JEREMIA 31:7 - Khumi Common Language Bible

⁷ Areng my, Khumi cheng cheaungkhangchi theung y len keh nai Israela chengchi i vui amo theu parai naimy khulym thui u. ‘Areng ly mymy i khumichi ai atleu nai ne. Israela cheng theung i heng rai naichi ai atleu bo,’ nanai palo nai khulym thui u.

JEREMIA 31:7 ပူးပေါင်းရင်းမြစ်များ

SAM 106:47

Aw kai i Areng Tameuh, kai ai atleu kyh ba; nang i amyn kachai ai palo u pajau ai nai py, nang teng y kawn nai leu thui u pajau ai nai py, kaichi ai khumi cheng cheaungkhangchi theung i dengdairei, palau teang kyh ba.

SAM 126:2

Achi ly khrikhri pa-rei panui u iy, amo theu naimy khulym thui ai nai nga u bo! Huna nai khala takhra khumichi my, “Areng ly hini khumichi i vui nang parai nairachi sa pi na a,” nanai thui u bo.

SAM 14:7

Israela chengchi ai atleu nai pahenra ly Zion mawi i dengdairei theu hai sy. Areng ly Israela chengchi ai amtheaung hai aliteang nai khala, nichi ly khri pa-rei amo theu u ai!

SAM 28:9

Aw Areng, nang i khumichi ai atleu kyh ba. Nangmy peang nai khumichi ai amtheaungra pei kyh ba. Nichi ai beram typ keung kamta, kry jojo kyh ba.

SAM 67:1

Aw Tameuh, kaichi ai tamen ly amtheaung naira pei kyh ba; pahen nai paleung hawi, kaichi ai khen kyh ba.

SAM 69:35

Mymy ly Zion mawi ai atleu iy, Juda marychi ai sa palum teang ai; Mymy i khumichi ly huni marychira y awm naimy pri amtym u ai.

ISAIA 1:9

Ati cheaungkhang sa thai nai keung Areng my naini, mary i khumi phyreichi ai dei kamthum khai pi mailai y lawh teu i khyly, Jerusalem mary ly Sodom mary hawi Komora mary kamta, taphra naira avum ai nai ne.

ISAIA 11:11

Huni neng kani tym nai khala y, Areng ly mymy i sa thai nai haiho teaung bi iy Asuria pri, Aikupta pri, Pathros pri, Ethiopia pri, Elam pri, Babulon pri, Hamath pri, pangli peang meingtymchi hawi tlawnchira y awm rai nai Israela chengchi ai, mymychi i saleaung khuteng mang y pahawi ali teang ai.

ISAIA 37:31

Juda chengchi theung i dei kamthumchi ly khaileaung y tangjyn thiu pa-rei aviu iy athai nai thengthai keungchi kamta thawn-pa u ai.

ISAIA 37:4

Asuria empara samrang ly my i tavailu areng ai pato iy, Tameuh kangheng ai mei aniu y nai leuchi thui hai bo. Nang i Areng Tameuh ly huni leuchi thai iy, huna nai thui nai khumichi ai, kamngolai pajeng na sy. Nang py heng rai nai kaichi mipuichi i vui Tameuh teng y chiu so pi ba,” napi.

ISAIA 44:23

Nangchi kani khusang awi, amo theu naimy aeu u! Khaileaung thiu parai nairachi awi, aeu u! Mawichi hawi thengreung theung i dengkeaung keungchi awi, amo theu naimy aeu u! Areng ly mymy i khumi Israela chengchi ai atleu iy, mymy i nang parai nai patei pi bo.

ISAIA 52:8

Mary typ nai risachi ly tao pajeng parai nai hawi amo theu parai naimy vanrei aeu u sau bo. Areng ly Zion mary y ang jeu ali teang ai, nanai nichi kypkyp my niu u nai ne.

ISAIA 61:9

Nichi ly khumi cheng cheaungkhangchi theung y amyn amthang u ai. Nichi ly kai i amtheaung naira nga nai khumichi ne, nanai nichi ai niu nai khumi lutengchi my pany u ai,” napi.

JEREMIA 20:13

Areng ai tahm pasang nai khulym thui u sina! Areng ai tahm pasang u sina! Mymy ly khumi kamawnchi ai khumi hawi y naichi kiu i nai atleu bo.

JEREMIA 23:3

Kai ly kai i khumichi ai ahei hai nai prichira i awm rai naichi ai kala iy, mychi i pri y katha ali teang ai. Nichi ly cho chanau neangneang sa iy, khumi peung u ai.

JEREMIA 3:23

Mawi saleungchira chiu sa nai molam y, kaichi kasabawmra ngo u y. Israela chengchi i vui sabawm naira ly kaichi i Areng Tameuh teng i naini nga pajau khyh.

JEREMIA 31:12

Nichi ly jeu iy Zion mawi salo y amo theu nai khulym thui u ai. Kai i amtheaung naira kapei pi nai choh, kreip hang, olive asitui, beramchochi hawi si, painochi molam y amo theu u ai. Nichi ly tui hawihai palai nga nai akhobai kamta ne iy, mo mang y mana khala py paleung bi u ai ny y.

TANGAM NAI LEU 1:1

Vaichi khala y khumi neangneang kawi nanai Jerusalem mary ly mymy tlairei awm jo khyh na bo ly! Vaichi khala ly khaileaung pri vereichi my, tahm pasang naira avum teu i py, vai ly neampachy lumai hawi atawm veng bo. Mary leilachi theung y tahm awm keh nai mary ly miseaungra ang vum lawh bo.

Ezekiela 6:8

“Kai ly khumi phyreichi ai haisau tamo i nai tleaung hai iy, pri takhra tleirei y ahei hai ai.

HOSEA 1:7

Na i py kai ly Juda pri khumichi ai tamen ai rai. Nichi i Tameuh kai Areng ly nichi ai atleu ai. Na i py tavai atiu nai hawi py, haisau, thailiho, thailiho chyn, keaungngo, keaungngo tavaimi kamkawm hawi py, nichi ai atleu ai ny y.

JOELA 2:32

Na i py Areng teng y kasabawmra hnei nai khumi bawibawichi ly atleu naira nga u ai. Areng my leu pei nai kamta, ‘Jerusalem mary y awm nai khumi phyreichi ly deira i nai tleaung u ai; kai i vawi takhra nai khumichi ly dei y naimy awm u jo ai,’ napi.”

AMOS 5:15

Hawi y nai ai niu ngai moh ly hawi naira ai ly paleung apei ba. Tara jeungchira y leu meitang awm ai nai akry u. Kani pri tavailuchi i Areng ly hini khumichi theung i heng rai nai khumi phyreichi ai, pahen tan pahen lym ai.

MIKHA 2:12

“Kai ly nangchi theung y awm rai nai Israela cheng bawibawichi ai pangym ai. Hai theung y vawi ali teang nai beram kamta, nangchi ai kapangym ai. Sui tlai naira y beram neangneang angym iy, teicha tlai nai kamta, nangchi i pri y khumi neangneang awm u teang ai,” nanai pathang pi teang bo.

MIKHA 7:18

Aw Areng, nang hawi pata ai nai tameuh takhra by y. Nang ly dei kamthum nang i khumichi my tiu nai kamngo pahen pi bo. Nang ly kado theu jojo y leang. Nang ly kaichi ai pahen.

ZEPHANIAH 2:9

Kai ly meitang khyp, Israela chengchi i, heng nai Areng Tameuh ne nai kamta, Moba pri hawi Ammon pri ly Sodom hawi Komora marychi kamta, taphra naira avum ai, nanai vaineng abeu bo. Huni prichi ly palawi tai nai meingtym lawm i, deungtasarei phra iy acha keungchi kawi biu ai. Kai i khumichi theung i dei kamthumchi ly huni khumichi ai tiu iy, nichi i pri peang vui ai.”

ROM AVANGCHI TENG Y PAWLA I CHA PA NAI 11:5

Hunai kamta khyp teang, vai dymkhawn py pahenra deaungkho y vawi nai phyreichi awm rai.

ROM AVANGCHI TENG Y PAWLA I CHA PA NAI 9:27

Naibaly Isaia my py Israelachi i molam y aeu hai nai “Israela kangpreangchi ly pangli spryh jirei nawi iy py, nichi theung i nai phyreichi hengra nga ai khyh.

Leu Thui Nai 28:13

Nangchi i Areng Tameuh my pei nai reitachi ai paleung hawi verei patawm u baly, nangchi ly cheng theaung khumichi ai lu sa ai i, abang naichi lawm ai ny y; nangchi ly paitiu akhum y ai i, nang chawn u jojo ai.

Leu Thui Nai 32:43

“Cheng theaung khumichi awi, Areng i khumichi ai palo u; mymy ly mymy i khumichi ai padei nai keung ngiereichi ai ly pajeng ai. Mymy ly mymy i paleung ka-echi ai vawitheung tha ai, mymy ly mymy i khumichi i kamngo pahen pi ai,” napi.