JEREMIA 34:22 - Khumi Common Language Bible

²² Huni tavaimichi ai kaimy leu pei nai deaungkho y, nichi ly vawi ali iy, hini mary ai tiu chum baly mai leng pawn ai. Kai ly Juda marychi ai khumi angso by y nai, khutaha daichi ka-vym lawm hai ai. Hini ly kai, Areng i thui nai leu ne,” napi.

JEREMIA 34:22 ပူးပေါင်းရင်းမြစ်များ

2 SAMUELA 16:11

Naibaly Davida ly Abisai hawi samrang i bangtangchi teng y, “Kai i chapo kypkyp my malawn py kai ai padei ai nai sa nai deaungkho y, hini benjamin khumi i sa nai ly lyh u lawh a? Mymy ngai ngai so sy, pasawi teu sy; Areng my leu pei nai deaungkho y, ni ly hina nai sa nai ne.

2 ARENG KEH 25:6

Paleung ka-echi ly Zedekiah ai samrang Nebukhadnezar awm nai Riblah mary y hawi u i, Nebukhadnezar my huni meingtymra y tara chih bo.

2 ARENG KEH 25:9

Achura yhm, samrang yhm hawi aly len nai khumi bawibawichi i yhmchi ai, mai leng pawn nai ne.

2 NENG SATANG 36:17

Hunai deaungkho y Areng ly Babulon samrang ai tiu hai nai ne. Huni samrang ly Juda thawndeang deaungdichi ai Achura yhm theung y tleh bo. Tameuh my miteaung deaungdi, neampacho neampachy, no naichi, no y naichi ai pahen y naimy, Babulon samrang i kiu y au nai ne.

ISAIA 13:3

Areng ly mymy i kado theu hai nai khumichi i tlang tleaung y pajeng ai nai molam, mymy ka-ym awm iy tahm khai nai tavaimi kahawichi ai palau nai ne.

ISAIA 24:12

Mary ly anawi seaungkhrang naimy awm bo. Mary apai katheu pa-khochi py tleu pawn veng bo.

ISAIA 37:26

“Jangni khala my, hini atitichi ai kaimy pasym yb nai ne, nanai nang ly mana khala py thai vai y nai sai a? Vai, huni atitichi ai kaimy tym hai bo. Amtangra marychi ai anyn angso pakheng achu nai meingtym palawn vui ai nai, nang ai sa thai naira kang pei bo.

ISAIA 6:11

Kaimy py, “Aw Areng, hina nai tym nai ly mana tanrei kra ai mo?,” nanai deng. Mymy ly “Marychi phra seaungkhrang iy daihaulau naimy awm nai neng ryrei awm ai. Yhmchira y khumi by y i, huni pri py khumi angso savai tlang nai neng ryrei awm ai.

ISAIA 64:10

Nang i chai parai nai marychi ly khutaha daichi ka-vymchi lawm iy Jerusalem mary py, phra seaungkhrang naimy khumi angso by y naira lawm bo.

JEREMIA 2:15

Paleung ka-echi ly ni ai khrangsi kamta hang hai bo. Ni i pri y jeng hai rawm bo. Ni i mary ly phra seaungkhrang iy, khumi angso savai na bo.

JEREMIA 32:29

Hini mary ai tiu nai Babulon khumichi ly jeu iy mai leng u ai. Yhm amphuchi salo y Bala tameuh teng y mui katui leng patlum nai molam py, tameuh takhrachi i vui y kreip hang talam nai molam py, khumichi my kai ai kado patheu nai yhmchi hawi vanrei, hini mary verei kang ai.

JEREMIA 33:10

Areng my, “Hini meingtym ly khutaha daichi ka-vym kamta khumi angso, tawnbawichi by y naira ne, nanai khumichi thui u lengleang nai ne. Juda marychi hawi Jerusalem mary lamchira y khumi angso, tawnbawichi savai tlang veng bo, nanai ly teng khyp nai ne. Na i py huni meingtymchira y,

JEREMIA 34:2

Israela chengchi i Areng Tameuh my kai teng y, nang ly Juda samrang Zedekiah teng y chei iy, ni ai thui pi ai nai leu ly “Kai, Areng ly hini mary ai Babulon samrang i kiu y au ai. Ni ly hini mary ai mai leng vui ai.

JEREMIA 38:23

Huni bo y kaimy, “Babulon chengchi ly nang i ajuchi hawi cho chanau bawibawichi ai hawi pawn ai. Nangmy kypkyp py nichi kiu i nai tleaung ai ny y; Babulon samrang my ang patiu ai. Hini mary py mai y kang vui ai,” kanapi.

JEREMIA 39:8

Huna nai thym khala y Babulon chengchi ly samrang i yhm hawi khumichi ai mai leng iy, Jerusalem mary apaichi panawi u bo.

JEREMIA 4:7

Aeungra i nai ang theu nai khrangsi kamta, Khumi cheng cheaungkhangchi ai taphra ai nai keung ly ang jeu dudu bo. Ni ly Juda pri y taphra ai nai ang jeu bo. Juda marychi ly phra seaungkhrang naimy khumi angso savai tlang vui ai.

JEREMIA 44:22

Vai malawn py nangchi i pri ly phra seaungkhrang naimy, khumi angso savai tlang jo rai. Areng ly nangchi i hawi y naira sa naichi ai kham pi pajau y nai deaungkho y, huni pri ly khumichi i mo y amso ngai naira lawm nai ne. Khumichi my py huni pri i amyn ai pasawi patau naira y teaung u lawh bo.

JEREMIA 50:13

Kai i kado theu nai molam y Babulon mary y ami py awm ai nai nga u ai ny y. Huni mary ly phra seaungkhrang naimy awm ai. Huni sahawi mang tako nai khumi bawibawichi ly huni mary i avum nai leaungsaichi niu nai ly athengra iy kaso theu naimy lyh u ai.

JEREMIA 52:13

Ni ly Achura yhm hawi samrang yhm ai py, Jerusalem mary y aly len nai khumi bawibawichi i yhmchi ai py, mai leng pawn nai ne.

JEREMIA 52:7

Huna nai khala mary apaichi ly anawi be bo. Mary ai Babulon chengchi my katanmeuh teu i py, tavaimi risa bawibawichi ly vum y preang u nai ne. Nichi ly samrang i akho lam mang theu iy, apai nyhrei sala y awm nai katheu pa-kho mang theu i, Jordan leaunghawi mang y preang u bo.

JEREMIA 9:11

Areng my, “Kai ly Jerusalem mary ai kasuichi aeungra, yhm hlau kaphrachi pakheng achu nai meingtym lawm hai ai. Juda marychi py khumi angso savai tlang nai tui by y nai daichi ka-vym lawm ai,” napi.

TANGAM NAI LEU 1:1

Vaichi khala y khumi neangneang kawi nanai Jerusalem mary ly mymy tlairei awm jo khyh na bo ly! Vaichi khala ly khaileaung pri vereichi my, tahm pasang naira avum teu i py, vai ly neampachy lumai hawi atawm veng bo. Mary leilachi theung y tahm awm keh nai mary ly miseaungra ang vum lawh bo.

Ezekiela 13:22

“Nangchi ly kaimy paleung phra hai ai ngai y nai kai i khumichi ai leu ka-chawi teaung iy, paleung phra atho di hai bo. Nangchi ly khumi hawi y naichi ai, hawi y nairachi khai su y ai nai atho pei nai deaungkho y, nichi i hengra chau hai bo.

AMOS 3:6

Mary theung y tavai baw eng nai katyn thai baly, mary i khumichi ly jei hyn y nai awm na a? Areng my pajeng khala naini, mary theung y patang naira tym nai ny y a?

MIKHA 7:13

Na i py huni pri khumichi kamngo nai molam y, nichi i awm nai meingtymchi ly khumi by y nai daichi ka-vym lawm ai.

ZEKHARIAH 1:12

Naibaly kani pri amtaw thau nai my, “Aw ati cheaungkhang sa thai nai Areng, Jerusalem mary hawi Juda marychi ai nang i kado theu nai ly saneng vui saryhrei awm bo; huni marychi ai pahen y naimy, mana tanrei awm jo ai mo?,” napi.

ZEKHARIAH 7:14

Ali kamchai kamta aho hai iy, pri takhra mang y ahei hai pawn bo. Hini hawi nai pri py, khumi angso savai tlang nai meingtym lawm vui bo,” napi.

MATTHAI 22:7

Hunaibaly samrang ly kado theu i mymy i tavaimichi ai pato iy, huni khumi ai padei nai keungchi ai ly padei teang i, nichi i avang py leang pi pawn bo.