JEREMIA 35:4 - Khumi Common Language Bible

⁴ Achura yhm y palau iy amo Hanan nithun abang nai khumichi awm nai takun mang y pahawi bo. Hanan ly Ikadalia i chapo ne. Huni takun ly miteaung kehchi i takun sahawi, Achura yhm miteaung keh leaungrei, Shalum i chapo Maaseiah i takun salo kangtheng y awm.

JEREMIA 35:4 ပူးပေါင်းရင်းမြစ်များ

1 ARENG KEH 12:22

Na i py Tameuh my amo Semajah teng y thui pi nai ly

1 ARENG KEH 13:1

Juda pri i amo leaungrei ly Areng i leu pei nai kamta Bethela mary y chei i, apathyp ai nai maichamra y Jeroboam angdo nai neng khala tym nai ne.

1 ARENG KEH 13:26

Amo miteaung pui ly huni satang thai nai khala y, “Huni ly Areng i leu pei nai tangai y nai amo teu bo tu ly! Areng ly mymy i leu pei nai kamta, khrangsi pato iy kei hai nai bo,” napi.

1 ARENG KEH 17:18

Neampachy lumai ly Elija teng y, “Aw Tameuh i khumi awi, nang ly ati mana nai kai ai hini patang naira tym hai lawh mo? Nang ly kai i chapo ai dei ai nai pa-rei Tameuh teng y, kai i kamngochi pany hai ai nai hini meingtym y jeu nai a?” napi.

1 ARENG KEH 17:24

Naibaly neampachy my, “Vai, nang ly Tameuh i khumi ne, nanai hawi, Areng ly nang molam y leu ang pei nai bo, nanai py kai, kapany bo,” napi.

1 ARENG KEH 20:28

Amo leaungrei ly samrang teng y chei iy, “Areng my, ‘kai ly mawi peang nai tameuh ne; adym ai ly peang y leang, nanai Suria chengchi my thui nai deaungkho y, nichi i khri pa-rei nawi nai tavaimi kamkawm ai, nang i kiu y kang-au ai; kai ly Tameuh ne, nanai nang hawi vanrei nang i khumichi pany u ai,’ nanai leu ang pei,” napi.

2 ARENG KEH 1:9

Naibaly samrang ly tavailu leaungrei ai khumi leaung vuipangrei hawi vanrei Elija teng y pato bo. Tavai lu ly Elija ai mawi saleung hareira y ateh nai niu i ni teng y, “Tameuh i khumi awi, satlo kathiu, samrang my leu ang pei,” napi.

2 ARENG KEH 12:9

Naibaly Jehojada ly tengta harei la iy khymra y kho sa i, Achura yhm katheu pa-kho lamtang mang i maicham sahawi y khai bo. Achura yhm katheu pa-khora y kalop tla nai pathyp pi nai keungchi ly chiu sa ai nai jeu nai khumichi i talam nai tangka bawibawichi la achu iy, tengta theung y khai u nai ne.

2 ARENG KEH 25:18

Huni bo y tavailu areng Nebuzaradan ly pathyp pi nai keung kalen keh Seraiah, ni i bangtang pathyp pi nai keung Zephaniah hawi takhra aly len nai Achura yhm miteaung keh leaung thomreichi ai py,

2 ARENG KEH 5:14

Hunaibaly Neaman ly Jordan tavo y satla i, Elisa my thui pi nai kamta, tui tlen saryhrei miu nai khala ly roka hawi pyn nai ne. Ni i ngan tlang ly deaungdi i ngan tlang kamta lawm bo.

2 ARENG KEH 5:20

Elisa i miseaung Kehazi ly “Kai i yhmkeung ly Neaman teng i ati sai py lo y naimy ni ai pato vui lawh ly! Yhmkeung ly Suria khumi my pei nai langseaung ly la ai nai hawi; Kai ly Neaman nithun hui ai i, ni teng i vawnsai ha harei kahnei ai, nanai heng nai Areng i amyn y vaineng abeu bo,” nanai dawn.

2 ARENG KEH 6:10

Hunaibaly Israela samrang ly huni meingtym y awm nai khumichi teng y pany hai yb i, hawihai palai typ hai bo. Huna nai tym nai ly avaw avawrei ne.

2 ARENG KEH 7:17

Israela samrang i tamcheaung sa nai tavailu ly huni neng khala mary apai katheu tym nai risachi ai lu sa nai ne i, khumichi i-mengmeaung naimy ni ai chiu i dei bo. Samrang ly Elisa hawi avum ai nai jeu nai thym khala, Elisa my thui yb nai kamta tym nai ne.

2 ARENG KEH 7:2

Samrang ai typ nai tavailu leaungrei ly Elisa teng y, “Areng kypkyp my, vaimy kani nai hai teu i malawn py, tuna nai ly tym pajau ai ny y leang!,” napi. Elisa my, “Nang ly hina nai tym nai niu i py, cha ai nai ngo y ai,” nanai pathang.

1 NENG SATANG 9:27

Nichi i kalopchi ly Achura yhm typ ai nai hawi katheu pa-khochi ai khawn tleirei paeaung pi ai nai deaungkho y, Achura yhm sahawi y awm u ai tla nai ne.

2 NENG SATANG 8:14

Ampo Davida my sa pi yb nai reita kamta, samrang ly pathyp pi nai keungchi kani tleirei sa ai nai kalopchi py, Pathyp pi nai keungchi i kalop sa naira y sabawm iy khulym thui u nai Levi theaungchi i kalopchi py, pasym pi yb bo. Tameuh i miseaung Davida my leu pei nai kamta, Achura yhm typ nai tamcheaung risachi py, kani tleirei sa ai nai kalopchi kamkawm phy pi bo.

SAM 84:10

Nang i Achura yhm y kanirei awm ai nga nai ly meingtym takhra y kani sangrei awm nai tleaung y hawi keh. Tameuh i yhm y katheu pa-kho typ ai nga nai ly khumi aso y nai i yhm y awm nai tleaung y hawi keh nai ne.

JEREMIA 21:1

Juda samrang Zedekiah ly Melkhia i chapo Pashura hawi Maaseiah i chapo pathyp pi nai keung Zephaniah nini ai kai teng y pato iy,

JEREMIA 26:10

Juda miteaung kehchi ly huni atitichi tym nai thai u nai khala y, samrang yhm dengdairei jeu iy, Achura yhm katheu pa-kho kangthara y meingtym la u bo.

JEREMIA 35:3

Hunaibaly kai ly (takhra Jeremia i chapo, Hebazinia i katu) Jaazaniah hawi ni i amjo amnauchi, chapochi napi nai Rekhab i nupai bawibawichi ai,

JEREMIA 52:24

Huni bo y py samrang i tamcheaung tavailu areng Nebuzaradan ly pathyp pi nai keung kalen keh Seraiah, ni i bangtang pathyp pi nai keung Zephaniah hawi takhra aly len nai Achura yhm miteaung keh leaung thomreichi ai langheng y hawi vui bo.

Ezekiela 40:38

Apai angam mang i ly-um y tosyh ngan katheu pa-kho hawi abi iy pasawm bi nai yhm awm. Huni yhm dengdairei apai angam mang y mo tha nai kunra yhmchy mang y kun pajau. Hini yhmchy ly bom verei leng patlum ai nai tawnbawichi ai paju pachai nai meingtym ne.

Ezekiela 43:8

Samrangchi ly mychi i katheu chenghengchi hawi katheu kheutangchi ai, kai i Achura yhm katheu chenghengchi hawi katheu kheutangchira y tabiri iy sa u. Huna nai y kai hawi nichi sala ly angpang harei arai khyh bo. Nichi ly amso ngai hawi nai cheaungkhangchi sa iy, kai i amyn kachai ai thui tamawn u bo. Huna nai y kai ly kado theu i, nichi ai taphra nai ne.

Leu Thui Nai 33:1

Tameuh my vawi takhra nai Mosi ly mymy dei y rai khala, Israela khumichi teng y hina nai kamta, amtheaungra pei nai ne.

I TIMOTHEI 6:11

Na i py nang, Tameuh i khumi awi, huni atitichi ai ly angpreng veng! Hawi naira hawi, Tameuh ai dawn ryhryh naira hawi, ym naira hawi, tamen naira hawi, kham pajau naira hawi, leu anui naira ai py hui veangveang.

II TIMOTHEI 3:17

patiu naira y hawi sum hai naira y hawi, parip naira y hawi, atiti kahawi patiu naira y ly chawn nai ne.

JOSUA 14:6

Kanirei nai khala Juda theaung phyreichi ly Kilakala mary y awm nai Josua teng y tym u bo. Nichi theung i Kenizi cheng jephonneh i chapo Kaleb my Josua teng y, “Kadesabana meingtym y Areng ly mymy i miseaung Mosi teng y, nang hawi kai i molam y leu pei nai nang pany ai.

1 SAMUELA 2:27

Amo leaungrei ly Areng teng i amo leu thui pi ai nai Eli teng y tym. Huni amo leu ly hini ne; “Nangchi i amsi pajo Aron hawi yhm dengtheungchi ly Aikupta samrang teng y miseaung achei u nai thym khala, kai ly Aron teng y amteng bo.