JEREMIA 31:8 - Khumi Common Language Bible

⁸ Kai ly huni khumichi ai tosyh mang dengdairei kapahawi ai. Nichi ai khaileaung katem i nai kapahawi ai. Nichi hawi vanrei mei kamjuchi hawi, kheu kambaichi py, neampachy jeubomchi hawi tapen enten nai neampachychi py abang u ryp ai. Nichi ly cheng kalenchi kamta ang vawi u ai.

JEREMIA 31:8 ပူးပေါင်းရင်းမြစ်များ

SAM 107:3

pri takhra i dengdairei palau teang naira avum nai khumichi ly palo u sy.

SAM 65:5

Nang ly kaichi i chiu sa hnei takeng nai tangai pi iy, eaung naira nga hai bo; lyh ai hawi naichi sa naimy, kaichi ai atleu nai ne. Khaileaung pri verei hawi, pangli katem mang y awm u nai khumi bawibawichi ly nang ai ym u bo.

SAM 98:3

Mymy ly mymy i khaw parai nai tamen naira hawi ka-ym awm nai hawimy, Israela chengchi teng y adeu nai leu ly khaw hai bo. Meingtym tleirei y awm nai khumi bawibawichi ly achi i Tameuh i eaung nai niu u nai ne.

ISAIA 40:11

Mymy ly beram typ nai keung kamta, mymy i beram kanghu ai pacho panei iy kry ai. Mymy ly beramchochi ai pangym iy, kiu hawi tapawm naimy nichi i amhmchi ai lam patei iy pahawi kajai ai.

ISAIA 42:16

“Kai ly kaimy i mei kamjuchi ai nichi tako vai y nai lam mang kapahawi ai. Kai ly nichi i mo y, kaveng ai kangvang lawm hai iy, khuleaung lam hawi y nai ai thleaungthlang hai ai. Hinichi kai sa ai; kaso y naimy awm ai ny y.

ISAIA 43:6

Nichi theu u ai nai tosyh mang py, nichi ai paka y ai nai tokalawi mang py, kaimy thuipi ai. Khaileaung pri meingtym tleirei y awm nai pri kamlora i, kai i khumichi vawi u ali teang ai.

ISAIA 45:22

“Khaileaung pri verei i khumi bawibawichi awi, Kai teng y jeu u ly atleu naira ngo u! Harei awm khyh nai Tameuh ly kai ne.

ISAIA 52:10

Areng ly chai parai nai kiu hawi, pri tleireichi mo y mymy i khumichi ai atleu nai deaungkho y, huni atitichi ai khaileaung pri vereichi my niu u nai ne.

JEREMIA 16:15

Huna nai vaineng abeu ai nai tleaung y khumichi ly kai teng y Israela khumichi ai tosyh pri mang i dengdairei py, nichi ai kaimy ahei hai nai pri takhrachira i dengdairei py, pahawi ali teang nai Tameuh kangheng ne, nanai vaineng abeu u ai. Kai ly nichi ai mychi i pri, mychi i amsi pajochi teng y kaimy pei nai pri y pahawi ali teang ai,” napi. Hini ly kai Areng i thui nai leu ne.

JEREMIA 23:3

Kai ly kai i khumichi ai ahei hai nai prichira i awm rai naichi ai kala iy, mychi i pri y katha ali teang ai. Nichi ly cho chanau neangneang sa iy, khumi peung u ai.

JEREMIA 23:8

Nichi ly huna nai tleaung y kai ai ly Israela khumichi ai tosyh pri mang i dengdairei py, nichi ai ahei hai nai pri takhrachira i nai py, pahawi ali teang nai Tameuh kangheng palawn iy vaineng abeu u ai. Naibaly nichi ly mychi i saleaung khutengra y awm ai nai nga u ai,” napi.

JEREMIA 29:14

Nangchi ly kai ai avum angchi khyp ai i, kai py nangchi ai nangmychi i pri y kang pahawi ali teang ai. Kai ly nangchi ai ahei hai nai pri neangneangchira i nai pangym ali teang ai. Hunaibaly nangchi ai langheng y hawi ai nai patiu nai pri y, kang pahawi ali teang ai. Hini ly kai Areng i thui nai leu ne,’ napi.

JEREMIA 3:12

Mymy ly kai ai tosyh ngan mang y pato iy Israela teng y, “Ka-ym by y nai Israela awi, kai teng y ali teang jau. Kai ly pahen nai keung ne nai deaungkho y, nang ai kado kang theu hai ai ny y. Kai ly deungtasarei kado kang theu hai ai ny y.

JEREMIA 3:18

Israela ly Juda hawi amkawm iy khumichi hawi vanrei, nangchi i amsi pajochi teng y kaimy pei nai pri y, tosyh mang dengdairei ang jeu u ai,” nanai thui hai bo.

Ezekiela 20:34

Nangchi ai pri tlei tleirei hawi, ahei akyhkyh nai pri cheaungkhangra i nai palau ali teang nai neng khala, nangchi i tlang tleaung y atho len parai nai sa thai naira hawi kiu pheu iy, kado theu nai sai patei ai.

Ezekiela 20:41

Nangchi ai ahei akyhkyh nai prichira i dengdairei, kaimy nangchi ai pangym ali teang nai bo y, nangchi leng patlum nai mui katui hawi vanrei nangchi ai kang kawn pi ai. Kai ly chai parai nai ne, nanai khumi cheng cheaungkhangchi my niu u ai.

Ezekiela 34:13

Pri takhra mang i nai pakym chum baly nichi ai mymychi awm nai pri y palau teang ai. Kai ly nichi ai Israela mawichi hawi tavo micheaungchi mang y hawi iy, sui tlai nai kahawichira y kapacho ai.

Ezekiela 34:16

“Kai ly tama nai beramchi ai hau iy, lam tamang nai beramchi ai palau teang ai. Tamo nga nai beramchi ai kanih hawi bam iy, no nai beramchi ai asi sa pi ai. Na i py veung hawi iy atho awm nai beramchi ai tleh ai. Ati mana nai mo na baly kai ly kateng sa reng nai beram typ keung ne nai deaungkho y ne.

MIKHA 4:6

Areng my, “Kaimy kapajeng nai, pri pala naira avum nai khumichi ai, kaimy kalym kalawi teang nai neng ly tym ai nai kasa bo.

ZEPHANIAH 3:19

Nang ai ana nai khumichi ai kaimy pajeng ai nai neng tym ai. Kai ly kheu tabai nai khumi bawibawichi ai atleu iy, pri palara avum nai khumichi ai, mymychi i pri y pahawi ai. Nichi i kangji nga nai ly tahm awm nai mang y amtlau hai ai. Khaileaung pri khumichi my nichi ai palo u ai.

ZEKHARIAH 2:6

Areng my mymy i khumichi teng y, “Kai ly nangchi ai pri tleirei y ahei hai bo. Na i py nangchi pri pala naira avum nai khumichi awi, vai, nangchi ly Babulon pri dengdairei preang iy, Jerusalem mary y vawi u teang.

MATTHAI 12:20

Mymy ly eaung ai nai tara chih nai ly tym hai y ryrei ly, Kadi du nai satleung taphra y ai, Teicha angveaung paijei nai py padei y ai,

JOHAN 21:15

Naibaly nichi ly cha pajau bo nabaly Isu my Simon Petera teng y, “Simon, Johan i chapo, nang ly hinichi tleaung y kai ai tamen keh a?” napi. Ni my ly ni teng y, “Ne, Areng awi, kai ly nang ai khrei nanai nang pany chy bo,” napi. Ni my ly ni teng y, “Kai i beram chochi ai pacho” napi.

I KORINTH 8:10

Ami py nang, pany naira awm nai khumi ai myn y chiu nai yhm y biu o nai ang niu iy, mymy ly ham y nai khumi ne i khyly, mymy i hawi nai hawi y nai pany naira ly myn y atiti apathyp nai ly cha ai nai vam y ai a?

Leu Thui Nai 30:4

Nangchi ly khaileaung pri meingtym tleirei y ahei akyhkyh teu i py, nangchi i Areng Tameuh my pangym achu iy,

I THESALONIKA 5:14

Nangmychi tengtawi aly nai awm u. Naibaly amjo amnauchi awi, reita ny y nai kamta awm naichi ai ly parip u ly, vam y naichi ai pachei u ly, ham y naichi ai sabawm u ly, bawibawichi teng y amnym naimy awm u.

HEBRAI 12:12

Hunai deaungkho y kiu thlawithli thlawithlai nai pataw u, kheukhu thla thla thla na ahyn nai py amtaw u vui;

HEBRAI 4:15

Ati mana nai mo nabaly achi ly achi i ham y nai sai dawn hai ai nai pany pajau y nai pathyp pi nai keung kalen keh ai ly ngo y leang; huna ny y naimy achi kamta parawi naira lam cheaungkhang avum teang nai, kamngo mang y so y nai ai nga nai teu.