JEREMIA 33:13 - Khumi Common Language Bible

¹³ Mawitleaung prichi, mawi kheutangchi hawi Juda pri tokalawi ngan mang y awm nai marychi hawi, Benjamin khu ka-peang theung y py, Jerusalem mary tengpang sahawi i avangchi hawi Juda pri marychira py, beram typ nai keungchi ly mychi i beramchi ai vuikanai kati u teang ai. Hini ly kai, Areng i thui nai leu ne,” napi.

JEREMIA 33:13 ပူးပေါင်းရင်းမြစ်များ

JEREMIA 17:26

Khumichi ly Juda marychi hawi Jerusalem mary tengtang i avangchi mang dengdairei, ang tym u ai. Nichi ly Benjamin khu ka-peang, mawi kheutangchi, mawi aheung banchi hawi Juda pri tokalawi khu ka-peangra i dengdairei ang jeu u ai. Nichi ly leng patlum nai kapathyprachi hawi tawnbawichi py, choh katalamrachi, mui katuichi hawi, kawn nai kapathyprachi py, Areng i Achura yhm y syn u ai.

JEREMIA 31:12

Nichi ly jeu iy Zion mawi salo y amo theu nai khulym thui u ai. Kai i amtheaung naira kapei pi nai choh, kreip hang, olive asitui, beramchochi hawi si, painochi molam y amo theu u ai. Nichi ly tui hawihai palai nga nai akhobai kamta ne iy, mo mang y mana khala py paleung bi u ai ny y.

JEREMIA 32:15

Israela chengchi i Tameuh, ati cheaungkhang sa thai nai keung Areng my hini pri y yhmchi, lichi hawi kreip akhochi ai vai mo mang y ka-jo ka-van sa u bi ai, nanai leu pei bo,” napi.

JEREMIA 32:44

Khumichi ly lichi van iy ka-jo ka-van sa nai sumneang chachi ai, pany hai nai keungchi i mo y lamai nip iy pajawp typ nai ka-ma-ra nip typ ai. Nichi ly hini atitichi ai Benjamin khu hawi Jerusalem mary tengpang sahawi i avangchira py, Juda pri marychi hawi avangchira py, mawitleaung pri, mawi kheutang hawi tokalawi ngan Juda prira py, ka-jo ka-van sa u ai. Kai ly khumichi ai mychi i pri y kapahawi ali teang ai. Kai, Areng i leu pei nai ne,” napi.

Ezekiela 20:37

“Kai ly nangchi ai hawihai palai kang kry iy Leu Maikawm asa nai kamta patawm hai ai.

Levi 27:32

Khawn nai tawnbawichi py horei y harei ly Areng i vui ne. Tawnbawichi ai kati nai khala y, horei y harei ly Areng i vui ne.

OBADIA 1:20

Israela pri tosyh mang i, pri pala nai avum nai khumichi i tavaimichi ly vawi teang iy, tosyh mang Zarephath mary khrairei, Phoenisa pri peang u vui ai. Jerusalem mary i pri palara avum iy, Saradi mary y tym nai khumichi ly Juda pri tokalawi ngan mang i marychi peang u ai.

LUKA 15:4

“Nangchi theung y ami py beram chungvairei awm iy, huni theung y harei tamo khyly, daichi ka-vym y vui takaw ho ngan takawrei nai ly daw jo iy, tama nai niu ali y ryrei ly ami mo hau y ai nai?