JEREMIA 33:11 - Khumi Common Language Bible

¹¹ amo theu nai raawichi hawi, apom nai pawira i amo theu nai katyn kapauchi thai u ali teang ai. Khumichi ly kawn nai katalamrachi kai i Achura yhm y syn nai tarawi y khulym thui u nai raawichi, nangchi thai u ai. Nichi my, ‘Ati cheaungkhang sa thai nai Areng teng y, kawn nai leu thui u; ati mana nai mo nabaly mymy ly hawi nai ne iy tamen naira ly deungtasarei awm jojo nai deaungkho y ne,’ nanai thui u ai. Kai ly hini pri ai jangni khala i kamta, nang chawn hai teang ai. Hini ly kai Areng i thui nai leu ne,” napi.

JEREMIA 33:11 ပူးပေါင်းရင်းမြစ်များ

1 NENG SATANG 16:34

Areng ly hawi nai deaungkho y, kawn naimy palo u. Mymy i tamen nai ly deungtasarei ne.

1 NENG SATANG 16:8

Areng ai ly kawn naimy palo u; mymy i nang parai nai sai ly amthang hai u.

2 NENG SATANG 20:21

Samrang ly khumichi hawi leu adeng ahui pajau baly, katyn kapau beu kawp nai phyreichi ai khai takhra nai pawi kani khala, amthyp reng nai ateaungchi amthyp hai i, tavaimi kamkawmchi mo mang lyn hai iy, “Areng ai ly palo u! mymy i tamen nai ly deungtasarei ne!,” nanai khulym thui u ai nai leu pei bo.

2 NENG SATANG 29:31

Hezekia my khumichi teng y, “Vai nangchi ly Reita leaungsaira y tajiu nai kamta, kachai sa u chum bo i, Areng teng y kawn naimy palo nai katalamrachi napi nai tawnbawichi syn u,” nanai leu pei nai kamta, khumichi sa u bo. Phyrei khumichi ly mymychi i paleung kangngai, leng patlum ai nai tawnbawichi syn u nai ne.

2 NENG SATANG 7:3

Israela chengchi ly kani khusang mang dengdairei mai tla iy, Achura yhm ly phum-ang kangvang hawi kawi nanai niu nai khala, angsaveaung paichira ambeu naimy, “Nang ly hawi nai ne iy, tamen naira ly deungtasarei ne,” nanai Areng ai palo u bo.

EZARA 6:22

Nichi ly kani saryh ryrei tako angbo abawi y nai pawi ai amo theu parai naimy sa u bo. Israela chengchi i Tameuh i vui Achura yhm sa naira y abawi ai ngai nai paleung ly Suria empara samrang teng y Tameuh my pakun pi bo. Hunai deaungkho y nichi ly khri pa-rei amo theu u nai ne.

NEHEMIA 12:43

Huni kani y kapathyprachi neangneang talam u bo. Tameuh my amo theu ai nai pei nai deaungkho y, khumichi ly amo theu u nai ne. Nichi hawi vanrei, neampachychi hawi deaungdichi py abawi u i, nichi i amo theu nai raawi katyn ly kamlo mang my py thai nanai ne.

NEHEMIA 8:12

Hunai deaungkho y khumi bawibawichi ly thai nai Reita leu pany thai nai y, amymy i yhm y vawi u i, amo theu parai naimy cha nei u iy, takhra khumichi ai paji pi sei nai ne.

SAM 106:1

Areng ai ly palo u! Areng ly hawi nai deaungkho y kawn nai leu thui u; mymy i tamen nai ly deungtasarei ne.

SAM 107:1

“Areng ly hawi nai deaungkho y kawn naimy palo u; mymy i tamen naira ly deungtasarei ne!,” nanai

SAM 107:22

Nichi ly kapathypra hawi mymy ai kawn naimy palo u ai; amo theu naimy khulym thui u iy, mymy i sa nai saichi amteng hai ai.

SAM 116:17

Kai ly nang teng y kawn nai kapathypra talam ai; nang teng y chiu sa ai.

SAM 147:13

Mymy ly nang i mary apai katheu ai khaw hai iy, nang i mary khumichi ai amtheaung naira pei bo.

SAM 85:7

Aw Areng, nang i khaw parai nai tamen naira ly kaichi teng y amteng hai iy, kaichi ai atleu kyh ba.

ISAIA 35:10

Nichi ly amo theu seu naimy khulym thui iy, Jerusalem mary mang y tym u ai. Nichi ly amo theu u jojo ai. Paleungsi paleung mawn naira pipi awm ai ny y.

ISAIA 51:11

Nangmy atleu pi chum nai khumichi ly khri pa-rei amo theu naimy khulym thui iy Jerusalem mary y tym u ai. Nichi ly deungtasarei amo theu u ai i, deungtasarei paleung si vo tangam nai avum u ai ny y.

ISAIA 51:3

“Kai ly Jerusalem mary hawi huni mary i phra seaungkhrang nai yhm hlaura y awm nai khumichi ai kapahen ai. Jerusalem mary ly daichi ka-vym lawm teu i py, kai ly huni ai Eden akho kamta, Areng i akho lawm hai ai. Huni meingtym y awm nai khumichi ly amo theu naimy, palo nai khulym thui nai tarawi y, kai ai kawn nai leu thui u ai.

ISAIA 52:8

Mary typ nai risachi ly tao pajeng parai nai hawi amo theu parai naimy vanrei aeu u sau bo. Areng ly Zion mary y ang jeu ali teang ai, nanai nichi kypkyp my niu u nai ne.

ISAIA 52:9

Jerusalem mary i phra seaungkhrang nai yhm hlauchi awi! Amotheu naimy aeu u. Areng ly mymy i khumichi ai awm hai nem bo. Mymy ly Jerusalem mary ai atleu bo.

JEREMIA 16:9

Israela chengchi i Tameuh, ati cheaungkhang sa thai nai keung kai Areng my leu pei nai tangai. Kai ly nichi i amo theu nai raawichi hawi apom pawira y amo theu nai raawichi ai ly hini meingtym y tama hai ai. Hini atitichi tym nai ly hini meingtym i khumichi niu u ai.

JEREMIA 17:26

Khumichi ly Juda marychi hawi Jerusalem mary tengtang i avangchi mang dengdairei, ang tym u ai. Nichi ly Benjamin khu ka-peang, mawi kheutangchi, mawi aheung banchi hawi Juda pri tokalawi khu ka-peangra i dengdairei ang jeu u ai. Nichi ly leng patlum nai kapathyprachi hawi tawnbawichi py, choh katalamrachi, mui katuichi hawi, kawn nai kapathyprachi py, Areng i Achura yhm y syn u ai.

JEREMIA 25:10

Kai ly amo theu naimy aeu nai raawichi hawi apom pawira i katynchi py, sum sumjang katynchi py, savai tlang hai ai. Huni bo y maisi kangvang py padei vui ai.

JEREMIA 29:14

Nangchi ly kai ai avum angchi khyp ai i, kai py nangchi ai nangmychi i pri y kang pahawi ali teang ai. Kai ly nangchi ai ahei hai nai pri neangneangchira i nai pangym ali teang ai. Hunaibaly nangchi ai langheng y hawi ai nai patiu nai pri y, kang pahawi ali teang ai. Hini ly kai Areng i thui nai leu ne,’ napi.

JEREMIA 30:19

Huni meingtym y awm nai khumichi ly palo nai khulym thui u iy, nichi ly amo theu naimy aeu u ai. Kai ly nichi ai khumi peung hai ai i, tahm kapasang ai.

JEREMIA 30:3

Ati mana nai mo nabaly kai i khumi Israela chengchi hawi Juda chengchi ai, kaimy palum teang ai nai neng tym ai nai deaungkho y ne. Kai ly nichi ai, mychi i amsi pajochi teng y pei nai pri y pahawi ali teang ai i, nichi ly huni pri amtym u ali teang ai. Hini ly kai, Areng i thui nai leu ne,” napi.

JEREMIA 32:44

Khumichi ly lichi van iy ka-jo ka-van sa nai sumneang chachi ai, pany hai nai keungchi i mo y lamai nip iy pajawp typ nai ka-ma-ra nip typ ai. Nichi ly hini atitichi ai Benjamin khu hawi Jerusalem mary tengpang sahawi i avangchira py, Juda pri marychi hawi avangchira py, mawitleaung pri, mawi kheutang hawi tokalawi ngan Juda prira py, ka-jo ka-van sa u ai. Kai ly khumichi ai mychi i pri y kapahawi ali teang ai. Kai, Areng i leu pei nai ne,” napi.

JEREMIA 33:26

Huna nai kai i kateng sa nai kamta, Jakob i kangpreangchi hawi py, kai i miseaung Davida hawi py, asa nai Leu Maikawm khaw hai jo ai. Kai ly Abraham, Isaka hawi Jakobchi i kangpreangchi ai peang ai nai, Davida kangpreang theung i leaungrei ai vawi takhra ai. Kai i khumichi ai nang chawn hai teang ai. Kai ly nichi i tlang tleaung y kapahen ai,” napi.

JEREMIA 33:7

Kai ly Israela pri hawi Juda pri y nang chawn hai ai. Huni prichi ai jangni i kamta, kasa pi palai teang ai.

JEREMIA 7:34

Kai ly Juda marychi hawi Jerusalem mary lamchira y, apom nai pawira i amo theu nai katynchi hawi, amo theu kawn nai katynchi py, tama hai vui ai. Huni meingtym ly khumi angso savai tlang naira lawm ai.

AMOS 9:14

Kai ly kaimy i khumichi ai, mychi i pri y kapahawi ali teang ai. Nichi ly phra nai marychi sa teang iy, huni marychira y awm ai nai nga u teang ai. Kreip akhochi sa iy kreip hang nei ai nai nga u ai. Akho baichi sa u iy amy i pati nai amti amjangchi ai amychi my cha ai nai nga u ai.

JONA 2:9

Na i py kai ly nang i nang parai nai ai palo ai; nang teng y apathyp ai. Naibaly kaimy i adeu nai kamta tangai ai. Ati mana nai mo na baly atleu naira ly Areng teng i dengdairei tym nai ne!” nanai chiu sa.

NAHUM 1:7

Areng ly hawi, mymy i khumichi patang naira avum nai khala, ama hai bo. Mymy teng y abyh nai khumichi ai kry.

ZEPHANIAH 3:14

Aw Israela khumichi awi, amo theu naimy khulym thui u! Aw Jerusalem mary awi, nang ly paleung pathym hawi verei amo theu u!

ZEKHARIAH 10:7

Israela khumichi ly tavaimi risachi kamta, atho awm naimy kreip hang nei nai khumichi kamta amo theu u ai. Nichi i katu chanauchi ly hini eaung naira pany u jo iy, Areng i sa pi nai saho y amo theu u ai.

ZEKHARIAH 8:19

Palyh lo, pa-ngo lo, saryh lo hawi lo horei khala y sa nai biu hai nai pawichi ly Juda khumichi i vui amo theu naira lawm ai. Nangchi ly kateng lam hawi tlamsa naira ngai ai nai tla,” napi.

ZEKHARIAH 9:17

Hini pri ly ati mana tanrei apu parai na mo ly! Thawndeang deaungdichi ly hini pri i theu nai chohpui chomaw hawi kreip hangchi cha nei iy atho awm u ai.

JOHAN 3:29

Aju la nai keung ly neampachy ai nga nai keung ne: na i py angdo iy ni i leu thai nai aju la nai keung i ahawi ly, aju la nai keung i raawi deaungkho y khrikhri pa-rei kawn; hunai deaungkho y hini kai i kawn naira ly tym angym nai bo he.

HEBRAI 13:15

Hunaibaly mymy i saho y palo naira ly apathyp naira lawn ai nai Tameuh teng y talam u reng sina, huni ly ni i amyn apha y nai labeaung athai ne.

AMTENG HAI NAI 18:23

Maisi kangvang py nang teng y tlen py angvang bi ai ny y; aju palyn nai keung hawi deaung vawi nai anglo i raawi py nang teng y tlen py thai bi ai ny y : nang i ka-pai sa nai keungchi ly khaileaung pri i khumi kalenchi ne lawh; nang i atam nai deaungkho y py cheng cheaungkhangchi ai tapawp nai bo.