JEREMIA 31:33 - Khumi Common Language Bible

³³ Nichi hawi kai asa nai Leu Maikawm kangtha ly hini ne. Kai ly kaimy i reita leu ai nichi i paleung theung y kapakun pi ai. Kai ly nichi i Tameuh lawm iy, nichi ly kai i khumichi lawm u ai.

JEREMIA 31:33 ပူးပေါင်းရင်းမြစ်များ

2 SAMUELA 7:24

Nang ly Israela chengchi ai deungtasarei, nangmy i khumi lawm hai bo. Aw Areng, nang ly nichi i Tameuh lawm bo.

1 ARENG KEH 8:58

Achi ly mymy i ngai nai kamta heng thai ai nai py, amsi pajochi teng y pei nai reitachi hawi leu pei naichi tangai u ai nai py, kaichi ai leu tangai nai khumichi lawm ai nai py so pi na sy.

SAM 37:31

Ni ly my i Tameuh my leu pei nai ai paleung theung y pateung me bo. Mana khala py huni leu pei naira i, angphri vui y leang.

SAM 40:8

Kai i Tameuh, kai ly nang i kangai sa ai nai khri pa-rei ngai; nang i leu pei nai paleung theung y pateung me bo,” nanai kang takeng bi bo.

SAM 40:9

Aw Areng, kai ly nang i khumi bawibawichi achu naira y, kai ai nangmy atleu nai satang kahawi kathui pi bo. Huni satang ai kai ly avawrei thui pi ai, nanai nang pany nai ne.

THEU NAI 6:7

Kai ly nangchi ai kai i khumi kypkyp kapalawn ai; kai ly nangchi i Tameuh ne ai. Aikupta pri y miseaung achei naira i nangchi ai kang lawi hai nai khala y, kai ai nangchi i Areng Tameuh ne, nanai pany u ai.

LEU KACHENG 7:3

Hunichi ai kiusabyh kamta amchiu ba. Nang i paleung pakawi ra y tajiu typ ba.

ISAIA 51:7

“Leu meitang pany nai khumichi awi, kai i patiu pi nai leu ai dawn thleng nai khumichi awi, kai i thui nai leu tangai u. Nangchi ai kangji kangai pei iy, khumichi my thui tamawn nai khala jei u mo?

ISAIA 59:21

Nangchi hawi leu maikawm asa ai. Kai ly nangchi teng y kai i sa thai naira hawi parip naichi kang pei ai. Hunichi ai vai i dengdairei, nangchi hawi nangchi i kangpreangchi ly deungtasa khrairei sa patawm u jo ai nai tla,” napi.

JEREMIA 17:1

Areng my, “Juda khumichi awi, nangchi i kamngo ai tamo chakaleaung hawi tajiu typ bo. Huni kamngo ai nangchi i paleung pheira y meaung y cheng tai nai chakaleaung hawi tajiu typ iy, nangchi i maicham takichira y thiu pi yb bo.

JEREMIA 24:7

Kai ly Areng ne, nanai pany ai ngai nai paleung nichi teng kapei pi ai. Hunaibaly nichi ly kai i khumichi lawm u ai i, kai py nichi i Tameuh lawm ai. Ati mana nai mo nabaly nichi ly paleung hawi verei, kai teng y vawi u teang ai nai deaungkho y ne.

JEREMIA 31:1

Areng my, “Kai ly Israela cheng bawibawichi i Tameuh lawm iy, nichi py kai i khumichi lawm u ai nai neng kani ly tym dudu bo.

JEREMIA 32:38

Naibaly nichi ly kai i khumichi lawm iy, kai py nichi i Tameuh lawm ai.

JEREMIA 32:39

Kai ly nichi ai mychi i hawi naira, mo mang i deung kangthauchi hawi naira molam y, ka-dawn harei hawi heng hai ai. Huni ka-dawn ly kai ai jei kaji naimy tahm khai u jojo ai nai ne.

JEREMIA 32:40

Kai ly nichi hawi deungtasarei Leu Maikawm asa ai. Nichi ai amtheaung hai jojo ai. Nichi ly kai ai mana khala py khai su y ai nai, nichi i paleung theung y kai ai jei kaji naimy tahm khai nai paleung ka-dawn nga hai ai.

Ezekiela 37:27

Kai ly huni meingtym y nichi hawi vanrei awm iy, nichi i Tameuh lawm ai. Nichi py kai i khumichi lawm u ai.

HOSEA 2:20

Kai i adeu nai vaineng molam y, kai ly nang ai pom ai. Nang ly kai ai Areng ne, nanai pany jo ai.

ZEPHANIAH 3:13

Dei kamthum Israela khumichi ly ami ai py tamang u ai ny y. Leu ka-chawi katheu nai py, tapawp ai nai atho sa ai nai py, sa u ai ny y. Nichi ly chawn, pa u ai. Ami ai py jei y iy, chymme naimy awm u ai,” napi.

ZEKHARIAH 13:9

Naibaly kai ly tangka ai mai hawi pachai nai kamta, dei kamthum phy thomrei y phyrei ai pachai ai. Nichi ai cham iy khen ai. Kai ly muku ai cham nai kamta, nichi ai cham ai. Naibaly nichi ly kai teng y chiu sa u ai, Kai py pathang pi ai. Nichi ly kai i khumichi ne, nanai nichi teng y thui pi ai. Nichi my py kai ly mychi i Tameuh ne, nanai pany u ai,” napi.

JOHAN 20:17

Naibaly Isu my ni teng y, “Kai ai amkhaw moh; kai ly vai khrairei Ampo teng y kalau y leang rai; na i py kai i amjo amnauchi teng y chei iy nichi teng y, ‘Ngaai hawi nangchi i Ampo kai i Tameuh hawi nangchi i Tameuh teng y kai kalau ai,’ napi tapi ba,” napi.

ROM AVANGCHI TENG Y PAWLA I CHA PA NAI 11:27

Nichi i kamngo kala pi veng nai khala y ly Huni ly nichi teng y kai i leu maikawm ne,’ nanai tajiu nai kamta.

ROM AVANGCHI TENG Y PAWLA I CHA PA NAI 7:22

Kai i paleung tatang y Tameuh i Reita tleaung y kakawn lawh veng;

II KORINTH 3:3

Krista i cha, kaichi ai kry hai nai, cha tui y tajiu nai ny y i, Tameuh kangheng i Phailo y tajiu nai teu; lengseaung phei y tajiu nai ny y i, tlang i paleung phei y tajiu nai ne, nanai nangchi ai amteng hai bo.

Leu Thui Nai 30:6

Mymy ly nangchi hawi nangchi i kangpreangchi teng y leu tangai ai ngai nai paleung pei pi ai. Nangchi ly nangmychi i Areng Tameuh ai paleung hawi verei tamen iy, huni pri y awm amtawn jo thai ai nai,

I THESALONIKA 4:9

Na i py amjo amnauchi ai tamen nai leu ly ami py nangchi ai tajiu pi ai nai aly by y; nangmychi kypkyp my atamen leungtang ai nai Tameuh my patiu veng bo;

HEBRAI 10:16

“Huni neng bo y ly nichi teng y Leu maikawm kakhai ai nai ly hini ne he; Nichi i paleung y kai i leu pei naichi kakhai ai i, Nichi i dawn naira y py katajiu teang ai, nanai Areng my napi,” napi. Naibaly huni thui nai bo y ly,

HEBRAI 8:10

Ati mana nai mo nabaly huni neng bo y ly Kai ly Israelachi dengtheung teng y leu maikawm khai nai ly hini ne he, nanai Areng my napi: Mymychi dawn naira y kai i leu pei naichi kapachei iy Nichi i paleung y py katajiu teang ai; Naibaly kai ly nichi i vui y Tameuh kalawn ai i, Nichi ly kaimy i vui y kai i khumichi lawn ai;

AMTENG HAI NAI 21:3

Naibaly areng atehra theung i dengdairei ly raawi pajeng naimy, “Khen cham, Tameuh i awm naira ly khumichi theung y awm bo: mymy ly nichi teng y awm hai ai i, nichi py mymy i khumichi lawm ai; Tameuh kypkyp my ly nichi teng y awm hai ai i, mymy ly nichi i Tameuh lawn ai.

AMTENG HAI NAI 21:7

Pajau nai keung ngierei ly hunichi ai amtym ai; naibaly kai ly ni i Tameuh kalawn ai i, ni py kai i chapo lawn ai.