JEREMIA 34:14 - Khumi Common Language Bible

¹⁴ Nichi ly mychi i van nai Hebrai miseaung ngiereichi ai miseaung sa hai teang nai bo y, saryh saneng y ly miseaung alaw hai teang ai nai tla, nanai nichi teng y kaimy thui pi nai ne. Na i py nangchi i amsi pajochi ly kai ai tahm khai u y; kai i leu py tangai u y.

JEREMIA 34:14 ပူးပေါင်းရင်းမြစ်များ

1 ARENG KEH 21:25

(Areng i mei ka-niu y khri pa-rei kamngo sa nai Ahab kamta ly leaungrei py by y; ni i sa nai sai bawibawichi ly samrangnu Jezabela i pachei nai leu molam y ne.

1 ARENG KEH 9:22

Solomon ly Israela chengchi ai miseaung y khai y leang. Nichi ly tavaimichi, samrang i bangtangchi, tavailu arengchi, tavai ka-ri luchi, keaungngo tavaimi kalopchira y sa.

2 NENG SATANG 28:10

Naibaly vai py Jerusalem mary i neampacho neampachychi hawi Juda khumichi ai, nangmychi i miseaung palawn ai nai ka-dawn awm u lawh ly. Nangchi py nangmychi i Areng Tameuh i tlang tleaung y kamngo sa nai khumichi ne, nanai apany u y nai sai a?

2 NENG SATANG 36:16

Na i py nichi ly Tameuh i amtaw thauchi ai panui hai iy, leu pei nai tangai u y. Amochi ai panui hai u bo. Na i py kangkhym y Areng ly khri pa-rei kado theu nai deaungkho y, nichi tleaung pajau ai nai pei y.

NEHEMIA 9:30

Nang ly nichi i tlang tleaung y saneng tlei tleirei neaung kham naimy pany hai bo. Nang i pany hai nai keung amochi my thui parip u teu i py, nang i khumichi ly kano pang u nai ne. Huna nai y nang ly cheng takhra khumichi teng y nang i khumichi ai tiu ai nai pei bo.

ISAIA 50:1

Areng my, “Aju akhai vui nai neampacho kamta kai ly kaimy i khumichi ai kapatheu pawn bo, nanai nangchi athang khai u a? Huna nai akhai lawh baly, akhai nai chachi ly ma mang y awm mo? Amy i cho chanauchi ai miseaung y jo vui nai kamta, kai ly nangchi ai langheng palawn iy jo vui bo, nanai nangchi athang khai u a? Nangchi ai patiu iy hawi pawn nai avum u nai ly nangmychi i kamngolai ne. Nangchi ly nangmychi hawi y sa nai molam y ang patheu nai ne.

ISAIA 58:6

“Kai i kawn nai biu hai nai ly pahyp y naimy ana nai ka-dawnchi khai su nai, peang nai sai teng y nai ai khai su nai, ana naira avum naichi ai atleu nai,

JEREMIA 11:7

Nichi i amsi pajochi ai Aikupta pri i dengdairei kapahawi nai thym khala my, kai ly nichi ai kai i leu tangai u ai nai, hawihai palai kathui pi kheng bo. Vaini khrairei kapany hai jojo nai ne.

JEREMIA 32:30

Israela hawi Juda khumichi ly jangni khala i ka-so, kai i ngai y nai atitichi naini sa u lawh. Israela khumichi ly mychi i sa nai mynchi hawi, kai ai kado theu hai u bo.

JEREMIA 35:15

Kai ly kaimy i miseaung amochi ai kang pato pi veangveang bo. Nichi my py nangchi ai nangmychi i hawi y naichi khai su iy, kahawi sa u ai nai ang thui pi bo. Nangchi ly nangmychi i amsi pajochi teng y kaimy pei nai pri y awm u jojo ai nai deaungkho y, tameuh takhrachi ai chiu u y ai nai, nangchi ai kang pany hai nai ne. Na i py nangchi ly kai i leu tangai u y, kai ai py tahm khai u y.

Ezekiela 20:4

“Nang khumicho awi, nang ly nichi ai cham ai nai angveirym bo a? Angveirym baly cham cham. Nichi teng y mymychi amsi pajochi i amso ngai naira sa nai saichi pany hai pi.

Ezekiela 20:8

Na i py nichi ly kai ai amtang lawh iy kai i leu tangai y naimy awm u bo. Nichi ly mymychi i ngai nai amso ngai hawi nai mynchi hawi, Aikupta tameuhchi ai khai su y. Kai ly nichi ai Aikupta pri y kai i kado theu nai ly nichi i tlang tleaung y tym hai iy pajeng naira angym pa-rei avum hai ai nai dawn pi yb bo.

Levi 25:10

Hina nai kamta saneng vui pangrei saneng ai khai takhra iy, pri verei y awm nai khumichi ly tlamsa bo, nanai satang thai hai ai nai tla. Huni saneng y ly ka-jo ka-van sa nai vawnsai ngiereichi ai, hini saneng y angchei i yhmkeung, ti y baly ni i kangpreangchi teng y pei pi ali teang ai nai tla. Van nai miseaungchi ai py my i yhm dengtheungchi teng y vawi hai ali teang ai nai tla.

AMOS 2:6

Areng my, “Israela khumichi ly kamngo sa nai bo y sa panawi bi nai deaungkho y, kai ly nichi ai meitang khyp kapajeng ai. Nichi ly kalai pe pajau y nai khumi kahawichi hawi, phainai makengrei vang malawn py kalai pe pajau y nai khumi kamawnchi ai, miseaung y jo u bo.

AMOS 8:6

Vang teng y nai choh pui chomaw ai vang palyn iy jo ai. Kalai kangngym pe pajau y nai khumi kamawn ai hau iy, miseaung palawn ai nai phainai bomrei vang by y nai hawi van ai,” nanai thui u bo.

ROM AVANGCHI TENG Y PAWLA I CHA PA NAI 7:24

Kai ly khri pa-rei patang nai khumi ne na ly! Hini dei nai tlang i nai ami my ang law hai ai mo?

Leu Thui Nai 15:1

Saneng saryhrei y tleirei kalai keung ly kalai la nai keung teng y nga ai awm nai ngierei, palawi pi pyn ai nai tla.

Leu Thui Nai 15:12

“Israela cheng neampacho, ti y baly neampachy leaungrei ly nang teng y saneng tariurei miseaung kamta achei iy, saryh saneng tym nai khala nang ly ni ai miseaung i nai palawi ai nai tla.

Leu Thui Nai 15:9

Kalai palawi pi pyn ai nai saneng kasa teu i py, ni teng y alai ai pei y nai awm moh. Nang teng y huna nai nun-si nai ka-dawn kun moh. Nang ly ni teng y alai ai nai pei y baly ni ly Areng teng y amti pi ai i, nang ly kamngo sa nai tla lawh ai.