Jehudi my chang thom chang palyhrei phain chum nai hawimy samrang ly huni chengchi ai acho hawi kalabaw iy mai theung y thun vui bo. Ni ly hina nai kamta cha aeang verei mai y kang keng na pa-rei sa nai ne.
Hunai deaungkho y kai ly Neriah i chapo Baru ai palau iy, mymy ly Areng i leu pei nai ngiereichi tajiu typ ai nai labeaung mang thui pi nai ne. Baru my py cha aeang hareira y tajiu typ bo.
Na i py nangchi theung i maidenreichychi ly dei y naimy, Aikupta pri i dengdairei Juda pri y vawi u ai. Huna nai khala y Aikupta pri y tym u nai Juda khumi heng rai naichi ly mychi i leu hawi kai i leura y, ami i leu ly teng keh mo, nanai pany u ai.