JEREMIA 33:15 - Khumi Common Language Bible

¹⁵ Huni neng kani khala ly Davida kangpreang theung i leu meitang teaung nai leaungrei vawi patyp pi ai. Ni ly pri verei y leu meitang adyh adawi ai naichi sa ai.

JEREMIA 33:15 ပူးပေါင်းရင်းမြစ်များ

SAM 45:4

Ka-ym awm nai hawi adyh adawi naira my peang ai nai molam, sa thai naira haiho hawi vanrei atiu iy, eaung naira ngo ba! Samrang nang ly nangmy i haiho hawimy, eaung pawi puichi avum ai.

SAM 45:7

Nang ly leu meitang ai ngai iy, hawi y naira ai niu ngai y bo. Hunai deaungkho y nang i Tameuh napi nai Tameuh ly nang ai vawi takhra nai bo y, takhra samrang bawibawichi tleaung y tahm asang iy, amo theu naira napi nai asitui lei pi bo.

ISAIA 4:2

Areng ly hini pri theung y dengkeaung katheang kalen bawibawichi ai keung pui cheang iy, ngam sai heng-up nai neng tym hai ai. Dei kamthum Israela cheng bawibawichi ly hini pri i theu nai thengthaichi molam y amo theu u ai.

ISAIA 42:21

Areng ly atleu ai nai paleung awncha nai Tameuh ne iy, mymy ly my i reita hawi mymy i leu tahm khai nai khumi lawm ai nai aly ngai nai ne.

ISAIA 53:2

Areng ly mymy i miseaung ai, khutaha khaileaungra y tangjyn pala nai keungchy kamta, keung cheang ai nai aly awm nai ne. Huni khumi teng y tahm khai ai ataing nai mo-cha apu parai nai py by y. Khrei ai hawi nai pa-rei mo-cha py by y. Mymy mang y paleung bie ai nai pa-rei, pahawi thai nai py by y.

ISAIA 9:7

Ni i sa thai naira haiho ly hlo veangveang iy, ni i pri py tlamsa jojo ai. Ni ly samrang Davida i yhmtheaung amtym iy vai i dengdai deungtasa tem pa-rei leu meitang adyh adawi naimy peang ai. Ati cheaungkhang sa thai nai Areng ly hina naichi tym angym hai ai nai leu pacheang yb veng nai ne.

JEREMIA 17:25

nichi i samrangchi hawi samrang i chapochi ly Jerusalem mary y mary katheu pa-kho mang kun iy, samrang Davida kamta sa thai naira haiho nga u ai. Nichi ly Juda khumichi, Jerusalem mary i khumichi hawi vanrei, keaungngo ka-richi hawi keaungngochi atang iy chei u ai. Jerusalem mary py khumichi kawi aninau naimy awm ai.

JEREMIA 30:9

Ti y naimy nangmychi i Tameuh kai, Areng i kalop ai py, nichi i samrang y kaimy khai nai samrang Davida i kangpreangchi i kalop ai py, sa u ai nai tla ai.

JEREMIA 50:7

Nichi ly mychi hawi avum nai khumi bawibawichi my tiu nai avum u nai ne. Nichi i paleung ka-echi my, ‘Huni khumichi ly Areng i tlang tleaung y tamang u nai deaungkho y, nichi ai kaichi i sa nai sai ly tamang y; nichi i amsi pajochi ly Areng ai ym nai khumichi ne nai deaungkho y, mymychi kypkyp py mymy i tlang tleaung y ka-ym awm ai tla nai ne,’ nanai thui u bo.

ZEKHARIAH 3:8

Hunai deaungkho y pathyp pi nai keung kalen keh Josua awi, tangai ba. Josua i ahawi pathyp pi nai keungchi awi, mo mang i vui rengrang ka-ma-ra nga nai khumichi awi, tangai u. Kai ly “Sai kadeu” nanai amyn pathi nai kaimy i miseaung amthawn hai ai!

AMTENG HAI NAI 19:11

Naibaly kani am-eaung iy khen cham, keaungngo kangleung hawi, huni tleaung y atang nai Ka-ym hawi Kateng nanai keung ai ly kaniu ; ni ly teng parai naimy tara chih iy atiu lawh.