JEREMIA 34:16 - Khumi Common Language Bible

¹⁶ Na i py nangchi ly paleung ali u bi i, kai ai tahm khai u y bo. Nangchi bawibawi ly nangmychi my tlamsa naira pei nai miseaungchi ai palau teang iy, miseaung y palawn u akhikan taleang bi nai ne.

JEREMIA 34:16 ပူးပေါင်းရင်းမြစ်များ

THEU NAI 20:7

“Kai i amyn thui rumrang moh; kai ly nang i Areng Tameuh ne i, kai i amyn thui rumrang nai khumi ai ly kapajeng ai.

JEREMIA 34:11

Na i py huna nai tlamsa naira pei chum nai bo y paleung amla vui i, huni khumichi ai palau ali teang iy, miseaung y palawn u akhikan nai ne.

Ezekiela 13:22

“Nangchi ly kaimy paleung phra hai ai ngai y nai kai i khumichi ai leu ka-chawi teaung iy, paleung phra atho di hai bo. Nangchi ly khumi hawi y naichi ai, hawi y nairachi khai su y ai nai atho pei nai deaungkho y, nichi i hengra chau hai bo.

Ezekiela 18:24

“Na i py khumi kahawi ly kahawi sa nai anawn iy khumi hawi y naichi sa reng nai amso ngai nai hawi y naichi sa lawh baly, ni ly heng asai rai na a? Heng y leang! Ni i kahawi sa naichi kapany pi ai ny y. Ni ly ka-ym by y nai molam y kamngo awm i, mymy i sa tamang nai kamngochi deaungkho y dei ai nai tla ai.

Ezekiela 20:39

Sa thai naira angym nai Areng my, “Nangchi Israela cheng bawibawichi awi, vai nangchi ly leaungrei py takhawi y pa-rei nangmychi teng y awm nai mynchi teng y chei iy chiu u! Na i py vai i dengdairei nangchi ly kai i leu tangai u ai nai tla. Mynchi teng y kapathyprachi talam nai molam y, kai i chai parai nai amyn ai vai mo mang y thui tamawn bi moh.

Ezekiela 3:20

“Khumi kahawi leaungrei ly hawi y naira sa nai khala y, kai ly ni ai ka-jeira tym hai ai. Huna nai khala nang ly ni i hawi y sa nai ai thui parip y naimy awm lawh baly, ni ly mymy i sa tamang nai kamngo y dei ai. Vaichi khala y ni i kahawi sa naichi ai kaimy pany pi ai ny y. Huna nai khala huni khumi i dei nai molam ly nang i phu ne.

Ezekiela 39:7

Kai ly kaimy i amyn kachai ai kai i khumi Israela chengchi pany u ai nai kasa ai. Nichi ly huni amyn kachai ai thui tamawn ai nai tlo y. Huna nai khala kai, Areng ly Israela chengchi i chai parai nai Tameuh ne, nanai khumi cheng cheaungkhangchi my pany u ai,” napi.

Levi 19:12

Sa khyp ai ny y pui naimy kai i amyn y tau iy leu adeu moh. Huna nai sa nai y kai i amyn taphra moh. Kai ly nangchi i Areng Tameuh ne.

MALAKHI 1:12

Na i py nangchi ly kai i maicham ai chai y napi iy, nangmychi i teicha teinei katalamra ai py, mei aniu y nai sa iy kai ai cheh u bo.

MALAKHI 1:7

Nangchi mei aniu y nai sa nai leaungsai ly kai i maicham salo y chai y nai teicha teineichi talam nai deaungkho y ne. Naibaly nangchi my, “Kaichi ly nang ai ati mana tahm khai y nai kasa u lawh mo?” nanai deng u bi bo. Nangchi i tahm khai y nai leaungsai ly kai i maicham ai mei aniu y nai sa nai ne.

1 SAMUELA 15:11

“Sawla ai samrang kapalyn nai ly tamang bo; ni ly kai ai hi vui iy, kai i leu tangai y lawh bo,” napi. Samuela ly kado theu bo. Ni ly Areng teng y vumtorei ahui pi iy,