JEREMIA 31:9 - Khumi Common Language Bible

⁹ Nichi ai kaimy kapahawi ali teang nai khala y, kai i khumichi ly chiu sa naimy vo tangam u iy ang vawi u ai. Kai ly nichi ai tuino leaung nai meingtymchi hawi, nichi athei y, avah y ai nai lam kahawi mang kapahawi ai. Kai ly Israela chengchi i ampo ne iy, Ephraim cheng theaung ly kai i chapo chalu ne.”

JEREMIA 31:9 ပူးပေါင်းရင်းမြစ်များ

1 NENG SATANG 29:10

Davida ly huni meingtym y awm nai khumi mipuichi i mo y Areng ai palo. Samrang my, “Kaichi i amsi pajo Jakob i Areng Tameuh, nang teng y ly deungtasarei palo nai awm sy!

SAM 107:7

Mymy ly nichi awm ai nai mary mang y lam kataw mang pahawi bo.

SAM 23:2

Mymy ly kai ai acha heng-a meingtymchira y anawn hai; Awmnemra tavo micheaung mang y ang pahawi bo.

SAM 89:27

Kai ly ni ai kai i chapo chalu kapalawn ai; phum-ang len keh nai samrang lawm hai ai.

THEU NAI 4:22

Huna nai khala nang ly samrang teng y, “Israela chengchi ly kai Areng i chapo chalu ne.

ISAIA 42:16

“Kai ly kaimy i mei kamjuchi ai nichi tako vai y nai lam mang kapahawi ai. Kai ly nichi i mo y, kaveng ai kangvang lawm hai iy, khuleaung lam hawi y nai ai thleaungthlang hai ai. Hinichi kai sa ai; kaso y naimy awm ai ny y.

ISAIA 43:20

Daichi mawichi malawn py, kai ai tahm khai iy palo u ai. Kai ly kaimy vawi takhra nai khumichi tui nga ai nai molam tui by y nai daichi ka-vymra y tavo tuichi leaung hai nai khala y khivachi hawi kula-iu tavochi ly kai ai palo u ai.

ISAIA 45:11

Israela chengchi i chai parai nai Tameuh, mo mang i vui y sa nai Areng my, “Kai i cho chanauchi molam y nangchi my kai teng y deng ai nai aly by y. Kai ly ati sa ai nai avo mo, nanai nangchi my kai ai thui pi ai nai aly by y!

ISAIA 57:14

Areng my, “Kai i khumichi ai kai teng y vawi hai u. Kai i khumichi tako nai lamra i, khangmui ka-cheung awm nai ngierei hie u pawn! Lam sa iy angvei u rym!

ISAIA 63:13

Areng ly nichi ai tui kathiu angpeang hai iy pahawi nai khala, nichi ly keaungngo karamchi kamta kheu amchyn nai khaw parai i, mana khala py atlym u vai y.

ISAIA 63:16

Nang ly kaichi i ampo ne. Kaichi i amsi pajo Abraham hawi Jakob nini malawn py, kaichi ai bawi lo pi pajau y. Na i py Areng nang ly kaichi i ampo ne. Kaichi ai jangni khala i ka-so atleu pi jojo nai keung ly nang ne.

ISAIA 64:8

Na i py aw Areng, nang ly kaichi i ampo ne. Kaichi ly khaileaung laikan hawi atawm iy, nang ly laawm beu nai keung hawi atawm. Nang ly kaichi ai sa nai keung ne nai deaungkho y,

JEREMIA 3:19

Areng my leu pei nai ly “Israela awi, kaimy chapo kang palawn iy amo theu ai hawi nai pri, khaileaung pri verei y apu keh nai pri kang pei ai nai ngai. Nang ly kai ai ampo palau iy mana khala py, kai ai nithun thun vui y ai nai, kai ly aly ngai.

JEREMIA 3:4

“Vai, nang ly kai teng y, ‘Nang ly kai i ampo ne; deaungdichy khala i ka-so kai ai tamen nai ne.

JEREMIA 31:20

“Israela awi, nang ly kai i ngai keh nai chapo hawi, kai i tamen keh nai chapo py ne. Kai ly nang i amyn kathui nai tleirei, nang ai aawi jojo nai ne. Kai i paleung ly nang teng y apei keh nai ne i, kang pahen ai.

JEREMIA 50:4

Areng my, “Huni neng tym nai khala, Israela hawi Juda khumichi ly vo naimy mymychi i Tameuh, napi nai kai ai hau u ai.

HOSEA 12:4

Ni ly kani pri amtaw thau hawi ani i, pajau nai ne. Ni ly vo iy amtheaung naira hnei. Tameuh ly Bethela mary y achi i amsi pajo Jakob teng y jeu iy, leu pei bo.

HOSEA 3:5

Na i py Israela khumichi ly nichi i Areng Tameuh teng y py, nichi i samrang Davida i kangpreangchi teng y py, vawi ali teang nai neng tym ai. Huna nai khala nichi ly Areng ai jei kaji naimy tahm khai u ai. Mymy py nichi ai amtheaung naira pei ai.

ZEKHARIAH 12:10

“Kai ly Davida i kangpreangchi hawi Jerusalem mary i takhra khumichi ai pahen ai nai phailo, chiu sa ai kawp nai phailo hawi angym hai ai. Nichi ly mychi i haisau hawi thun iy padei nai khumi ai khen iy, chapo leaungrei awm khyh nai i vui y vo tangam nai kamta, huni khumi i vui vo tangam u ai. Nichi ly chapo chalu dei nai khumichi kamta, khri pa-rei vo tangam u ai.

MALAKHI 2:10

Achi bawibawi ly ampo leaungrei awm khyh nai ny y a? Tameuh leaungrei my achi ai sa nai ny y a? Hunai deaungkho y achi ly ati mana nai y, amychi tengtawi asa nai vaineng ataphra u lawh mo? Ati mana nai y achi i amsi pajochi hawi Tameuh asa nai Leu Maikawm ai tahm khai u y lawh mo?

Kati Nai 2:18

Nidym mang pheirei y Ephraim tavai kamkawm i tamkhawn anui y hina nai kamta kamkawm ka-lyp amymychi i luchi hawi tai u ai nai tla. Theaung Lu sa nai keung Vuikanai Ephraim Ammihu i chapo Elishama 40,500 Manase Pedazur i chapo Kamaliela 32,200 Benjamin Kideoni chapo Abidan 35,400 bawibawi: 108,100 Ephraim i tavai kamkawm ly pa-thom y amsa ai nai tla.

MATTHAI 3:3

Amo Isaia my, “Daichi ka-vym y aeu nai raawi ly,” “Areng i lamlen so u rym ly, Mymy i lam cheaungkhang pataw u,’ napi,” nanai thui nai ly mymy ne he.

MATTHAI 5:4

“Paleung mawn naichi ly taham hawi: nichi ai ang awm hai nem ai.

MATTHAI 6:9

Hunai deaungkho y nangchi ly hinai kamta chiu so u: Ngaai, kani pri mang y awm nai, Nangmy amyn tahm khai nai awm sy,

LUKA 6:21

“Vai kajeu alam naichi awi, nangchi ly taham hawi; nangchi ly bym pa-rei nga ai. “Vai vo naichi awi, nangchi ly taham hawi; nangchi ly panui ai.

ROM AVANGCHI TENG Y PAWLA I CHA PA NAI 8:26

Hunai kamta teang Phailo my ly achi i ham y naira y ang sabawm; achi ly chiu sa ai nai avo nai sai pany y; na i py Phailo my ly tangam nai thui pajau y pa-rei chiu ang sa pi;

II KORINTH 6:18

Hunaibaly kang kawn u ai i, Nangchi i vui Ampo kang lawn ai. Nangchi py kai i vui chapo chaniuchi lawn u ai,” nanai ati cheaungkhang sa thai nai Tameuh my ly napi.

Leu Thui Nai 14:1

“Nangchi ly nangchi i Areng Tameuh i khumi cheng ne. Hunai deaungkho y kadeichi i vui paleung si nai khala, amy i ngan tlangra y tamo apei piupa nai, lupang sam avau lawp nai so ngau y.

Leu Thui Nai 32:6

Cheng naira by y iy khumi ka-khumchi awi, Areng ai hina nai kamta sa ai tla nai a? Mymy ly nangchi ai sa nai keung, nangchi i ampo, mymy ly nangchi ai khumi cheng harei ang lawn hai bo.

HEBRAI 12:13

naibaly kheu kangbai ly awi hai du y naimy hawihai thai ai nai nangchi i kheu i vui lam ka-dyh so u.

HEBRAI 12:23

chanau chalau kani mang y amyn atheung nai palau takhra kamkawm teng y hawi, khumi bawibawichi ai tara chih nai keung Tameuh teng y hawi, angym hai chum nai khumi kahawichi i phailo teng y hawi,

HEBRAI 5:7

Ni ly tlang y awm nai thym khala y ly, dei naira y mymy ai paheng pajau nai keung teng y ly khrikhri pa-rei aeu nai hawi mei katiu tla nai tarawi y chiu sa nai hawi atiti hnei nai talam iy, Tameuh teng y aau nai deaungkho y ang tangai pi:

AMTENG HAI NAI 7:17

ati mana nai mo nabaly areng atehra sala y awm nai Beram Cho ly nichi ai typ nai keung lawn ai i, nichi ai heng nai tuinochi mang y ang pahawi ai; naibaly Tameuh ly nichi i mei i dengdairei mei katui bawibawi tamui pi ai,” napi.