JEREMIA 35:6 - Khumi Common Language Bible

⁶ Na i py nichi my, “Rekhab i chapo, kaichi i amsi pajo Jonada my, kaichi ly katu chanau deungrei mana khala py kreip hang nei y ai nai leu pei nai awm i, kaichi ly kreip hang kanei u y.

JEREMIA 35:6 ပူးပေါင်းရင်းမြစ်များ

ATITI AWM ANGCHEI NAI 25:27

Deaungdi ni ly thawndeang cheang hawi bo; Esaw ly daichi theung y amki nai khumi, mymy ly mawi sara ne. Na i py Jakob ly paleung jypjyp chy iy yhm y awm.

ATITI AWM ANGCHEI NAI 36:7

Ati mana nai mo nabaly nini ly tawnbawichi khri pa-rei nawi nai deaungkho y sui tlaira meingtym ake i, vanrei awm hawi pajau y nai ne.

2 ARENG KEH 10:15

Jehu ly hu i dengdairei theu bi i, lam y Rekhab i chapo Jonada hawi avum. Jehu my ni teng y, “Nang ly kai i paleung ka-dawn hawi atawm; nang ly kai ai sabawm ai a?,” napi. Jonada my, “Kang sabawm ai,” napi. Naibaly Jehu my, “Hunaibaly nang i kiu pei,” napi. Jonada my kiu pei nai khala, Jehu ly kiu amkhaw iy Jonada ai ka-ri tleaung y lyn hai chum baly,

2 ARENG KEH 10:23

Hunaibaly Jehu ly Rekhab i chapo Jonada hawi vanrei, bala tameuh i achura yhm theung y kun hawi i, hunira awm nai khumichi teng y, “Hini meingtym y awm nai khumichi ly bala tameuh ai chiu nai khumichi naini ne ai nai tla. Areng ai chiu nai khumi leaungrei py abawi y ai nai, nangchi hawihai palai khen u,” napi.

1 NENG SATANG 16:19

Tameuh i khumichi ly di parai iy, Kanan pri angvyn kamta awm u nai ne.

1 NENG SATANG 2:55

(Charang khai patyp naichi ai tapeang naira y khri pa-rei kawp nai Tirathit, Shimathit hawi Sukathit cheng theaungchi ly Jabe mary y awm u. Huni khumichi ly Rekhab chengchi hawi vui ala nai Kenizi chengchi ne.)

SAM 105:12

Tameuh i khumichi ly vuikanai di parai i, kanan pri i angvynchi ne.

THEU NAI 20:12

“Nang i Areng Tameuh my pei nai pri y heng sau ai nai, nang i amhm, ampo ai tahm khai.

JEREMIA 35:10

Kaichi ly kanih yhmchira y kaawm u bo. Kaimychi i amsi pajo Jonada i reita ai kapatawm u takengkei nai ne.

JEREMIA 35:14

Jonada i katu chanauchi ly kreip hang nei y ai nai Jonada my pei nai reita patawm u bo. Nichi ly mychi i amsi pajo my leu pei nai tangai u nai deaungkho y, vaini khrairei ami py kreip hang nei u y nai ne. Na i py nangchi ly kaimy kang thui pi veangveang teu i py, kai i leu tangai u y.

Levi 10:9

“Nang hawi nang i chapochi ly kreip hang, ti y baly pavui nai amjy nei iy, kai i awmra Tabynako theung y kun u moh. Huna nai sa iy kun u lawh baly, dei u takengkei ai. Hini reita ly nang i kangpreang bawibawichi tangai u ai nai tla.

LUKA 1:15

Ati mana nai mo nabaly ni ly Areng khi y ly khumi kalen ne ai i, kreip athai hang hawi mhm ly den py nei y ai:amhm taku theung i ka-so Phailo Kachai my kawi ai.

I PETERA 2:11

Ngai parai naichi awi, nangchi ly khuleaung chei naichi hawi angvynchi ne nai deaungkho y, phailo ai tiu reng nai tlang i ngai phi teng y nairachi ai ly anawn veng ai nai kang takeng;

TARA CHIH NAI KEUNGCHI 13:14

Neampachy ly kreip angjyn keung i nga nai ngiereichi cha ai nai tlo y; kreip hang py, mhm-rah py nei ai nai tlo y. Jah ai tla nai teicha teineichi py, amkyn ai nai tla. Ni ly kai i thui pi naichi sa ai nai tla,” napi.

TARA CHIH NAI KEUNGCHI 13:7

Na i py kai ly deaungdi aniu ai i, chapo tapen ai naini kai teng y ang thui pi angchi khyp bo. Huni deaungdi heng nai sala ryrei ly Nazari kamkawm lawm ai i, Tameuh teng y au nai khumi lawm ai. Kai ai kreip hang py, mhm-rah py nei y ai nai hawi jah ai avo nai teicha teinei ngiereichi ai amkyn ai nai ang thui pi,” napi.