JEREMIA 32:24 - Khumi Common Language Bible

²⁴ “Babulon khumichi ly hini mary ai katanmeuh iy tiu vui thai ai nai, abyhra amkeuchi mary kamki sa u. Nichi ly tiu u dudu bo. Tavai takai, tahum takang hawi no kanghawichi deaungkho y, hini mary ly nichi i kiu y tym vui ai. Aw Areng, nang ly nangmy i leu pei nai ngiereichi teng khyp, nanai niu nai ne.

JEREMIA 32:24 ပူးပေါင်းရင်းမြစ်များ

2 SAMUELA 20:15

Naibaly Juaba i khumichi py tym u i, mary theung y Seba aheu nai satang thai nai deaungkho y, mary ai katan u meuh bo. Nichi ly mary angam mang i apai ra abiri iy abyhrachi sa u i, mary apai anawi hai ai nai apai kheutang khaileaung tai u.

ISAIA 37:33

Asuria empara samrang i satang molam y Areng my leu pei nai ly hini ne; mymy ly “Huni khumi ly hini mary y kun ai nai ngo y; huni mary theung y thailiho chynrei py ko ai nai nga ai ny y. Mani tavaimi sorai py khupui adang iy, mary sahawi y ahihawi ai nai nga ai ny y. Mary katanmeuh ai nai abyhra amkeuchi py sa ai nai nga ai ny y.

JEREMIA 16:4

Nichi ly jei ai hawi nai kanghawi avum iy dei u ai. Ami py nichi i vui vo tangam u ai ny y. Nichi i veuchi py up ai ny y. Huni veuchi ly khaileaung salo y si ei pakheng mang nai kamta awm ai. Nichi ly tavai keung y dei u ai; ti y i py tahum takangra y dei u iy nichi i veuchi ly tavochi hawi daichi mawi kasichi i teicha lawm ai.

JEREMIA 20:5

Kai ly paleung ka-echi ai hini mary i nang nai yhmtheaung katuichi ai lawm hai ai. Hini mary i awm yb nai vawnsaichi hawi yhmtheaung katuichi ai py, Juda samrang i yhmtheaung katuichi ai py Babulon pri y syn hai vui ai.

JEREMIA 24:10

Nichi hawi nichi i amsi pajochi teng y pei nai pri y leaungrei ai py kangheng tleaung y pa-rei, kai ly nichi ai tavai takai ka-jeira py, tahum takang hawi no kanghawi py katym hai ai,” napi.

JEREMIA 29:17

Ati cheaungkhang sa thai nai keung Areng my, ‘Kai ly nangchi i tlang tleaung y tavai tiu nai, takang theu nai hawi no kanghawi ka-jeirachi katym hai ai. Nichi cha ai nai ngo y nanai pa-rei veaung nai thaidu athaichi kamta lawm hai ai.

JEREMIA 29:18

Kai ly tavai atiu nai, takang theu nai hawi no kanghawichi katym hai ai i, kapatang hai ai. Hunai deaungkho y khaileaung pri i khumi cheng cheaungkhangchi ly nichi ai niu iy, jei nai kaso theu u ai. Nichi ai ahei hai nai meingtym tleirei y, huni khumichi ly nichi i patang nai niu i, jei nai kaso theu u ai. Nichi ai py panui hai iy nichi i amyn ai py, vaineng abeu nai leu saichira y teaung u ai.

JEREMIA 32:25

Na i py aw Areng Tameuh, hini mary ai Babulon khumichi my peang vui enten nai khala malawn py, nang ly kai ai pany hai nai keungchi i mo y, li khaileaung van ai nai leu pei lawh ly” napi.

JEREMIA 32:28

Hunaibaly kai ly hini mary ai Babulon samrang Nebukhadnezar hawi, ni i tavaimichi teng y pei vui ai. Nichi ly hini mary peang vui ai.

JEREMIA 32:3

Samrang Zedekiah ly hu y kai ai theaung pala nai bo y, “Hini mary ai Babulon samrang teng y kapei ai; ni ly hini mary ai peang vui ai.

JEREMIA 32:36

Israela chengchi i Areng Tameuh my, “Jeremia awi, hini mary ly tavai takai, tahum takang hawi, no kanghawichi deaungkho y Babulon samrang i kiu y tym ai, nanai khumichi thui u nai ne. Kaimy leu pei bi nai ly vai tangai u.

JEREMIA 32:5

Zedekiah ai ly Babulon pri y hawi vui ai i, ni ai chih y ryrei ly huni mary y awm jo ai. Ni ly Babulon chengchi ai tiu ali teu i py eaung ai ny y. Hini ly kai, Areng i thui nai leu ne,” nanai ati mana nai y thui lawh mo, na iy ang thui tamawn nai ne.

JEREMIA 33:4

Jerusalem mary i yhmchi hawi Juda samrang i yhmchi ly katanmeuh iy tiu naira avum nai deaungkho y phra ai, nanai Israela chengchi i Tameuh kai, Areng my leu pei nai ne.

JEREMIA 34:17

Hunai deaungkho y nangchi ly kai i leu tangai y, nangmychi Hebrai cheng tengtawi ai py tlamsa naira pei u y, nanai my thui nai ne. Naibaly nangchi ai tavai takai, no kanghawi, tahum takangra y ngaingai dei ai nai kang pei ai. Kai ly nangchi i tlang tleaung y sa nai sai molam y, khaileaung pri i khumi cheng cheaungkhangchi ly kaso tahyn theu u ai.

JEREMIA 52:4

Juda samrang Zedekiah i peang nai takawrei saneng, lo horei, kani horei kani y, Babulon samrang Nebukhadnezar ly mymy i tavaimi risa bawibawichi hawi vanrei, Jerusalem mary y tiu ai nai amsa u bo. Nichi ly mary angam mang y kheucha sa iy, mary ka-ki abyhra angawmchi tai u nai ne.

JEREMIA 52:6

Huni saneng palyh lo, kani takawrei kani y khri pa-rei cha nei takang nai deaungkho y, khumichi ly teicha teinei pipi by y bo.

JEREMIA 6:6

Ati cheaungkhang sa thai nai keung Areng ly hini samrangchi teng y, Jerusalem mary ai katanmeuh pajau ai nai dengkeaungchi paliu iy, abyhra angawmchi sa ai nai leu pei bo. Mymy ly “Hini mary ly pahyp y naimy ana nai kawi nanai deaungkho y, kai ly hini mary ai kapajeng ai.

Ezekiela 14:21

Sa thai naira angym nai Areng my leu pei nai ly “Kai ly khumi hawi tawnbawichi tamyh ai nai tavai takai, tahum takang, mawi kasichi hawi no kanghawi napi nai, hawi y keh nai pajeng naira amjy palyhrei, Jerusalem mary y tym hai ai.

Ezekiela 21:22

Huna nai khala, ‘Jerusalem,’ nanai tajiu nai ka-ma-ra thaicheng ly ni i lamtang kiu y tym bo. Huni thaicheng ly ni teng y mary apai taphra ai nai dengkeaung beangpuichi tai iy tiu ai nai leu pei nai tavai kachyh nai katyn aeu ai nai py, katheu taphra ai nai dengkeaung beangpui ai py, abyhra khaileaungchi taphum nai hawi abyhra amkeuchi tai ai nai py thaicheng my patei ai.

Ezekiela 21:27

Kai ly Jerusalem mary phra seaungkhrang hai ai, phra seaungkhrang hai ai. Phra seaungkhrang hai ai. Na i py huni mary ai peang nai yhmkeung tym y nai ryrei ly huni mary ai palum teang ai ny y; huni khumi teng y kaimy au ai.

Ezekiela 26:8

Pri umtang i marychira y awm u nai khumichi ly tavai keung y dei u ai. Paleung ka-echi ly abyhra angawmchi tai iy abyhra amkeuchi taphum nai, khopuichi adang naimy, nang ai ang tiu ai.

Ezekiela 4:2

Naibaly huni mary y paleung ka-echi my katanmeuh nai leaungsai sa ai nai amkeu, abyhra angawmchi, tavai tairachi hawi amtangrachi panawi nai dengkeaung beang puichi iukhi ka-ki khai ba.

HABAKKUK 1:10

Nichi ly pri peang nai samrangchi ai, khumi aniu y nai sa u bo. Samrang i bangtangchi ai panui hai u. Nichi ai mani mo amtangra py paka pajau y. Nichi ly abyhra angawmchi taphum iy, amtangrachi ai tiu pajau vui nai ne.

ZEKHARIAH 1:6

Kai ly kaimy i amochi dengdairei, nangchi i amsi pajochi teng y leu pei naichi hawi pany hai nai leuchi kapei pi nai ne. Na i py nichi ly kai i leu ai dawndan u y nai deaungkho y, avo nai kamta pajeng naira avum u. Huna nai khala nichi ly uikheih u. Ati cheaungkhang sa thai nai kai, Areng ly kaimy i dawn yb nai kamta, nichi ai kamngo vang kamlau parip nai ne, nanai py pany u ai,” nanai nichi teng y thui pi ai nai leu pei nai ne.

MATTHAI 24:35

Kani khaileaung ly tama ai i, kai i leu ly tamo y ai.

Leu Thui Nai 4:26

Huna nai tamang u baly nangchi cheng ly huni pri i nai kra y naimy tama vui ai, nanai kai ly kani hawi khaileaung ai tau iy vaineng abeu bo. Nangchi Jordan tavo angpeang iy peang vui ai nai pri y kra parai pa-rei awm ai nai ngo y naimy, cheng verei tama vui ai.