JEREMIA 31:35 - Khumi Common Language Bible

³⁵ Areng ly kanithun khala angvang ai nai kanito py, vum y angvang ai nai lo hawi ka-sichi py ka-vo sa pi nai ne. Mymy ly pangli ai tahawi piu iy tui sampyh amsau hai bo. Mymy i amyn ly ati cheaungkhang sa thai nai Areng ne.

JEREMIA 31:35 ပူးပေါင်းရင်းမြစ်များ

JOBA 26:12

Mymy ly sa thai naira hawimy pangli ai tiu iy, tau cheng naira hawi pangli naka rahabi ai tamyh vui bo.

JOBA 38:33

Kani khusangra y kari awm yb nai nang pany a? huni awm kari ai khaileaung hawi py, amtawn abi hai pajau na a?

SAM 106:9

Mymy ly pangli kamsen ai leu pei baly, huni ly tui kang vui nai ne; naibaly mymy i khumichi ai tui kang nai pangli tako prei ai nai pahawi bo.

SAM 119:89

Aw Areng, nang i reita leu ly kani pri mang y deungtasarei awm jo nai ne.

SAM 119:91

Ati cheaungkhangchi ly nang i miseaungchi ne nai deaungkho y, nang i leu pei nai kamta, vaini khrairei awm jo nai ne.

SAM 148:6

Mymy i leu pei nai kamta, hunichi ly mymychi i avo nai meingtymchira y awm jojo nai ne; hunichi ly leu pei nai akhi pajau y.

SAM 72:17

Samrang i amyn ly awm jojo sy; amyn amthang nai ly kanito kamta awm jojo sy. Tameuh ly samrang ai amtheaung naira pei nai kamta, khumi cheng cheaungkhangchi ly mychi ai py, amtheaung naira pei ai nai Tameuh teng y hnei u sy.

SAM 72:5

Kanito angvang iy, lo ly kangvang pei nai ryrei, nang i khumichi ly nang ai deungtasarei jei kaji naimy, tahm khai u sy.

SAM 74:13

Nang ly nangmy i sa thai naira hawimy, pangli ai akhawi hai iy, tuireng namchi i luchi ai pakhau piu bo.

SAM 74:16

Nang ly vum hawi kanithun ai sa iy, kanito hawi lo ai meingtym tahyh pi bo.

SAM 78:13

Nang ly pangli tui akhawi hai thla vui iy, tuichi ly tengpang mang y akachu hai pawn i, nichi ai angpeang hai bo.

SAM 89:2

Nang i tamen naira ly deungtasa khaw iy, ka-ym awm nai py kani khusang kamta khaw, nanai kai pany bo.

ISAIA 48:2

Huna nai ne teu i py, nangchi ly nangmychi my chai parai nai marychochi nanai py, ati cheaungkhang sa thai nai Areng napi nai Israela chengchi i Tameuh ai paleung pado u nai khumichi nanai py, amlyh u nai ne.

ISAIA 51:15

“Kai ly nangchi i Areng Tameuh ne. Pangli tui ai kaimy lilu iy, tui sampyh kamsauchi lawm hai ai. Kai i amyn ly ati cheaungkhang sa thai nai Areng ne na a!

ISAIA 54:5

Nang ai sa nai keung ly nang i juvo kamta, nang ai ang kry ai. Ni i amyn ly ati cheaungkhang sa thai nai keung Areng ne. Israela chengchi i chai parai nai Tameuh ly nang ai atleu ai. Mymy ly khaileaung pri y peang nai keung ne.

ISAIA 63:12

Mosi i saho y sa thai naira teaung iy, mymy i khumichi mo y pangli tui phy nyhrei akhawi hai chum baly, amthang jojo nai Areng ly ma y mo? nanai deng u bo.

JEREMIA 10:16

Jakob i Tameuh ly mynchi kamta ny y. Mymy ly ati cheaungkhang sa nai keung ne. Israela chengchi ai mymy i khumi kypkyp lawm ai nai vawi takhra bo. Mymy i amyn ly ati cheaungkhang sa thai nai keung Areng ne.

JEREMIA 32:18

Nang ly khumi sang neangneangchi teng y khaw parai nai tamen naira patei pi bo. Na i py khumichi ai mychi amsi pajochi i kamngo molam y pajeng nai ne. Nang ly nang parai nai hawi sa thai naira kawi angym nai Tameuh ne. Nang ly ati cheaungkhang sa thai nai keung Areng ne.

JEREMIA 33:20

“Vum hawi kanithun ly mychi i vui neng tym baly tym thai ai nai vum i vui kaimy sa nai leu maikawm, kanithun i vui kaimy sa nai leu maikawm ly taphra pajau y.

JEREMIA 33:25

Na i py kai Areng ly vum, kanithunchi hawi leu maikawm asa iy, kani hawi khaileaung ai kryme ai nai reita leaungsai sa pi bo.

JEREMIA 33:26

Huna nai kai i kateng sa nai kamta, Jakob i kangpreangchi hawi py, kai i miseaung Davida hawi py, asa nai Leu Maikawm khaw hai jo ai. Kai ly Abraham, Isaka hawi Jakobchi i kangpreangchi ai peang ai nai, Davida kangpreang theung i leaungrei ai vawi takhra ai. Kai i khumichi ai nang chawn hai teang ai. Kai ly nichi i tlang tleaung y kapahen ai,” napi.

JEREMIA 46:18

Ati cheaungkhang sa thai nai keung kai, Areng ly samrang ne. Kai ly heng nai Tameuh ne. Tabor mawi ly mawi cheaungkhangchi tleaung y asang keh nai kamta py, Karamela mawi py pangli sahawi y asang parai naimy awm nai kamta py, nangchi ai ang tiu ai nai khumi ly khri pa-rei atho awm ai.

JEREMIA 5:22

Kai ly Areng ne. Nangchi ly ati mana nai y kai ai jei u y nai mo? Kai i mo y ati mana nai y kaso theu u y mo? Kai ly pangli i vui khujyh, pangli tui sadawn pajau y ai nai khujyh kakhaw ly speungchi hawi jyh pi nai ne. Pangli ly tui sampyh len teu i py, huni khujyh ai ly sadawn pajau y. Tui sampyhchi ly amsau na teu i py, huni khujyh katlen pajau y nai ne.

JEREMIA 50:34

Na i py nichi ai atleu ai nai keung ly atho awm parai nai ne. Ni i amyn ly ati cheaungkhang sa thai nai keung Areng ne. Mymy kypkyp ly nichi ai ama hai iy, huni pri y tlamsa naira tym hai ai. Na i py Babulon khumichi ai ly khrukhra naira tym hai ai,” napi.

JEREMIA 51:19

Jakob i Tameuh ly mynchi kamta ny y; mymy ly ati cheaungkhang sa nai keung ne iy, Israela chengchi ai mymy i khumi palawn ai nai vawi takhra bo. Mymy i amyn ly ati cheaungkhang sa thai nai keung Areng ne.

HOSEA 13:14

Kai ly hini khumichi ai tavau pri i nai py, dei areng i sa thai naira i nai py, atleu ai ny y. Aw dei areng, nang teng i no kanghawi tym hai ba. Aw tavau pri, nang teng i phra naira tym hai ba. Kai ly hini khumichi ai pahen y, tamen y leang bo.

AMOS 9:8

Sa thai naira angym nai kai, Areng ly kamngo nawi parai nai, hini Israela pri ai kakhen patyp bo. Hini pri ai khaileaung i nai tama vui na pa-rei taphra ai. Na i py kai ly Jakob i kangpreang bawibawi ai taphra ai ny y,” napi.

MATTHAI 5:45

Ngampo kani pri mang y awm nai ly khumi kamngo hawi khumi meitang i tlang tleaung y kani si hai i, khumi kahawi hawi khumi hawi y nai tlang tleaung y kani nai hai teang.

Leu Thui Nai 4:19

Kani mang y nangchi i niu nai kanito, lo hawi ka-si taukichi ka-tawm myn sa iy, chiu y ai nai atyp u. Achi i Areng Tameuh ly cheng takhra khumichi ai huni mynchi chiu ai nai pei nai ne.