JEREMIA 36:12 - Khumi Common Language Bible

¹² samrang yhm theung i bangtangchi ka-vum sa nai, samrang ai tau pei nai keung i takun mang y chei bo. Huni meingtym y samrang ai tau pei nai keung Elishama, Shemaiah i chapo Delaiah, Akhabo i chapo Elanathan, Shaphan i chapo Kemaria, ananiah i chapo Zedekiah hawi takhra samrang i bangtangchi awm u nai ne.

JEREMIA 36:12 ပူးပေါင်းရင်းမြစ်များ

2 ARENG KEH 22:12

Naibaly samrang ly pathyp pi nai keung Hilikiah, Shaphan i chapo Ahikam, Mikaia i chapo Akibor, samrang yhm secretary Shaphan hawi samrang i tamcheaung Asaiah, nichi ai palau iy,

2 ARENG KEH 22:14

Naibaly Hilikiah, Ahikam, Akidor, Shaphan hawi Asaiah, nichi ly Jerusalem mary kangthara y awm nai Huladah, napi nai neampachy amo teng y tym u i, leu deng u bo. (Huni neampachy i juvo ly Haraha i katu, Tikvah i chapo Shalum ne. Ni ly Achura yhm i baichu ateaung alangchi kry nai keung ne.)

2 ARENG KEH 22:3

Samrang Josia my peang nai saneng holai tajarei saneng y, Meshulam i katu, Azalia i chapo secretary Shaphan ai Achura yhm mang y pato bo.

2 ARENG KEH 24:8

Jehojakhin ly saneng holai tajarei awm nai khala, Juda samrang lawm i, Jerusalem mary y lo thomrei peang nai ne. Ni i amhm ly Jerusalem mary y awm nai Elanathan i chaniu Nahuta ne.

JEREMIA 26:10

Juda miteaung kehchi ly huni atitichi tym nai thai u nai khala y, samrang yhm dengdairei jeu iy, Achura yhm katheu pa-kho kangthara y meingtym la u bo.

JEREMIA 26:22

Samrang Jehojakim py Uriah ai patiu ai nai Akhabo i chapo Elanathan hawi khumi phyreichi ai Aikupta pri y pato.

JEREMIA 26:24

Na i py kai ly Shaphan i chapo Ahikam my asa hai nai deaungkho y, khumichi i kiu y au i, padei y nai ne.

JEREMIA 36:25

Elanathan, Delaiah hawi Kemariachi my huni cha aeang mai y leng y ai nai samrang teng y takeng u teu i py, samrang ly nichi i takeng nai tangai pi y.

JEREMIA 38:4

Naibaly bangtangchi ly samrang teng y, “Hini khumi ai padei i naini hawi ai. Ni ly hini leuchi thui nai deaungkho y, mary theung i tavaimi risachi ai atho di hai bo. Mary theung y awm rai nai khumi bawibawichi py, hinai kamta lawm hai bo. Ni ly khumichi hawi ai nai hau y, hawi y naira naini hau khyh,” napi u.

JEREMIA 41:1

Huni saneng saryh lo y samrang i bangtang kalen leaungrei, Elishama i katu, Nethaniah i chapo samrang amjy leaungrei ne nai Ismaela ly khumi leaung horei hawi, Kedalia ai ka-vum sa ai nai Mizapa mary y chei u bo. Nichi ly mary y vanrei cha nei u nai thym khala,