JEREMIA 32:15 - Khumi Common Language Bible

¹⁵ Israela chengchi i Tameuh, ati cheaungkhang sa thai nai keung Areng my hini pri y yhmchi, lichi hawi kreip akhochi ai vai mo mang y ka-jo ka-van sa u bi ai, nanai leu pei bo,” napi.

JEREMIA 32:15 ပူးပေါင်းရင်းမြစ်များ

ISAIA 44:26

Na i py thui pi yb nai sai sairei ai kai i miseaung my sa nai khala py, kai i dawn tau naichi pany hai ai nai, amtaw thau leaung leaungrei ai kapato nai khala py, kai ly dawn pasym naichi hawi thui yb naichi, katym hai khyp nai ne. Jerusalem mary y khumichi awm u ali teang ai. Juda marychi sa palum u teang ai, nanai huni mary tleirei y, kaimy thui pi bo. Huni marychi phra naira i nai, lo-pa ali teang ai.

JEREMIA 30:18

Areng my, “Kai ly kaimy i khumichi ai nang chawn hai teang iy, kapahawi ali teang ai. Jerusalem mary ai palum teang iy samrang yhm py palum teang ai.

JEREMIA 31:12

Nichi ly jeu iy Zion mawi salo y amo theu nai khulym thui u ai. Kai i amtheaung naira kapei pi nai choh, kreip hang, olive asitui, beramchochi hawi si, painochi molam y amo theu u ai. Nichi ly tui hawihai palai nga nai akhobai kamta ne iy, mo mang y mana khala py paleung bi u ai ny y.

JEREMIA 31:24

Khumichi ly Juda pri meingtym tleirei y awm u ai. Li hlau sa naichi hawi beram kanghuchi ai typ nai keungchi py awm u ai.

JEREMIA 31:5

Nangchi ly Samari mawichi saleung y kreip akhochi sa u teang ai i, huna nai sa nai khumichi ly huni akhochira i theu nai athaichi cha u ai.

JEREMIA 32:14

“Israela chengchi i Tameuh, ati cheaungkhang sa thai nai keung Areng my nang ai, ‘Hini pajawp typ nai ka-ma-ra nip nai, khaileaung van nai sumneang cha hawi, pajawp typ nai ka-ma-ra nip y nai sumneang cha ai la mei iy, saneng neangneang kra i py phra thai y ai nai, alai laawm theung y khai ai nai leu pei bo.

JEREMIA 32:25

Na i py aw Areng Tameuh, hini mary ai Babulon khumichi my peang vui enten nai khala malawn py, nang ly kai ai pany hai nai keungchi i mo y, li khaileaung van ai nai leu pei lawh ly” napi.

JEREMIA 32:37

Kai ly khrikhri pa-rei kado theu nai y nichi ai ahei hai nai prichira i dengdairei, kapangym ali teang ai. Naibaly nichi ai hini meingtym y kapahawi ali teang iy, chymme naimy awm hai ai.

Ezekiela 28:26

Nichi ly huni meingtym y chymme naimy awm u ai. Nichi ly yhmchi sa iy kreip akhochi sa u ai. Nichi ai mei aniu y sa nai pri deaungpa bawibawichi ai kaimy pajeng nai khala, nang ly chymme ai. Israela pri ly tlamsa naimy awm ai. Huna nai khala kai ly nichi i Areng Tameuh ne, nanai nichi pany u ai,” napi.

ZEKHARIAH 3:10

Huni neng kani tym nai khala, nangchi bawibawi ly kreip akhochi hawi thaidu keungchi pajyn iy, tlamsa naimy awm u thai ai nai, nangmychi i yhm deaungpachi palau u ai,” napi.