JEREMIA 33:5 - Khumi Common Language Bible

⁵ Babulon chengchi ai khumi phyreichi my tiu u ai. Kai ly khri pa-rei kado theu nai deaungkho y, kaimy padei ai nai khumi veuchi hawi, nichi ly hini mary y kawi hai ai. Mary i khumichi i sa tamang nai molam y, kai ly hini mary i nai meimai kahi pi vui ai.

JEREMIA 33:5 ပူးပေါင်းရင်းမြစ်များ

ISAIA 64:7

Nang i amyn y nang teng y leaungrei py chiu so y. “Sabawm kyh ba,” nanai leaungrei py hnei ai nai jeu y. Kaichi i kamngochi deaungkho y, nang ly meimai hi vui iy kaichi ai khai su bo.

ISAIA 8:17

Areng ly mymy i khumichi teng y meimai patei pi y; na i py kai ly mymy ai ym iy athang khai ai.

JEREMIA 18:17

Kai ly kaimy i khumichi ai nisi ali my hm nai spryhchi kamta, paleung ka-echi mo y ahei hai ai. Kai ly nichi ai nithun kathun vui ai. Kai ly nichi ka-jeira avum nai khala y, kasabawm pi ai ny y,” napi.

JEREMIA 21:10

Kai ly hini mary ai law tleaung hai y naimy taphra vui ai nai adawn yb bo. Hunichi ai Babulon samrang i kiu y au ai i, ni my py hini mary ai mai leng iy taphra ai. Hini ly kai, Areng i thui nai leu ne,” napi.

JEREMIA 32:5

Zedekiah ai ly Babulon pri y hawi vui ai i, ni ai chih y ryrei ly huni mary y awm jo ai. Ni ly Babulon chengchi ai tiu ali teu i py eaung ai ny y. Hini ly kai, Areng i thui nai leu ne,” nanai ati mana nai y thui lawh mo, na iy ang thui tamawn nai ne.

JEREMIA 42:18

“Israela chengchi i Areng Tameuh my, ‘Aikupta pri y nangchi chei u ai nabaly, kai ly kaimy i kado theu naira ai Jerusalem mary i khumichi i tlang tleaung y tym hai nai kamta, nangchi i tlang tleaung y py tym hai teang ai. Khumichi i mo y nangchi ly paso ai nai hawi parai i, nangchi ai panui hai naimy nangchi i amyn ly vaineng tau naira y teaung u ai. Nangchi ly hini meingtym ai, mo mang y mana khala py niu u ali teang ai ny y,’ nanai leu pei bo,” napi.

TANGAM NAI LEU 2:7

Areng ly mymy i maicham ai py, Achura yhm Kachai ai py, khai su iy paleung ka-echi teng y, Achura yhm dengpangchi panawi pawn ai nai pei. Nichi py achi amo theu parai naimy chiu nai meingtym y, eaung naira nga nai aeu u sau na bo.

Ezekiela 39:29

Kai ly kaimy i khumi Israela chengchi tlang tleaung y kai i phailo lei pi ai. Nichi ai mana khala py kai nithun thun bi ai ny y. Hini ly sa thai naira angym nai kai, Areng my pei nai leu ne,” napi.

MIKHA 3:4

Nangchi ly Areng teng y vo naimy hnei takeng nai neng tym ai. Na i py mymy ly nangchi ai pathang pi ai ny y. Nangchi ly hawi y naira sa nai deaungkho y, mymy ly nangchi i hnei takeng nai raawi tangai pi ai ny y.

Leu Thui Nai 31:17

Huna nai khala kai ly kado theu iy nichi ai khai su ai, naibaly nichi ly tama u ai. Nichi ly ka-jei awm nai patangrachi avum u ai. Huna nai khala nichi i Tameuh kai ly nichi hawi vanrei awm pi y nai deaungkho y, hina nai ka-jeirachi avum nai ne, nanai nichi pany u ai.

Leu Thui Nai 31:18

Nichi ly Tameuh takhrachi ai chiu iy hawi y naichi sa u nai deaungkho y, kai ly nichi ai atleu ai ny y.

Leu Thui Nai 32:20

Areng my, ‘Hini khumichi ly paleung tang iy, ka-ym by y naichi ne; kai ly nichi ai kasabawm y leang bo,’ ‘Naibaly nichi ati lawm u na mo, nanai kakhen cham ai.