JEREMIA 33:9 - Khumi Common Language Bible

⁹ Jerusalem mary ly kai i amo theu naira, tahm asang naira hawi amlyh naira lawm ai. Khaileaung pri i khumi cheng cheaungkhangchi ly huni mary ai kaimy peang nai hawi nairachi py, huni mary y kaimy tym hai nai nang chawn nairachi py, thai u nai khala ly kaso theu u ai,” napi.

JEREMIA 33:9 ပူးပေါင်းရင်းမြစ်များ

2 NENG SATANG 20:29

Israela chengchi i paleung ka-echi ai Areng my tavai pasum bo, nanai thai nai khumi cheng cheaungkhangchi ly jei hyn u nai ne.

NEHEMIA 6:16

Hini satang ly tengpang sahawi prichira y awm nai, kaichi i paleung ka-echi my thai nai khala ly mymychi tahm anem bo, nanai apany u bo. Ati mana nai mo na baly hini kalop amcheang vui nai ly Tameuh my sabawm nai saho y ne, nanai khumi luteng pany nai deaungkho y ne.

ESTHER 8:17

Samrang i leu pei nai satang tym nai pri khu ka-peang hawi mary neangneangchira y Juda chengchi ly amo theu parai naimy cha nei u i, amo theu nai pawichi sa u nai ne. Cheng takhra neangneangchi ly Juda chengchi ai jei u nai deaungkho y Juda reita y kun u bo.

SAM 130:4

Na i py nang ly kaichi i kamngochi palawi pi bo; hunaibaly kaichi ly nang teng y ahui kajeaung kaji nai ne.

SAM 40:3

Achi i Tameuh ai palo naira y khulym kangtha thui ai nai, mymy ly kai ai patiu pi bo. Huna nai sa nai ai niu u nai khumichi ly jei naimy tahm khai u iy, Areng ai ym u ai.

ISAIA 43:21

Huni khumichi ly kaimy i vui, kai i sa nai khumichi ne; nichi my py kai ai palo u ai.

ISAIA 55:13

Vai, aleng keungchi prau nai meingtymra y saitleang keungchi prau ai. Aleng phreungchi awm nai meingtymra y preaungmui keungchi prau ai. Hini atitichi ly kai, Areng i kuchi pany jo ai nai, deungtasarei khaw jo nai ka-ma-ra harei lawm ai,” napi.

ISAIA 60:5

Nang ly hini atitichi niu i, amo theu ai. Nang i paleung anghyn ai. Khumi cheng cheaungkhangchi ly mychi i yhmtheaung katuichi ai, nang teng y tym hai ai. Nichi i yhmtheaungchi ly pangli vai mang i dengdairei ang tym hai ai.

ISAIA 62:1

Kai ly Jerusalem mary ai atho pei nai leu thui pi ai. Huni mary ly atleu naira nga iy, nichi i eaung naira ly vum y angvang nai maiteaung kamta, angvang y ryrei ly Jerusalem mary i vui kaawm pypy ai ny y.

ISAIA 62:12

Nangchi ly “Tameuh i chai parai nai khumichi,” “Areng i atleu nai khumichi,” nanai ang palau ai. Jerusalem mary ai, “Tameuh i tamen nai mary pui,” “Tameuh my khai su y nai mary pui,” nanai amyn palau nai avum ai.

ISAIA 62:4

“Paleng vui naira avum nai khumi,” nanai amyn loh ai ny y. Nang i pri py, “Akhai su nai aju,” nanai amyn palau ai ny y leang bo. Nang i amyn kangtha ly “Tameuh my kawn nai neampachy,” nanai lawm ai. Nang i pri py, “Amotheu parai naimy pom nai,” nanai amyn loh ai. Ati mana nai mo nabaly Areng ly nang ai kawn nai deaungkho y, juvo lawm nai keung ly mymy i aju ai tamen nai kamta, nang i pri ai py tamen ai.

ISAIA 62:7

Mymy ly Jerusalem mary ai palum teang iy, khaileaung pri vereichi my palo nai mary lawm hai y ryrei ly nichi ly mymy ai awm py hai ai ny y.

ISAIA 64:2

Nichi ly mai salo y kado thlauthlo nai tui kamta, kaso theu u ai. Jeu ly paleung ka-echi teng y nang i sa thai naira patei pi ba. Khumi cheng cheaungkhangchi ai, nang i mo y kaso theu hai ba!

JEREMIA 13:11

Israela hawi Juda khumi bawibawichi ly kai i khumi lawm iy, kai i amyn palo u thai ai nai, kai ly nichi ai khumi i akeng y akawm cheng nai akeng kawm nina kamta, kai i sahawi y abiri pa-rei awm ai nai ngai hai nai ne. Na i py nichi ly kai i leu tangai u y.

JEREMIA 16:19

Aw Areng, nang ly kai ai kry iy atho pei bo. Patang naira avum nai khala sabawm bo. Khaileaung pri katemra i dengdairei khumi cheng cheaungkhangchi ly nang teng y jeu iy, “Kaichi i amsi pajochi chiu nai tameuhchi ly tameuh ka-chawi ne, atyhtyh teu. Hawi naira pei pajau y nai mynchi ne.

JEREMIA 24:6

Nichi ai kry iy hini pri y kapahawi ali teang ai. Kai ly nichi ai taphra y naimy kapalum ai; akyn vui y naimy kaui ai.

JEREMIA 26:6

Nangchi ly tangai y veangveang lawh baly, kai ly huni Achura yhm ai Siloh kamta lawm hai ai. Khaileaung pri y awm nai khumi cheng cheaungkhangchi py, pasawi patau naira y hini mary i amyn teaung u ai, nanai amti pi,” napi.

JEREMIA 29:1

Kai ly Jerusalem mary i dengdairei Babulon mary y Nebukhadnezar my langheng y hawi nai pathyp pi nai keungchi, amochi, lu sa naichi hawi khumichi teng y cha harei kapa pi nai ne.

JEREMIA 3:17

Huni neng tym nai khala y, Jerusalem mary ly ‘Areng i areng atehra,’ nanai palau ai. Khumi cheng cheaungkhangchi py, huni mary y akachu u iy kai i amyn tahm pasang u ai. Nichi ly mychi i hawi y nai paleung katang kangai mang y sa u ai ny y.

JEREMIA 3:19

Areng my leu pei nai ly “Israela awi, kaimy chapo kang palawn iy amo theu ai hawi nai pri, khaileaung pri verei y apu keh nai pri kang pei ai nai ngai. Nang ly kai ai ampo palau iy mana khala py, kai ai nithun thun vui y ai nai, kai ly aly ngai.

JEREMIA 31:14

Kai ly pathyp pi nai keungchi ai, teicha teinei kahawi hawi bym pa-rei kapacho iy, kai i khumichi avaw nai ngierei ai angym pa-rei kapei pi ai. Hini ly kai, Areng i thui nai leu ne,” napi.

JEREMIA 31:4

Kai ly nangchi ai kang palum ali teang ai. Nangchi ly katyn kapauchi beu iy, amo theu naimy lam u ai.

JEREMIA 32:42

“Kai ly hini ka-jeira nichi i tlang tleaung y tym hai pi nai kamta, nichi teng y kaimy adeu pi nai hawi naira bawibawichi nga hai ai.

JEREMIA 33:14

Areng my, “Israela khumichi hawi Juda khumichi teng y kai i leu adeu nai kamta, tym angym hai nai neng ly tym ai.

JEREMIA 4:2

kai i amyn y tau iy vaineng abeu nai ly kataw kateng lawm ai. Huna nai khala y khumi cheng cheaungkhangchi ly mymychi amtheaung naira nga ai nai hnei takeng u ai. Kai ai py palo u ai,” napi.

JEREMIA 44:8

Nangchi awm u ai nai tym nai hini Aikupta pri y, nangchi ly mynchi molam y hawi, tameuh takhrachi ai chiu nai molam y py, ati mana nai kai ai kado patheu u lawh mo? Nangchi ly nangmychi kypkyp my ataphra iy, khaileaung pri i khumi cheng cheaungkhangchi my cheh naira hawi panui hai naira lawm u ai. Nangchi i amyn y tau iy vaineng abeu u ai.

JEREMIA 49:25

Vaichi khala amo theu ai hawi iy amyn amthang nai huni mary ly khumi angso savai na veng bo.

Ezekiela 26:20

Jangni jangkhawn khala heng nai khumichi hawi vanrei awm ai nai, nang ai khaileaung anui tavau pri y kang tha ai. Kai ly nang ai huni tavau pri y awm nai phra seaungkhrang jo nai khaileaung angawm y awm hai ai. Nang ly hu i dengdairei heng nai khumichi awm nai meingtym mang y mana khala py, vawi ali teang ai nai nga ai ny y.

Ezekiela 36:35

Vaichi khala teaung ai ngo y nai, daichi ka-vym lawm nai khaileaungchi ly Eden akho lawm bo nanai py, vaichi khala taphra nai hawi tiu naira avum iy phra seaungkhrang nai marychira py, vai ly khaw parai nai tavai amtangrachi sa naimy khumichi awm teang bo, nanai khumi lutengchi my thui u lengleang ai.

Ezekiela 39:13

Mipui bawibawichi ly veu pavum naira y sabawm u ai. Hunai deaungkho y kai i phum haiho amteng nai kani y, nichi ly tahm pasang naira nga u ai. Hini ly sa thai naira angym nai kai, Areng my pei nai leu ne.

HOSEA 3:5

Na i py Israela khumichi ly nichi i Areng Tameuh teng y py, nichi i samrang Davida i kangpreangchi teng y py, vawi ali teang nai neng tym ai. Huna nai khala nichi ly Areng ai jei kaji naimy tahm khai u ai. Mymy py nichi ai amtheaung naira pei ai.

ZEKHARIAH 1:17

Kani pri amtaw thau naimy kai teng y, “Ati cheaungkhang sa thai nai Areng ly mymy i marychi bi-ai ali teang ai nanai py, mymy ly ang jeu ali teang ai i Jerusalem mary ai sabawm iy, mymy i peang nai mary pui palawn vui ai nanai py, amthang hai ba,” nanai ang thui pi bo.

ZEKHARIAH 12:2

“Kai ly Jerusalem mary ai kreip hang khau lawm hai ai. Mary tengpang sahawi i khumi cheng cheaungkhangchi ly huni kreip hang nei iy nei cha ala naichi kamta, atlym u khikha ai. Nichi ly Jerusalem mary ai katanmeuh iy tiu u nai khala, takhra Juda marychi py, katanmeuh naira avum ai.

Leu Thui Nai 30:5

nangchi i amsi pajochi awm reng nai pri y peang ali teang pajau ai nai ang pahawi ali teang ai. Huni bo y nangchi ai nangchi i amsi pajochi tleaung y nang chawn hai ai i, khumi vuikanai py nawi tleaung nawi hai ra ai.