Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




JEREMIA 32:35 - Khumi Common Language Bible

35 Nichi ly mychi i cho chanauchi ai Mole tameuh teng y apathyp ai nai hinnom leaunghawira y, Bala tameuh i vui maichamchi sa u. Hini kalopchi sa ai nai kai ly nichi ai pacheang y. Nichi ly Juda khumichi ai hina nai kamngo sa ai nai lam patei pi ai, nanai mana khala py kai ka-dawn awm vai y,” napi.

အခန်းကိုကြည့်ပါ။ ကော်ပီ




JEREMIA 32:35
33 ပူးပေါင်းရင်းမြစ်များ  

Kaimy hina nai kamta sa nai ly Solomon ly kai ai khai su iy cheng takhrachi i tameuh, Sidon tameuh nu Asetare, Moba khumichi i tameuh Khemosa hawi Ammon khumichi i tameuh Mole ai chiu vui lawh nai deaungkho y ne. Solomon ly kai i leu pei naichi akhi vui bo. Ni ly hawi y naichi sa iy kai i reitachi hawi leu pei naichi ai, ni i ampo Davida i leu tangai nai kamta tangai y lawh.


Moba chengchi i amso ngai nai tameuh khemosa hawi Ammon chengchi i amso ngai nai tameuh Mole ai chiu ai nai meingtym ly Jerusalem mary nisi mang i mawi saleung y sa pi.


Jeroboam ly kamngo sa i, Israela chengchi ai py kamngo lam mang y pahawi nai deaungkho y, Areng ly Israela pri khai su ai,” napi.


Ni ly ampo kamta atawm teang nai ne i, Areng i tlang tleaung y kamngo sa bo. Israela mipuichi ai py kamngo lam mang y pahawi nai ne.


Hina nai kamta tym nai ly Jeroboam ly kamngo neangneang sa iy Israela chengchi ai kamngo lam mang y pahawi naimy, Israela chengchi i Areng Tameuh ai kado theu hai nai deaungkho y ne.


Hina nai kamta tym nai ly Areng i tlang tleaung y kamngo sa nai deaungkho y ne. Ni ly samrang Jeroboam kamta, mymy py kamngo sa i Israela mipuichi ai kamngo lam mang y pahawi iy, Areng i ngai y nai kalopchi sa nai molam y ne.


Nang ly Israela mipuichi ai kamngo sa ai nai pahawi nai ne iy, nang i yhm dengtheungchi ly Neba i chapo samrang Jeroboam i yhm dengtheungchi hawi, Ahija i chapo samrang Baasa i yhm dengtheungchi kamta lawm ai.’


“Manase ly hini amso ngai naichi sa bo; kanan chengchi i hawi y sa nai tleaung y py, khri pa-rei hawi y naichi sa lawh bo. Ni ly my i sa nai mynchi hawi Juda khumichi ai kamngo lam mang y pahawi nai ne.


Mymy ai chiu ai nai meingtym ne, napi nai Areng my thui nai Achura yhm y, mynchi teng apathyp ai nai maichamchi sa.


Huni bo baly ami py Mole tameuh teng y cho chanauchi ai mai y leng patlum nai kapathypra talam pajau y ai nai, samrang Joseah ly hinnom leaunghawira i mynchi ai chiu nai Topheth napi nai meingtym ai py, chai nem hai y bo.


Samrang Joseah ly Israela chengchi ai kamngo lam mang y pahawi nai keung, Neba i chapo samrang Jeroboam i Bethela meingtymra y sa nai chiu naira meingtymchi py, taphra pawn. Joseah ly maichamchi panawi pawn iy, Aser tameuh nu teng y talam nai tamkhawn py mai leng vui bo.


Ni ly mymy ny y rai khala i peang nai Neba i chapo samrang Jeroboam kamta, Israela chengchi ai kamngo sa ai nai lu sa iy lam patei bo. Huna nai kamta kamngo sa jojo nai ne.


Mymy i chapochi ai Hinnom leaunghawira y leng patlum nai apathyp nai ne. Ni ly mo mang i satang thui kawp nai, dawi sa naichi teaung iy, leung khen kawp nai hawi vawinam kun nai khumichi teng y atitichi deng reng nai ne. Ni ly Areng i tlang tleaung y khri pa-rei kamngo sa iy, kado theu hai bo.


Manase ly Israela chengchi kun u nai thym khala y, Areng my patheu pi pawn nai khumichi tleaung y khri pa-rei kamngo sa ai nai, mymy i khumichi ai lam patei bo.


Juda chengchi ai lu sa naichi, pathyp pi nai keungchi hawi mipuichi py, mymychi saleaung deaungpa khumichi i sa nai kamta mynchi chiu iy, mymy i kachai khai takhra nai Achura yhm y chai hai y bo.


Mosi my Aron teng y, “Hini khumichi ly nang deaungkho y huna tanrei len nanai kamngo sa ai nai nichi ly nang ai ati ang sa hai mo?,” nanai deng.


Nangmychi i khai takhra nai dengkeaung keungchi anui y kamthu kamleaung sa nai hawimy, khaileaung hawi hai nai tameuhchi ai chiu u bo. Mychi i cho chanauchi ai tavo jawn sahawi y awm nai lengseaung tapiuchira y apathyp u.


chy-y ka-kawi mary katheu pa-kho tako prei iy, hinnom leaunghawi mang y chei ai nai leu pei. Huni meingtym y kai ly Areng i leu thui pi ai nai ne.


Nangchi ai tamen nai khumichi ly nangchi ai tami pawn veng bo. Nichi ly nangchi ai dawndan u y leang bo. Nangchi i kamngochi ly nawi parai iy, nangchi i hawi y ala nai deaungkho y, kai ly nangchi ai paleung ka-e kamta no nga hai bo. Nangchi i pajeng naira avum nai ly khri pa-rei ty na bo.


Kai ly kaimy i miseaung amochi ai, nangchi teng y avaw avawrei kang pato pi nai ne. Amochi my py nangchi ai, kai i niu ngai y nai amso ngai naichi so y ai nai ang thui pi.


“Juda khumichi ly hawi y nai sa u bo. Nichi ly kai i niu ngai y nai mynchi hawi, kai i Achura yhm theung y chai hai y bo.


Nichi ly mychi i cho deaungdichi ai leng patlum iy apathyp ai nai hinnom leaunghawira y Topheth, napi nai maicham sa u bo. Huna nai sa ai nai nichi ai leu pei y, paleung ka-dawn py by y.


Nini ly kamleaung sa nai, khumi ai padei nai, mynchi ai juvo palawn iy kai hawi nga nai chanauchi ai padei bo. Nini ly kai i chanauchi ai mynchi teng y apathyp hawi nai ne.


Nang i cho chanauchi ai Mole tameuh teng y leng patlum ai nai pei moh. Huna nai sa nai ly nangmy i Areng Tameuh ai tahm khai y nai ne.


Nangchi ly Moloka i kanih yhm hawi, tameuh Rephana i ka-si py chiu ai nai Nangchi i sa nai mynchi ai syn u lawh: Hunai deaungkho y Babulon avang palem mang y kang la veng ai,’ nanai tajiu nai kamta ly,


Nichi i tameuhchi ai chiu nai leaungsaichi amtiu u moh. Huni khumichi ly mychi i tameuhchi ai chiu naira y Areng i niu ngai y nai amso ngai naichi sa nai deaungkho y, nangchi i Areng Tameuh ai chiu nai khala nichi i kamta chiu u moh. Huni khumichi ly mymychi i cho chanauchi ai malawn py, maicham tleaung y leng patlum u nai ne.


Nangchi i cho chanauchi ai leng patlum nai kapathypra palawn iy talam u moh. Nangchi ly dawi kawp nai, leung khen kawp nai, uimiu khawn nai,


angchei i juvo ly huni neampachy ai pom ali teang moh sy; ati mana nai mo na baly huni neampachy ly chai y leang bo, nanai dawn ai nai tla. Areng ly huna nai yhmtheaung sa bi nai ai paso nai ne. Nangchi i Areng Tameuh my pei nai pri y huna nai amso ngai nai kamngo so u moh.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ