JEREMIA 32:32 - Khumi Common Language Bible

³² Israela khumichi hawi Juda khumichi, samrangchi hawi bangtangchi, pathyp pi nai keungchi hawi amochi, Juda pri hawi Jerusalem mary y awm nai khumichi i hawi y sa nai molam y kai ly hini mary taphra ai nai dawn yb bo.

JEREMIA 32:32 ပူးပေါင်းရင်းမြစ်များ

EZARA 9:7

Amsi pajochi deung i dengdai vaini khrairei, nang i khumi kaichi ly khri pa-rei kamngo sa tamang u bo. Huni kamngochi molam y kaichi i samrangchi hawi pathyp pi nai keungchi ly cheng takhra samrangchi kiu tleaung y tym hai nai, acho akei tamo tym hai nai, lawm vui nai, langheng hawi nai, vai i kamta pipi tahm by y nai hinichi avum hai bo.

ISAIA 1:23

Nang i miteaung kehchi py langmeang thau naichi, kangviu ai atho pei naichi lawm u bo. Nangchi ly un langseaungchi la u teu i py, Tara jeungra y nuro nukai chochi ai amo hai u y. Lumai cheaungtichi i ka-jo ka-thuichi ai py, tangai iy chih pi y.

ISAIA 22:1

Hini leu pei nai ly paleung mei y niu nai leaunghawi molam y pei nai leu ne. Mary i khumi bawibawichi ly ati mana nai y mychi i yhm amphu salo y pawi sa u lawh mo? Ati leaungsai awm lawh mo?

JEREMIA 2:26

Areng my, “Patiu naira avum nai neng khala y kangviu khumi ly kangji nga nai kamta, nang i samrangchi, samrang i cho chanauchi, pathyp pi nai keungchi, amochi, nangchi Israela cheng mipui bawibawichi ly kangji nga u ai.

JEREMIA 44:17

Kaichi ly kaimychi vaichi khala kasa u reng naichi ai naini kasa u ai. Juda marychi hawi Jerusalem lamchira y, kaichi hawi kaimychi i amsi pajochi, kaichi i samrang hawi lu sa naichi my sa reng nai kamta, kani khusang samrangnu, napi nai kani anglo teng apathyp iy, ni i vui kreip hang katalamrachi leih pi ai. Huna nai thym khala kaichi ly kajeu kawi pa-rei cha ai nai nga; nang chawn naimy patang palai nai py by y nai ne.

JEREMIA 44:21

“Juda marychi hawi Jerusalem mary lamchira y nangchi hawi, nangchi i amsi pajochi, nangchi i samrangchi hawi lu sa naichi, mipuichi my talam nai kapathyprachi molam y Areng pany y, nanai py, tami veng bo, nanai py, nangchi athang khai u a?

JEREMIA 7:17

Juda marychi, Jerusalem mary lamchira y nichi i sa nai saichi, nang ly niu y nai sai a?

Ezekiela 22:6

Nang teng y awm nai Israela cheng lu sa nai khumi bawibawichi ly mymychi i atho a-ym iy khumichi ai padei u nai ne.

DANIELA 9:16

Aw Areng, nang ly vaichi khala y kaichi ai kry nai ne. Hunai deaungkho y Jerusalem mary ai kado theu hai bi moh kyh ba. Huni mary ly nang i mary, nang i mawi kachai ne. Kaichi i kamngochi hawi amsi pajochi i sa tamang nai molam y, saleaung deaungpa prichira i khumi bawibawichi ly Jerusalem mary hawi nang i khumichi ai khen nau nai ne.

DANIELA 9:6

Kaichi ly kaimychi i samrangchi, samrang i cho chanauchi, amsi pajochi dengdairei mipui bawibawichi i tlang tleaung y, nang i miseaung amochi my nang i amyn y thui pi naichi kaichi ly tangai u y nai ne.

DANIELA 9:7

Aw Areng, nang ly kateng sa jojo nai ne. Na i py kaichi ly kaimychi ai kangji nga hai bo. Juda pri y py, Jerusalem mary y py, awm nai khumichi hawi nang i leu tangai y nai deaungkho y, kamlo kang sa prichi mang y ahei akyhkyh nai Israela cheng bawibawichi py, huna nai kamta mymychi ai mychi naimy tahm anem hai u bo.

DANIELA 9:8

Aw Areng, kaichi i samrangchi, samrang i cho chanauchi hawi amsi pajochi ly angji ngai nairachi sa naimy, nang i tlang tleaung y kamngo sa u bo.