui pi u. Kaichi ai kaimychi i tamang nai ka-dawnchi hawimy awm hai jo teu sy.

ISAIA 45:9

Takhra laawmchi hawi atawm nai alai laawm ly laawm beu nai keung ai ei vam na a? Khaileaung laikan my laawm beu nai keung teng y, nang ly ati sa nai mo, nanai deng na ti a? Alai laawm my, mymy ai sa nai keung ly kawp nai ny y, nanai cheh na ti a?

JEREMIA 21:10

Kai ly hini mary ai law tleaung hai y naimy taphra vui ai nai adawn yb bo. Hunichi ai Babulon samrang i kiu y au ai i, ni my py hini mary ai mai leng iy taphra ai. Hini ly kai, Areng i thui nai leu ne,” napi.

JEREMIA 25:13

Kai ly hini khumi chengchi ai vaichi khala kapajei nai kamta, khumi cheng cheaungkhangchi ai Jeremia my thui pi nai pajeng nairachi hawi py, hini cha-iu theung y abawi nai pajeng nairachi hawi py, kaparip ai.

JEREMIA 25:9

‘Kai ly tosyh mang i khumi chengchi hawi, kai i miseaung Babulon samrang Nebukhadnezar ai palau iy, Juda pri khumi bawibawichi hawi, pri deaungpa i khumi cheng bawibawichi ai tiu hai ai. Kai ly hunichi ai taphra iy phra seaungkhrang hai jojo nai deaungkho y, niu naichi ly jei naimy kaso tahyn theu u ai. Hini ly kai, Areng i thui nai leu ne.

JEREMIA 26:9

Ati mana nai y Achura yhm ly Siloh avang kamta lawm ai, nanai hawi, huni mary ai ly taphra vui iy, khumi angso savai tlang naira lawm ai, nanai py, nang ly Areng i amyn y thui katheu lawh a? nanai aeu bo. Naibaly khumichi ly Achura yhm theung y achu iy, kai ai katanmeuh bo.

JEREMIA 28:8

Nang hawi achi i deung ny y rai nai, jangni i amochi my thui nai ly khumi cheng cheaungkhangchi hawi sa thai naira len nai prichi py, tavai ka-jeira, takang theu nai hawi, no kanghawi avum u ai, nanai thui u rym nai ne.

JEREMIA 32:3

Samrang Zedekiah ly hu y kai ai theaung pala nai bo y, “Hini mary ai Babulon samrang teng y kapei ai; ni ly hini mary ai peang vui ai.

JEREMIA 33:12

Ati cheaungkhang sa thai nai keung Areng my, “Khumichi hawi tawnbawichi by y iy khutaha daichi ka-vym hawi atawm nai hini pri y, beram typ nai keungchi my beramchi ai sui patlai nai meingtymchi awm teang ai.

JEREMIA 36:23

Jehudi my chang thom chang palyhrei phain chum nai hawimy samrang ly huni chengchi ai acho hawi kalabaw iy mai theung y thun vui bo. Ni ly hina nai kamta cha aeang verei mai y kang keng na pa-rei sa nai ne.

AMTAW 5:28

“Hini i amyn y leu den py thui moh kang napi khyp be, naibaly khen cham, nangchi i leu patiu nai ly Jerusalem y kawi hai bebe bo:hini khumi i thi py kaichi i tlang tleaung y tym hai ai nai tau u lawh ly,” nanai preng.

AMTAW 5:39

Na i py Tameuh i sa nai ne lawh baly nangchi ly nichi ai tamo hai pajau y leang, ti y baly nangchi Tameuh ai tiu nai tlo lawh na,” napi.

I KORINTH 10:22

Ti y baly achi ly Areng my takho ai nai pacheang nai tau lawh a? Achi ly mymy tleaung y ham keh lawh a?

Leu Thui Nai 29:19

Vaini hini leu pei naichi thai u nai bo y, amy i kangai sa veangveang nai ly ati cheaungkhangra y hawi nga ai, nanai ym nai khumi awm moh sy; na i py nangchi theung y khumi kahawi py, khumi hawi y nai py, bawibawichi ly tama rau ai.