JEREMIA 34:17 - Khumi Common Language Bible

¹⁷ Hunai deaungkho y nangchi ly kai i leu tangai y, nangmychi Hebrai cheng tengtawi ai py tlamsa naira pei u y, nanai my thui nai ne. Naibaly nangchi ai tavai takai, no kanghawi, tahum takangra y ngaingai dei ai nai kang pei ai. Kai ly nangchi i tlang tleaung y sa nai sai molam y, khaileaung pri i khumi cheng cheaungkhangchi ly kaso tahyn theu u ai.

JEREMIA 34:17 ပူးပေါင်းရင်းမြစ်များ

ESTHER 7:10

Huna nai y Haman ly Modekai i vui leng pi nai akaeura yhmmawmra y my akaeu iy dei nai ne. Huni bo y amran ly kado theu nai rym bo.

JEREMIA 15:2

Nichi my, kaichi ly mani mang y kachei u ai mo?, nanai nang teng y ang deng u nai khala, hina nai thui pi: “Nangchi phyrei ly no kanghawi man iy dei u ai i, no-na man naira mang y chei ai! Phyrei ly tavai keung y deu u ai i, tavai atiu naira mang y chei u ai! Phyreichi ly takang theu naira y dei u ai i, takang theu naira mang y chei u ai! Phyreichi ly patiu iy langheng y hawi ai i, patiu naira avum ai naira mang y chei u ai!,” nanai kai teng y leu ang pei nai ne.

JEREMIA 15:4

Juda pri y Hezakia i chapo samrang Manase my peang nai thym khala, Jerusalem mary y atitichi sa nai molam y, kai ly khaileaung pri verei i khumi bawibawichi my hunichi niu khala ly kaso theu hai ai.”

JEREMIA 21:7

Tavai takai, tahum takang hawi no kanghawi y dei bawi y nai Juda samrang Zedekiah, ni i bangtangchi hawi khumichi ly mychi ai padei ai ngai nai paleung ka-echi hawi Nebukhadnezar i kiu y patiu hai ai. Nebukhadnezar my py nichi ai padei hai ai. Ami ai py kangheng khai ai ny y, ami ai py pahen pi ai ny y. Hini ly kai, Areng i thui nai leu ne,” napi.

JEREMIA 29:17

Ati cheaungkhang sa thai nai keung Areng my, ‘Kai ly nangchi i tlang tleaung y tavai tiu nai, takang theu nai hawi no kanghawi ka-jeirachi katym hai ai. Nichi cha ai nai ngo y nanai pa-rei veaung nai thaidu athaichi kamta lawm hai ai.

JEREMIA 29:18

Kai ly tavai atiu nai, takang theu nai hawi no kanghawichi katym hai ai i, kapatang hai ai. Hunai deaungkho y khaileaung pri i khumi cheng cheaungkhangchi ly nichi ai niu iy, jei nai kaso theu u ai. Nichi ai ahei hai nai meingtym tleirei y, huni khumichi ly nichi i patang nai niu i, jei nai kaso theu u ai. Nichi ai py panui hai iy nichi i amyn ai py, vaineng abeu nai leu saichira y teaung u ai.

JEREMIA 32:24

“Babulon khumichi ly hini mary ai katanmeuh iy tiu vui thai ai nai, abyhra amkeuchi mary kamki sa u. Nichi ly tiu u dudu bo. Tavai takai, tahum takang hawi no kanghawichi deaungkho y, hini mary ly nichi i kiu y tym vui ai. Aw Areng, nang ly nangmy i leu pei nai ngiereichi teng khyp, nanai niu nai ne.

JEREMIA 32:25

Na i py aw Areng Tameuh, hini mary ai Babulon khumichi my peang vui enten nai khala malawn py, nang ly kai ai pany hai nai keungchi i mo y, li khaileaung van ai nai leu pei lawh ly” napi.

JEREMIA 32:36

Israela chengchi i Areng Tameuh my, “Jeremia awi, hini mary ly tavai takai, tahum takang hawi, no kanghawichi deaungkho y Babulon samrang i kiu y tym ai, nanai khumichi thui u nai ne. Kaimy leu pei bi nai ly vai tangai u.

JEREMIA 34:8

Samrang Zedekiah hawi Jerusalem mary i khumichi ly Juda cheng tengtawi miseaung apalawn y ai nai molam y,

JEREMIA 38:2

Kai ly khumichi teng y Areng i leu thui pi nai ly “Hini mary y awm jojo naichi ly tavai takai, tahum takang, no kanghawichira y dei u ai. Na i py Babulon chengchi teng y chei iy, kasum apei nai ngiereichi ly dei u ai ny y. Nichi ly ati py ne sy, kangheng tleaung u ai.

TANGAM NAI LEU 1:8

Ni i tahm awm nai ly tama vui bo; ni ly tlang ka-keu hawi amso ngailai nai lawm bo. Ni ly tangam i, kaji nai deaungkho y, my i meimai tamym bo. Jerusalem mary ly hawi y keh nai kamngo sa nai deaungkho y, mymy ai mymy naimy chai hai y nai ne.

DANIELA 6:24

Naibaly samrang ly Daniela ai thui tamawn nai khumi bawibawichi ai patiu hai iy, nichi i aju chanauchi hawi vanrei, khrangsi angawm theung y aphi ai nai leu pei bo. Nichi ly khaileaung y tym y rai khala y my, khrangsichi ly achaw iy hiuchi py, taai piupa pawn nai ne.

MATTHAI 7:2

nangchi i neh nai kamta py ang neh pi teang ai.

KALATIA 6:7

Tapawp naira y awm u moh; Tameuh ai ly khen nau ai nai vuilam ny y leang; ami my hei nai ngierei ly huni ly bebe pakym ali teang ai.

Leu Thui Nai 19:19

huni khumi ly seu atyhtyh nai molam y pajeng naira avum ai. Hini lam hawimy nangchi ly huna nai kamngo ai tama hai pajau ai.

Leu Thui Nai 28:25

“Areng my nangchi i paleung ka-echi ai eaung hai ai. Nangchi ly paleung ka-echi ai lam harei mang tiu i py tavai sum nai deaungkho y, lam takhrakhra mang preang u akyhkyh ai. Khaileaung pri verei i khumi bawibawichi ly nangchi i tlang tleaung y huna naichi tym nai niu khala, nangchi ai jei u ai.

Leu Thui Nai 28:64

“Areng my nangchi ai khaileaung pri khuteng taki y tym pa-rei, khumi cheng cheaungkhangchi theung y ahei hai ai. Huna nai khala nangchi hawi nangmychi i amsi pajochi chiu vai y nai dengkeaung, lengseaungchi hawi sa nai tameuhchi chiu u ai.

JAKOB 2:13

Ami i tlang tleaung y pahen naira by y nai khumi ai ly, pahen naira abawi y nai tara chih pi ai:pahen naira my tara chih naira ai pajau ai.

AMTENG HAI NAI 16:6

Nichi ly nang i khumi kachaichi hawi amochi i thi lei iy, Nang ly nichi ai thi nei hai bo; avo y!” napi nai kathai.