JEREMIA 33:26 - Khumi Common Language Bible

²⁶ Huna nai kai i kateng sa nai kamta, Jakob i kangpreangchi hawi py, kai i miseaung Davida hawi py, asa nai Leu Maikawm khaw hai jo ai. Kai ly Abraham, Isaka hawi Jakobchi i kangpreangchi ai peang ai nai, Davida kangpreang theung i leaungrei ai vawi takhra ai. Kai i khumichi ai nang chawn hai teang ai. Kai ly nichi i tlang tleaung y kapahen ai,” napi.

JEREMIA 33:26 ပူးပေါင်းရင်းမြစ်များ

ATITI AWM ANGCHEI NAI 49:10

Juda ly samrang i tivi syn ai; ni i kangpreangchi teng y peang naira haiho awm jojo ai. Cheng cheaungkhangchi ly ni teng y langseaung pei u ai. Ni i leu tangai u ai.

EZARA 2:1

Pri pala nai chochi ly Jerusalem mary hawi Juda pri, mymychi i saleaung khuteng mang y vawi ai nai Babulon pri i dengdairei theu u bo. Nichi yhm dengtheung bawibawichi ly samrang Nebukhadnezar my langheng hawi nai dengdairei Babulon pri y awm u jo naichi ne.

EZARA 2:70

Pathyp pi nai keungchi, Levi theaungchi hawi khumi phyreichi ly Jerusalem mary, ti y baly huni mary sahawi y awm u. Katyn kapau beu naichi, Achura yhm tamcheaung typ nai risachi hawi Achura yhm y kalop sa naichi ly tengpang i marychira y awm u nai ne. Huni bo i Israela chengchi ly mymychi i amsi pajochi awm reng nai marychi mang y chei iy awm u bo.

SAM 126:1

Achi ai Jerusalem mary y ang pahawi ali teang nai ly amang kamta ne!

ISAIA 14:1

Areng ly mymy i khumi Israela chengchi ai pahen ali teang nai ne. Mymy i khumichi palawn ai nai vawi takhra ai. Mymy ly nichi ai mychi i saleaung khutengra y awm u ali teang ai nai pei ai. Cheng takhra khumichi ly jeu iy nichi hawi vanrei awm u ai.

ISAIA 54:8

Kai ly kado theu nai deaungkho y, tanareichy kang hi pi veng nai ne. Na i py tamen naira ly nangchi teng y kang patei pi jojo ai, nanai nangchi ai atleu nai keung Areng my leu pei bo.

JEREMIA 3:12

Mymy ly kai ai tosyh ngan mang y pato iy Israela teng y, “Ka-ym by y nai Israela awi, kai teng y ali teang jau. Kai ly pahen nai keung ne nai deaungkho y, nang ai kado kang theu hai ai ny y. Kai ly deungtasarei kado kang theu hai ai ny y.

JEREMIA 31:20

“Israela awi, nang ly kai i ngai keh nai chapo hawi, kai i tamen keh nai chapo py ne. Kai ly nang i amyn kathui nai tleirei, nang ai aawi jojo nai ne. Kai i paleung ly nang teng y apei keh nai ne i, kang pahen ai.

JEREMIA 31:35

Areng ly kanithun khala angvang ai nai kanito py, vum y angvang ai nai lo hawi ka-sichi py ka-vo sa pi nai ne. Mymy ly pangli ai tahawi piu iy tui sampyh amsau hai bo. Mymy i amyn ly ati cheaungkhang sa thai nai Areng ne.

JEREMIA 31:37

Khumichi ly kani khusang ai saju angka pata pajau iy khaileaung i sangum langdeng ai hau nai niu khala naini, mymy ly Israela khumichi ai nichi i sa nai kamngochi molam y kaimy khai su ai. Hini ly kai, Areng i thui nai leu ne.

JEREMIA 33:24

“Kai ly kaimy i vawi takhra nai Israela yhm dengtheungchi hawi Juda yhm dengtheungchi ai khai su bo, nanai khumichi my thui u nai ly nang pany a? Nichi ly hina nai kamta kai i khumichi ai mei aniu y nai sa iy, khumi cheng harei malawn py palawn u y bo.

Ezekiela 39:25

Sa thai naira angym nai Areng my, “Na i py vai kai ly Jakob i katu chanau ne nai Israela chengchi ai pahen iy, nang chawn hai ali teang ai. Kai i amyn kachai ai ama hai ai.

HOSEA 1:7

Na i py kai ly Juda pri khumichi ai tamen ai rai. Nichi i Tameuh kai Areng ly nichi ai atleu ai. Na i py tavai atiu nai hawi py, haisau, thailiho, thailiho chyn, keaungngo, keaungngo tavaimi kamkawm hawi py, nichi ai atleu ai ny y.

HOSEA 2:23

Kai ly kaimy i khumichi ai pri theung y awm hai iy, nichi ai nang chawn hai ai. Kai ly “tamen y” nanai amyn angam nai khumichi ai tamen ai. “Kai i khumichi ny y” nanai amyn angam nai khumichi ai kaimy ‘Nichi ly kai i khumichi ne’ nanai thui iy, nichi my, “Mymy ly kaichi i Tameuh ne,” nanai thui u ali teang ai.

ZEKHARIAH 10:6

“Kai ly Juda khumichi ai atho awm hai iy, Israela khumichi ai atleu ai. Kai ly nichi ai pahen iy, mychi i saleaung khuteng mang y pahawi teang ai. Nichi ly kaimy mana khala py khai su vai y nai khumichi kamta lawm ai. Kai ly nichi i Areng Tameuh ne iy, nichi i chiu sa nai pathang pi ai.

ROM AVANGCHI TENG Y PAWLA I CHA PA NAI 11:32

Tameuh my pahen bebe thai ai nai khumi bawibawichi ai ly leu tangai y naira y ang paeung bebe veng.