JEREMIA 32:19 - Khumi Common Language Bible

¹⁹ Nang i ka-dawnchi ly lyh ai hawi parai iy, sa naichi py len parai tlai nai ne. Nang ly khumichi i sa nai ngiereichi ai niu nai ne i, nichi ai mychi i sa nai kamta kawn vang pei pi bo.

JEREMIA 32:19 ပူးပေါင်းရင်းမြစ်များ

1 ARENG KEH 8:32

Aw Areng, kani pri mang dengdairei tangai pi iy, nang i miseaungchi ai tara chih pi kyh ba. Kamngo awm nai khumi ai ly avo nai kamta pajeng iy, kamngo by y nai khumi ai ly kamngo lawi hai pi kyh ba.”

2 NENG SATANG 16:9

Areng ly mymy ai ka-ym awm nai khumichi teng y sa thai naira pei ai nai khaileaung pri verei y, hawihai palai khen patawm bo. Nang ly hawi y naira sa lawh nai y, vai i dengdairei tavai atiu nai awm jo ai,” napi.

JOBA 34:11

Mymy ly khumichi ai mymychi i sa nai kamlau, hawi nai hawi y nai pei iy, nichi nga ai ataing nai ryrei, avum hai reng nai ne.

JOBA 34:21

Mymy ly khumi i kheukan ngierei, khen patawm jo nai ne.

SAM 111:2

Areng i sa nai saichi ly lyh ai hawi parai na! Huni sa nai saichi ai ngai nai khumi bawibawichi ly hunichi pany ai nai hau u nai ne.

SAM 34:15

Areng ly khumi kahawichi ai kry iy, nichi i aeu nai raawi pathang pi bo.

SAM 62:12

Aw Areng, nang ly nangmy kypkyp naimy, khumi bawibawichi ai mychi i atiti sa naira y hawi nai, hawi y nai vang pei pi nai ne.

SAM 92:6

Khumi ka-khumchi pany pajau y naira, cheng naira by y nai khumichi pany thai y naira, harei awm.

THEU NAI 15:11

“Aw Areng, tameuhchi theung y nang hawi atawm nai ami awm vai mo? Nang kamta chai parai iy lyh ai awm nai ly ami awm mo? Nang kamta rengrang naichi hawi nang parai naichi sa thai nai ami awm mo?

LEU KACHENG 5:21

Areng ly nang i sa nai ngiereichi ai, ang niu pi se nai ne. Mymy ly nang i chei naira tleirei y, khen patawm jo nai ne.

LEU KACHENG 8:14

Kai ly katauchi sa iy, amlum amcheang hai bo. Kai ly pany thai nai cheng naira hawi, sorai paleung py kawi angym nai ne.

Parip nai leu 12:14

Achi i sa nai leaungsai bawibawichi ai hawi nai py ne sy, hawi y nai py ne sy, kangviu y sa nai saichi py ne sy, Tameuh my tara chih ai.

ISAIA 28:29

Ni ly hini cheng naira ngiereichi ai, ati cheaungkhang sa thai nai keung Areng teng i nga nai ne. Tameuh i sa nai katauchi ly cheng naira ka-dawn angym iy eaung naira nga jojo nai ne.

ISAIA 40:13

Areng ai mana sa ai mo, nanai thui pajau nai khumi awm a? Mani khumi ly mymy ai patiu pi pajau ai mo? ti y baly tau pei pajau ai mo?

ISAIA 59:18

Mymychi i kamngo nai molam y pajeng ai. Mymy i paleung ka-echi ly kado theu naira avum iy hawi nai, hawi y nai kham ai. Pri kamlo y awm u nai khumichi malawn py, huni pajeng naira lawi lawh ai ny y.

ISAIA 9:6

Kaichi i vui deaungdi tapen pi! Kaichi i vui chapo ang pei bo! Ni ly kaichi ai ang peang ai. “Ni i amyn ly rengrang tlai,” “Tau pei nai keung,” “Sathai naira len parai nai Tameuh,” “Deungtasarei Ampo,” “Tlamsa nai samrang i Chapo,” nanai amyn pathi ai.

JEREMIA 16:17

Nichi i sa nai kalopchi ai kai niu; kai niu pajau y nai ati sai py by y. Nichi i kamngo sa naichi ly kai i mei ka-niu y aheu thai y.

JEREMIA 17:10

Kai Areng ly khumi i paleung awm nai sai khen patawm thai. Paleung ka-dawn ai py cham reng nai ne. Kai ly khumi bawibawichi ai nichi i sa nai molam y mychi i ka-tan hawi nai hawi y nai pei ai,” napi.

JEREMIA 21:14

Na i py nang i sa naichi molam y kang pajeng ai. Kai ly nang i samrang yhm y mai kang hai ai. Huni mai ly tengpang sahawi y awm nai ngiereichi kang bebe ai. Hini ly kai Areng i thui nai leu ne,” napi.

JEREMIA 23:24

Kai i niu pajau y nai meingtymra y ami py aheu pajau y. Kai ly kani hawi khaileaung y awm nai meingtym tleirei y awm, nanai nangchi pany u y nai sai a?

JEREMIA 25:14

Khumi neangneangchi hawi sa thai naira awm nai samrangchi teng y miseaung achei u ai. Kai py nichi ai mychi i hawi y sa nai kapatlai ai,” napi.

DANIELA 2:45

Mawi i nai lengseaung pui harei ly alyly naimy amli iy tamo, kheupaja, laikan, muku, tangka hawi sa nai myn pui y amli hai nai ly nang niu nai ne. Nang parai nai Tameuh ly nang ai mo mang y tym ai nai saichi pany hai nai ne. Kai ly nang i niu nai kamta amang kang thui pi khyp iy, amang i awm nai sai py, nang ai pany hai pi chum bo,” napi.

DANIELA 4:35

Mymy ly khaileaung pri i khumichi ai, ati sai py ny y nai niu; mymy ly kani pri amtaw thauchi ai py, khaileaung pri i khumichi ai py, peang nai ne. Ami py mymy i kangai ei vui pajau y, mymy ati mana sa mo nanai py, deng vam y nai ne.

ZEKHARIAH 9:1

Areng teng i leu pei nai ly hinichi ne. Mymy ly Hadara pri hawi Damaska mary y pajeng ai nai leu pei bo. Areng ly Israela nupaichi ai khyh ny y, Suria pri i mary pui ai py peang nai ne.

MATTHAI 16:27

Naibaly Khumi i Chapo ly mymy i kani pri i amtaw thau naichi hawi Ampo i nang parai naira apu naimy ang jeu ai, hunai khala y ly khumi leaung leaungrei ai ni i atiti sa nai kamta heung teang ai.

JOHAN 5:29

atiti kahawi sa naichi ly hengra nga ai nai angthau u bi ai; atiti hawi y sa naichi ly sumra nga ai nai angthau u bi ai.

II KORINTH 5:10

Achi bawibawi ly tlang y atiti sa naichi, hawi nai hawi y nai achi i sa nai kamta nga bawibawi thai ai nai, achi ai ly Krista i tara chih nai atehra mo y amteng hai bebe ai nai tla.

EPHESI 1:11

Ati cheaungkhangra y mymy i kangai tau nai kamta sa nai keung i kangai y ka-vo khai rym nai kamta, kaichi,

HEBRAI 4:13

Naibaly mymy i mei ka-niu y ly atiti sa nai bawibawichi theung y amteng y nai ha py by y; achi ai ang sa nai keung i mei ka-niu y ly ati cheaungkhang ka-keu hawi am-eaung nai angchi awm lawh veng nai ne.

AMTENG HAI NAI 2:23

Naibaly mymy i chanauchi ai ly kapadei khyp ai; naibaly kai ly dawn naira hawi paleung khen patawm nai keung ne, nanai palau takhra kamkawm bawibawichi ly pany u ai; naibaly nangchi leaung leaungrei i atiti sa nai kamta kaimy kang heung ai.

AMTENG HAI NAI 22:12

Khen cham, kai kang jeu praw ai; khumi cheaungkhangchi i atiti sa nai kamta khyp my pei ai nai, kai i kawn nai vang ly kai teng y awm.