JEREMIA 31:32 - Khumi Common Language Bible

³² Huni Leu Maikawm ly nichi i amsi pajochi ai Aikupta pri i dengdairei patheu nai thym khala i, nichi hawi asa nai Leu Maikawm hawi atawm ai ny y. Kai ly nichi i juvo kamta ne teu i py, nichi ly kai hawi asa nai Leu Maikawm ai patawm u y.

JEREMIA 31:32 ပူးပေါင်းရင်းမြစ်များ

1 ARENG KEH 8:9

Aikupta pri i dengdairei Israela chengchi theu u nai khala, nichi i Areng my Leu Maikawm asa nai Sinai mawi meingtym y, Mosi my khai pi nai lengseaung phei nyhrei ny y baly, huni Leu Maikawm Pawm theung y ati sai py by y.

SAM 73:23

Na i py kai ly nang i sahawi y kaawm jojo; nangmy py kai i kiu amkhaw cheng bo.

SAM 78:37

Nichi ly mymy i tlang tleaung y ka-ym by y, mymy hawi asa nai Leu Maikawm ai py kry u y.

THEU NAI 19:5

Vai nangchi ly kai i leu tangai iy kai i Leu Maikawmchi patawm baly nangchi ly kai i khumichi lawm u ai. Khaileaung bomverei ly kai i ne; na i py nangchi ly kaimy vawi takhra nai kai i khumichi lawm ai.

THEU NAI 32:8

Nichi ly kai i reita lam i nai hi u vui bo; muku hawi si cho myn sa iy huni myn y apathyp i, chiu u bo. Huni tameuh ly nichi ai Aikupta pri i dengdairei pahawi nai tameuh ne, nanai aeu u sau na bo,” napi.

Solomon i khulym 8:5

Mymy i khrei nai khumi hawi kiu asyn iy daichi ka-vym mang jeu nai ly ami mo? Kai ly khrei nai keung i tapen nai meingtym apple keung anui y, ni ai i kapalaw nai ne.

ISAIA 24:5

Khumichi ly Tameuh i reita leu pei naichi khai su nai molam py, mymy i deungtasa Leu Maikawm ngai y nai molam py, khaileaung ai chai hai y nai ne.

ISAIA 41:13

Kai ly nangchi i Areng Tameuh ne iy, nangchi ai atho awm hai bo. ‘Jei u moh, kaimy sabawm ai,’ nanai nangchi ai kang thui pi bo,” napi.

ISAIA 54:5

Nang ai sa nai keung ly nang i juvo kamta, nang ai ang kry ai. Ni i amyn ly ati cheaungkhang sa thai nai keung Areng ne. Israela chengchi i chai parai nai Tameuh ly nang ai atleu ai. Mymy ly khaileaung pri y peang nai keung ne.

JEREMIA 11:3

huni Leu Maikawm theung y awm nai leaungsaichi ai, tangai y nai ngiereichi teng y amsawi lawi hai ai, nanai Juda khumichi hawi Jerusalem mary i khumichi teng y thui pi.

JEREMIA 11:4

Huni Leu Maikawm ly nichi ai tamo paheung pui hawi atawm nai Aikupta pri i dengdairei, kaimy pahawi nai thym khala y, kai ly nichi i amsi pajochi hawi asa nai Leu Maikawm ne. Kai ly huni khumichi ai kai i leu tangai ai nai hawi, kaimy sa hai nai kalop ngiereichi sa u ai nai leu pei nai ne. Nichi ly kai i leu pei naichi tangai u lawh ai nabaly, kai i khumichi lawm iy, kai py nichi i Tameuh lawm ai.

JEREMIA 2:2

“Nang ly Jerusalem mary y chei iy, huni mary y awm nai khumi bawibawichi teng y hini satang thui pi,” Nangchi ly deaungdi khala y, ati mana ka-ym awm u mo, nanai kai pany. Nang ly deaung vawi nai anglo kamta kai ai khrei bo. Nangchi ly ati sai py pati y nai daichi ka-vym jeungrei tako prei iy, kai i nithun abang u nai ne.

JEREMIA 22:9

Nangchi ly nangmychi i Tameuh, napi nai kai hawi asa nai Leu Maikawm ai khai su iy, tameuh takhrachi ai chiu u lawh nai deaungkho y, hina nai lawm nai py arum u leungtang ai.

JEREMIA 3:14

“Ka-ym by y nai khumichi awi, jeu u ali teang jau; kai ly nang i juvo ne. Nangchi ai mary harei y leaungrei, nupai harei y leaung nyhrei vawi takhra iy, Zion mawi mang y kang pahawi ali teang ai.

JEREMIA 31:1

Areng my, “Kai ly Israela cheng bawibawichi i Tameuh lawm iy, nichi py kai i khumichi lawm u ai nai neng kani ly tym dudu bo.

JEREMIA 34:13

kai ai khumichi teng y thui hai nai ly “Kai ly nangchi i amsi pajochi ai Aikupta pri i dengdairei miseaung alaw hai nai thym khala y, nichi hawi Leu Maikawm asa nai ne.

JEREMIA 34:14

Nichi ly mychi i van nai Hebrai miseaung ngiereichi ai miseaung sa hai teang nai bo y, saryh saneng y ly miseaung alaw hai teang ai nai tla, nanai nichi teng y kaimy thui pi nai ne. Na i py nangchi i amsi pajochi ly kai ai tahm khai u y; kai i leu py tangai u y.

Ezekiela 16:8

“Kai ly nang i sahawi mang aleaung bi bo. Huna nai khala nang ly khrei nai paleung mang y tleaungri aveang nai neng tym bo, nanai kang niu nai deaungkho y, kai ly tlang ka-keu naimy awm nai nang ai kai i ateaung hawi kang khiu iy, nang ai kang khrei mang, nanai adeu chum baly, nang hawi leu maikawm asa i, nang ly kai i aju lawm bo,” napi. Hini ly sa thai naira angym nai Areng i thui nai leu ne.

Ezekiela 20:37

“Kai ly nangchi ai hawihai palai kang kry iy Leu Maikawm asa nai kamta patawm hai ai.

Ezekiela 23:4

Amjo ai ly Ahola,amnau ai ly Aholiba, nanai amyn pathi nai ne. (Ahola ly Samari mary ai amyn apu iy, Aholiba ly Jerusalem mary ai amyn apu nai ne.) Kai ly nini leaungnyhrei ai pom mei i, nini my cho chanauchi sa pi.

HOSEA 11:1

Areng my, “Israela deaungdi nai thym khala y, kai ly ni ai tamen iy kai ly ni ai chapo palawn i, Aikupta pri i nai pahawi nai ne.

HOSEA 2:2

Kai i cho chanauchi awi, nangchi i amhm teng y takeng u. Ni ly kai i aju ny y leang bo. Kai py ni i juvo ny y leang bo. Na i py bima hawi kamleaung sa nai kalopchi anawn vui ai nai, nangchi i amhm teng y takeng u.

HOSEA 3:1

Huni bo y Areng my kai teng y, “Nang ly chei iy tavawi hawi paleaung nai neampachy ai khrei ba, Israela khumichi ly tameuh takhrachi ai chiu iy, kreip athai kajeichi talam u teu i py, kai ly nichi ai tamen nai kamta, nang ly huni neampachy ai tamen ai nai tla,” napi.

Levi 26:15

Nangchi ly kai i reitachi hawi leu pei naichi tangai y iy, nangchi hawi asa nai Leu Maikawm py taphra lawh baly,

MARKA 8:23

Naibaly mymy ly mei kamju i kiu y amkhaw iy, avang i dengdairei pahawi; naibaly ni i mei y pachi pathawi i, ni i tlang tleaung y kiu tamam nai bo y, “Atiti niu thai a?”, nanai deng.

JOHAN 3:29

Aju la nai keung ly neampachy ai nga nai keung ne: na i py angdo iy ni i leu thai nai aju la nai keung i ahawi ly, aju la nai keung i raawi deaungkho y khrikhri pa-rei kawn; hunai deaungkho y hini kai i kawn naira ly tym angym nai bo he.

AMTAW 23:19

Naibaly tavaimi lu areng keh my ly ni i kiu y amkhaw nai pahawi takhra iy deng paviu i, “Kai teng y thui ai nai ly ati mo?” napi.

II KORINTH 11:2

Tameuh i takho hai naira kamta nangchi ai kang takho hai nai ne; kai ly nangchi ai Krista teng y ly anglo kachai kamta kang pei thai ai nai, juvo leaungrei angam pi na a.

Leu Thui Nai 1:31

ampo my chapo ai teu nai kamta, Areng ly nangchi ai dawmkhawn iy, hini meingtym y tym pa-rei ang pahawi nai bo, nanai nangchi niu u bo,’ napi.

Leu Thui Nai 29:1

Sinai mawi saleung y Areng ly Israela chengchi hawi leu maikawm asa pajau nai bo y, vai Moba pri y Mosi dengdairei Israela chengchi hawi Leu Maikawm asa panawi bi nai ne.

Leu Thui Nai 29:21

Hini reita theung y tajiu nai Leu Maikawm taham si naichi hawi vanrei, ni ly ka-jeira avum nai deaungkho y, Israela cheng theaung bawibawichi i vui amtiura lawm ai.

Leu Thui Nai 29:24

Huna nai khala pri tleirei i khumi cheng bawibawichi my, ‘Areng ly nichi i pri ai ati mana nai taphra lawh mo? Ati mana nai hina tanrei ka-jei awm nai kado theu hai lawh mo?,’ nanai deng u ai.

Leu Thui Nai 31:16

Areng my theung mang dengdairei Mosi teng y, “Nang ly kra y nai sala y dei ai, nang dei nai bo y Israela chengchi ly vaineng takan iy, nichi hawi kai asa nai Leu Maikawm taphra u ai. Nichi my kai ai khai su iy nichi awm ai nai pri i tameuh takhrachi ai chiu u ai.

Leu Thui Nai 31:20

Kai ly nichi i amsi pajochi teng y adeu pi nai kamta, nichi ai paitiu khuta hawi nai pri y kapahawi ai. Nichi ly huni pri y teicha teinei kajeu kawi pa-rei cha ai nai nga u ai i, awmnem naimy awm u ai. Na i py nichi ly kai ai ym y ai i, tameuh takhrachi ai chiu u ai. Nichi ly kai ai khai su iy Kai i Leu Maikawm ai taphra nai deaungkho y,

Leu Thui Nai 5:2

Achi i Areng Tameuh ly Sinai mawi salo y achi hawi Leu Maikawm asa nai ne.

Leu Thui Nai 5:3

Areng ly achi i amsi pajochi hawi naini Leu Maikawm asa nai khyh ny y. Vaini heng nai achi bawibawi hawi py Leu Maikawm asa nai ne.

HEBRAI 8:9

Mymychi i amsi pajochi ai Aikupta pri i dengdairei pahawi ai nai Nichi i kiu y kapatawn nai kani y, Nichi teng y kai i leu maikawm khai nai kamta ny y; Ati mana nai mo nabaly nichi ly kai i leu maikawm y awm u jo y; Hunaibaly nichi ai ly kadawn hai y bo, Areng my napi.