JEREMIA 33:16 - Khumi Common Language Bible

¹⁶ Huni neng tym nai khala y, Juda pri ly atleu naira nga ai. Jerusalem mary i khumichi py chymme naira nga ai. Mychi i mary pui ai, ‘Kaichi ai atleu nai keung Areng,’ nanai amyn palau ai.

JEREMIA 33:16 ပူးပေါင်းရင်းမြစ်များ

ISAIA 45:17

Na i py Israela chengchi ly Areng i atleu nai nga u iy, nichi i eaung nai ly deungtasa akan jo ai. Nichi ly mana khala py, tahm anem u ai ny y.’ ”

ISAIA 45:22

“Khaileaung pri verei i khumi bawibawichi awi, Kai teng y jeu u ly atleu naira ngo u! Harei awm khyh nai Tameuh ly kai ne.

JEREMIA 23:5

Areng my, “Davida i hawi nai katu chanau leaungrei ai samrang y palyn nai neng tym takengkei ai. Huni samrang ly cheng parai naimy peang iy, pri verei y leu meitang adyh adawi naimy sa pi ai.

JEREMIA 23:6

Huni samrang my peang nai thym khala y Juda khumichi ly chymme naira awm ai i, Israela khumichi ly tlamsa naimy awm u ai. Naibaly huni samrang i amyn ly ‘Kaichi ai atleu pi nai Areng,’ nanai palau u ai.

JEREMIA 30:10

“Kai i khumichi awi, jei u moh; Israela khumichi awi, jei nai kaso theu u moh. Langheng y hawi iy nangchi awm u nai pri, huni pri kamlo dengdairei, nangchi ai kaimy atleu ai. Nangchi ly vawi teang iy tlamsa naimy awm u ai. Ami my py nichi ai pajei ai nai nga ai ny y.

JEREMIA 32:37

Kai ly khrikhri pa-rei kado theu nai y nichi ai ahei hai nai prichira i dengdairei, kapangym ali teang ai. Naibaly nichi ai hini meingtym y kapahawi ali teang iy, chymme naimy awm hai ai.

JEREMIA 50:7

Nichi ly mychi hawi avum nai khumi bawibawichi my tiu nai avum u nai ne. Nichi i paleung ka-echi my, ‘Huni khumichi ly Areng i tlang tleaung y tamang u nai deaungkho y, nichi ai kaichi i sa nai sai ly tamang y; nichi i amsi pajochi ly Areng ai ym nai khumichi ne nai deaungkho y, mymychi kypkyp py mymy i tlang tleaung y ka-ym awm ai tla nai ne,’ nanai thui u bo.

Ezekiela 28:26

Nichi ly huni meingtym y chymme naimy awm u ai. Nichi ly yhmchi sa iy kreip akhochi sa u ai. Nichi ai mei aniu y sa nai pri deaungpa bawibawichi ai kaimy pajeng nai khala, nang ly chymme ai. Israela pri ly tlamsa naimy awm ai. Huna nai khala kai ly nichi i Areng Tameuh ne, nanai nichi pany u ai,” napi.

Ezekiela 38:8

Saneng neangneang kra nai bo y, kai ly ni ai tavai ateaungchi angvei naimy pri harei ai khu ta-ie hai ai. Huni pri y khumichi ly mymychi ai pri tleirei i nai kaimy pangym teang nai neng kha i ka-so, tavai takai molam y paleung mawn y naimy awm u naichi ne. Samrang Koka ly Israela mawichira kun iy tiu ai. Huni mawichi ly neng kra parai naimy khumi angso savai tlang nai meingtym lawm teu i py, vai ly khumi bawibawichi theung i nai hawi iy, tlamsa naimy awm achu nai meingtym ne.

Ezekiela 48:35

Mary ai tapang meuh nai mary apai makeng palyhrei i jeng kasau bawibawi ly miu meaungkateaung atlo sang tajarei awm. Huni mary ai vai i dengdairei “Areng ly hi y awm!” nanai thui u ai.

DANIELA 9:7

Aw Areng, nang ly kateng sa jojo nai ne. Na i py kaichi ly kaimychi ai kangji nga hai bo. Juda pri y py, Jerusalem mary y py, awm nai khumichi hawi nang i leu tangai y nai deaungkho y, kamlo kang sa prichi mang y ahei akyhkyh nai Israela cheng bawibawichi py, huna nai kamta mymychi ai mychi naimy tahm anem hai u bo.

ROM AVANGCHI TENG Y PAWLA I CHA PA NAI 11:26

Hunaibaly Israelachi bawibawi ly hengra nga ai: “Paheng Keung ly Zion i dengdairei theu iy, Jakob teng i dengdairei Tameuh ai dawn y naira ang tama hai ai.

I KORINTH 1:30

Na i py nangchi naini mymy i saho y Krista Isu y heng nai ne; ni ai ly Tameuh teng i dengdairei achi i vui cheng naira hawi, chai naira hawi, atleu naira hawi sa hai nai ne.

II KORINTH 5:21

Mymy y ly achi ly Tameuh i hawi naira lawn thai ai nai, kamngo pipi pany y nai ai ly Tameuh my achi deaungkho y kamngo palawn bo.

Leu Thui Nai 33:12

Benjamin theaung ai patyp iy thui nai ly: “Benjamin Theaung ai Areng my tamen iy kry bo. Mymy ly nichi ai kani khengrei kry jojo, nichi ly mymy i ama hai nai anui y chymme naimy awm u bo.”

Leu Thui Nai 33:28

Hunai deaungkho y Jakob i kangpreangchi ly kani mang dengdairei kadam tla hai nai pri, choh hawi kreip hang nang nai pri y tlamsa naimy awmnem u bo.

PHILIPI 3:9

Krista ai kanga thai ai nai hawi, amy i hawi naira ly (huni ly Reita i hawi naira) by y naimy, Krista ai ym nai deaungkho y hawi naira ly (huni ly ym nai deaungkho y Tameuh teng i hawi naira) nga lawh iy, mymy y kaawm lawh thai ai nai hawi,

II PETERA 1:1

Simon Petera, Isu Krista i miseaung hawi amtaw thau nai my ly achi i Tameuh hawi achi ai Paheng Keung Isu Krista i hawi naira deaungkho y kaichi hawi vanrei ym naira vang teng parai nai nga teang naichi teng y ly: