JEREMIA 36:14 - Khumi Common Language Bible

¹⁴ Huna nai khala y samrang i bangtangchi ly Kushi i kati, Shelemiah i katu, Nethaniah i chapo Jehudi ai Baru teng pato iy, Baru ai my i khumichi teng y phain pi nai cha aeang syn nai my jeu ai nai taviu bo. Baru py huni khumichi teng y chei nai ne.

JEREMIA 36:14 ပူးပေါင်းရင်းမြစ်များ

2 ARENG KEH 25:23

Huni satang thai u nai khala y, tamawi aseih y nai Juda tavai luchi hawi risachi ly Mizapa mary y awm nai Kedalia teng y tym u. Huni tavai luchi ly Nethaniah i chapo Ismaela, Kareah i chapo Johanan, Netopha mary i Tanhumeth i chapo Seraiah hawi Maaka mary i khumi Jezaniachi ne.

JEREMIA 36:2

“Nang ly cha aeang harei la iy Israela pri, Juda pri hawi pri tleireichi molam y kai i leu pei naichi tajiu typ ba. Samrang Josia deung y kai i leu pei nai tangai u nai neng dengdai vaini khrairei, nang teng y leu kang pei nai bawibawi tajiu typ ba.

JEREMIA 36:21

Naibaly samrang ly Jehudi ai pato iy cha aeang la hai bo. Jehudi py Elishama takun i, huni cha aeang la iy samrang hawi vanrei, samrang i sahawi y taki teungtareung nai bangtangchi i mo y phain pi nai ne.

JEREMIA 36:4

Hunai deaungkho y kai ly Neriah i chapo Baru ai palau iy, mymy ly Areng i leu pei nai ngiereichi tajiu typ ai nai labeaung mang thui pi nai ne. Baru my py cha aeang hareira y tajiu typ bo.

JEREMIA 40:8

Hunai deaungkho y Nethaniah i chapo Ismaela, Kareah i chapo Johanan hawi Jonathan, Tanhumeth i chapo Seraiah, Netopha mary y awm nai Ephai i chapochi hawi, Maaka mary i Jezaniachi ly mychi i khumichi hawi vanrei, Kedalia i awm nai Mizapa mary y tym u bo.

JEREMIA 41:16

Kedalia ai padei nai bo y Mizapa mary i Ismaela my langheng palawn iy, hawi nai tavaimi risachi, neampachychi, deaungdichi hawi, tlip chum naichi ai Johanan hawi ni i tavaimichi my kry nai ne.

ZEPHANIAH 1:1

Hini leu pei nai ly Ammon i chapo Juda samrang Josia deung y, Zephaniah teng y pei nai leu ne. (Zephaniah ly samrang Hezakia kangpreang Amariah, Kedalia hawi Kushi dengdairei kangpreang ne.)

MATTHAI 10:16

“Khen cham, kasuichi theung y beram awm nai kamta kang pato nai bo he: hunaibaly pavui kamta cheng iy, buhu kamta hawi y naira so y naimy awm u.

MATTHAI 10:28

Naibaly tlang y padei iy, phailo ai padei pajau y nai keungchi ai ly jei u moh ly, ngari angawm y phailo hawi tlang ai tama hai pajau nai keung ai phai jei u.