JEREMIA 32:17 - Khumi Common Language Bible

¹⁷ “Aw Areng Tameuh, nang ly nang parai nai phum-ang hawi, kani hawi khaileaung ai sa bo. Nangmy so thai y ai nai pa-rei rai naira ha py by y.

JEREMIA 32:17 ပူးပေါင်းရင်းမြစ်များ

ATITI AWM ANGCHEI NAI 18:14

Areng so pajau y nai awm a? Kaimy kang thui pi nai kamta vai i dengdairei lo takawrei khala y kai kang tym teang ai i, Sarah ly chapo tapen ai,” napi.

2 ARENG KEH 19:15

Naibaly hina nai chiu sa, “Tahm asang parai nai Areng atehra salo y ateh nai Israela chengchi i Areng Tameuh awi, nang leaungrei naini khaileaung pri verei y peang nai Tameuh ne. Nang ly kani hawi khaileaung sa nai keung ne.

2 ARENG KEH 3:18

Naibaly Elisa my thui pi bi nai ly “Hinichi ly Areng my sa ai nai rai y nai ne. Mymy ly Moba khumichi ai nangchi i kiu tleaung y au ai.

NEHEMIA 9:6

Naibaly Israela chengchi ly hina nai kamta chiu sa u bo: “Aw Areng, nang naini Areng ne; nang ly kani khusang hawi kani mang i ka-sichi ai py sa. Khaileaung hawi pangli py, khaileaung salo hawi pangli theung y awm nai bawibawichi ai py sa; nang ly ati cheaungkhangchi ai py heng hai bo. Kani mang i ka-si taukichi ly nang ai lu meung naimy chiu u nai ne.

JOBA 42:2

Aw Areng, nang ly ati cheaungkhang sa thai nai keung ne, nanai py, nangmy ngai nai kamta ati cheaungkhang sa pajau, nanai py, kai pany bo.

SAM 102:25

Nang ly jangni y khaileaung palum chum baly, nang i kiu hawi kani khusang ai sa bo.

SAM 136:12

Huna nai kamta pahawi nai ly atho awm parai nai kiu hawi py, sa thai naira awm nai kiuban hawi py ne; mymy i tamen nai ly deungtasarei ne.

THEU NAI 20:11

Kai Areng ly kani tariurei sala y my kani khusang, khaileaung, pangli hawi huni theung y awm nai cheaungkhangchi ai sa iy saryh kani y anawn nai ne. Naibaly Areng my huni Anawn nai kani ai ly amtheaung hai iy kani kachai palawn bo.

ISAIA 42:5

Tameuh ly kani khusang ai sa iy, khiu tapai bo. Mymy ly khaileaung hawi vanrei, heng nai amjy bawibawichi ai sa nai ne. Khaileaung y awm nai khumi bawibawichi ai, hengra hawi taho ai nai pei bo. Vai ly Areng Tameuh my, mymy i miseaung teng y thui pi nai ly

ISAIA 44:24

“Kai ly nangchi ai sa nai keung hawi atleu pi nai keung Areng ne. Kai ly ati cheaungkhangchi ai sa nai keung Areng ne. Kani khusang ai kaimy leaungrei khiu khyh nai ne. Khaileaung ai kaimy sa nai khala y, ami py kai ai sabawm u y leang.

ISAIA 45:12

Kai leaungrei naini khaileaung pri ai palum iy, hunira y awm ai nai khumichi ai sa nai keung ne. Kaimy i sa thai naira hawi kani khusang ai khiu tapai iy, kanito, lo, ka-sichi ai kryme nai ne.

ISAIA 59:1

Areng ly nangchi ai atleu pajau y na pa-rei atho di nai ny y. Nangchi kasabawmra nga ai nai aeu iy, hnei takeng nai raawi thai y na pa-rei kano pang y leang!

JEREMIA 1:6

Naibaly kaimy, “Aw Areng, kai ly saneng theang ala nai deaungkho y, ati mana katheu ai mo, nanai pany y,” napi.

JEREMIA 14:13

Huna nai khala y kaimy, “Aw Areng, hini pri y tavai takai hawi takang theu nai ka-jeira tym ai ny y; tlamsa naira naini awm ai, nanai amochi my thui nai ly nangmy pany nai ne,” napi.

JEREMIA 21:2

“Babulon samrang Nebukhadnezar hawi ni i tavaimichi ly mary tiu ai nai katanmeuh lawh bo i, Areng teng y kaichi i vui ahui pi kyh ba. Areng ly kaichi i vui rengrang ka-ma-ra sa pi baly, Nebukhadnezar ai anaw tan anaw hai lym ai,” nanai takeng.

JEREMIA 27:5

“Kai ly kaimy i sa thai naira len parai nai haiho hawi khaileaung pri, khumichi, khaileaung pri y awm nai tawnbawichi hawi raurei kaimy sa nai ne i, huni khaileaung pri ai kaimy ngai nai teng y kapei pajau nai ne.

JEREMIA 32:27

“Kai ly khumi bawibawichi i Areng Tameuh ne. Kai i so thai y ai nai rai naira ha py by y.

JEREMIA 33:3

“Kai ai palau; kang pathang pi ai. Lyh ai awm iy rengrang nai atitichi kang patei pi ai.

JEREMIA 4:10

Huna nai khala kai ly “Aw Areng, nang ly Jerusalem mary i khumichi ai li-tapawp vui lawh ly! Tlamsa naira nga ai, nanai nangmy leu pei i py, vai ly nichi i kaneaung y haisau padawi lawh bo,” napi.

JEREMIA 51:15

Areng ly mymy i sa thai naira hawi khaileaung ai sa; mymy ly cheng naira hawi khaileaung pri ai sa chum baly tau kacheng hawi kani khusang ai kadai pha bo.

JEREMIA 51:19

Jakob i Tameuh ly mynchi kamta ny y; mymy ly ati cheaungkhang sa nai keung ne iy, Israela chengchi ai mymy i khumi palawn ai nai vawi takhra bo. Mymy i amyn ly ati cheaungkhang sa thai nai keung Areng ne.

Ezekiela 11:13

Kai ly huni leu pei naichi thui pi nai thym khala y, Benaiah i chapo Pelatiah ly atlym i dei bo. Huna nai khala kai ly khaileaung y tabiu naimy ambeu vui iy, “Aw sa thai naira angym nai Areng! Nang ly awm rai nai Israela cheng ngiereichi ai tamyh pawn ai bo a?,” nanai aeu naimy thui pi nai ne.

Ezekiela 9:8

Huna nai nichi my tleh u nai thym khala kai ly kaimy tlairei kaawm jo nai ne. Kai ly khaileaung y tabiu iy ambeu naimy, “Aw sa thai naira awm nai Areng, nang ly Israela pri y awm rai nai khumi ngiereichi ai padei hai ai nai pa-rei, Jerusalem mary y kado theu hai na bo a?,” nanai aeu naimy katakeng bo.

DANIELA 2:22

Mymy ly thiu parai nairachi pany hai; mymy ly kaveng theung y heu vui naichi pany se, mymy ai ly kangvang my taki teungtareung nai ne.

DANIELA 6:20

Khrangsi angawm y tym nai khala, paleung mawn nai raawi hawimy, “Tameuh kangheng i miseaung Daniela awi! Nang i ka-ym awm naimy chiu nai Tameuh ly nang ai khrangsichi teng i nai atleu pi pajau a?” nanai deng.

ZEKHARIAH 12:1

Hini leu pei nai ly Israela chengchi i vui Areng teng i tym nai leu ne. kani khusang ai khiu iy khaileaung ai sa chum baly, khumi angsochi ai hengra pei nai keung Areng my leu pei nai ly

ZEKHARIAH 8:6

“Hinichi ly vai, awm jo nai Juda chengchi i vui ne, nanai thui khyp pajau y teu i py kai, ati cheaungkhang sa thai nai Areng i vui ly avo pajau nai ne.

Kati Nai 11:23

Areng my, “Kai so thai y nairachi awm a? Kai i thui naichi ly ne khyp mo, ne khyp y mo, nanai kra y naimy nang niu ai mang!” napi.

MATTHAI 19:26

Naibaly Isu ly nichi ai khen i mymychi teng y, “Huni ly khumichi i vui ly sa pajau ai nai aveng; Areng Tameuh naini ati cheaungkhang sa thai,” napi.

MARKA 10:27

Isu ly nichi ai khen i, “Huni ly khumichi i vui ly sa pajau ai nai aveng, Tameuh i vui ly so pajau y nai ny y: ati mana nai mo nabaly Tameuh i vui ly ati cheaungkhang sa pajau na a,” napi.

LUKA 1:37

Tameuh teng i nai theu nai leu ly atiti so thai y nai ha py by y.

LUKA 18:27

Ni my ly, “Khumi i so pajau y nai ly Tameuh my sa thai na a,” napi.

AMTAW 14:15

“Arengchi awi, nangchi ly hina nai ly ati mana nai sa nai mo? Kaini py nangmychi ka-tawm khumi teang teu be; nangchi ly hini atiti rumramchi ai ly khai su iy, kani py, khaileaung py, pangli py, mymychi theung y awm nai bawibawichi ai sa nai keung Tameuh kangheng teng y ly amhi u ai nai kaini ly Satang Kahawi kang tym hai nai teu.

AMTAW 15:18

Khaileaung palum angchei kha i dengdairei hini satang pany hai reng nai keung Areng my ly ang napi,’ nanai tajiu nai ly.

AMTAW 17:24

Khaileaung pri hawi, huni theung y ati cheaungkhang bawibawi sa nai Tameuh ly kani khaileaung Areng ne nai deaungkho y khumichi i kiu y sa pi nai yhm y ly awm y leang;

AMTENG HAI NAI 4:11

“Kaichi i Areng hawi Tameuh hawi, palo naira hawi, tahm pasang naira hawi, sa thai naira py nang ly nga ai ataing nai ne; Ati mana nai mo nabaly nang ly ati cheaungkhang sa i, hunichi nang ngai nai deaungkho y awm nai hawi sa nai ne,” nanai thui ai.