JEREMIA 31:28 - Khumi Common Language Bible

²⁸ Kai ly nichi ai akyn, panawi, taphra, paleang patlau, phra hai nai kamta, vai ly kapalum kapachai ali teang ai.

JEREMIA 31:28 ပူးပေါင်းရင်းမြစ်များ

JOBA 29:2

Kai i awm nai sai ly Tameuh my kai ai ang kry nai thym khala i kamta, awm ali teang ai nai kangai parai.

SAM 102:16

Areng my Zion mary palum teang nai khala ly mymy i nang parai nai sai amteng hai ai.

SAM 147:2

Areng ly Jerusalem mary ai sa palum teang iy, pri takhra y awm u nai Israela chengchi ai palau ali teang bo.

SAM 69:35

Mymy ly Zion mawi ai atleu iy, Juda marychi ai sa palum teang ai; Mymy i khumichi ly huni marychira y awm naimy pri amtym u ai.

JEREMIA 1:10

Khumi cheng cheaungkhangchi hawi pri cheaungkhangchi ai theih vui, panawi vui, taphra vui, nui phro vui, palum teang, ui teang thai nai sa thai naira, vaini nang ai kang pei bo,” napi.

JEREMIA 1:12

Huna nai khala y Areng my, “Nang i thui nai teng mang. Kai py kaimy i leu teng, nanai ajeng nai ne,” napi.

JEREMIA 24:6

Nichi ai kry iy hini pri y kapahawi ali teang ai. Kai ly nichi ai taphra y naimy kapalum ai; akyn vui y naimy kaui ai.

JEREMIA 32:41

Nichi teng y hawi naira pei ai naini kangai khyh; hini pri y awm jojo ai nai meingtym sa pi ai.

JEREMIA 32:42

“Kai ly hini ka-jeira nichi i tlang tleaung y tym hai pi nai kamta, nichi teng y kaimy adeu pi nai hawi naira bawibawichi nga hai ai.

JEREMIA 42:10

‘Nangchi ly hini pri y awm jo ai nai ngai u lawh teu baly, kai ly nangchi ai taphra y naimy palum ai. Kai ly nangchi ai akyn y naimy pati ai. Nangchi i tlang tleaung y kang tym hai nai ka-jeirachi molam y, kai ly khri pa-rei paleung mawn parai.

JEREMIA 44:27

Nangchi nang chawn ai nai tleaung y ly phra u ai nai kang sa ai. Aikupta pri y awm nai Juda khumichi ly leaungrei py tleaung y na pa-rei, tavai takai hawi, no kanghawi y dei u ai.

JEREMIA 45:4

“Na i py kai Areng ly kaimy i palum naichi ai taphra iy, ui naichi py akyn teang nai ne. Khaileaung pri verei y hina nai kamta kasa ai.

Ezekiela 19:12

Na i py huni kreip keung ly kado theu nai khumichi my tangjyn akheaung na pa-rei akyn vui i, khaileaung y atlym vui bo. Nisi ali deaungkho y kreip athaichi jei pawn bo. Kreip changpichi py dei i, mai y kang nai avum bo.

Ezekiela 36:10

Nangchi Israela cheng verei y khumi peung hai ai. Nangchi ly marychira y awm u ai i, phra seaungkhrang nai ngiereichi ai py sa palum u teang ai.

DANIELA 9:14

Kaichi i Areng Tameuh awi, nang ly kaichi ai pajeng ai nai angveirym nai kamta pajeng ba. Ati mana nai mo na baly nang ly kahawi sa jojo nai ne teu i py, kaichi ly nang i leu tangai u y nai deaungkho y ne.

DANIELA 9:25

Vai, kang thui pi nai ly hawihai palai tangai ba. Jerusalem mary sa palum teang ai nai leu pei nai dengdairei, Tameuh my vawi nai miteaung keh tym nai neng ryrei, saneng vui saryh nai meingtym saryhrei awm ai. Jerusalem mary ly lamchi, khaw parai nai mary apaichi hawi sa palum teang ai. Sa palum nai saneng vui tariu saryh nyhrei nai meingtym saryhrei tym pa-rei kra ai. Na i py huni neng ly patang nai neng ne ai.

AMOS 9:11

Areng my, “Anawi nai yhm hlau kamta lawm nai Davida i pri ai, kaimy palum teang nai neng kani tym ai. Ako nai lengseaung apaichi ai kaimy palum teang ai. Jangni i awm nai kamta, kaimy palum teang ai.

AMOS 9:14

Kai ly kaimy i khumichi ai, mychi i pri y kapahawi ali teang ai. Nichi ly phra nai marychi sa teang iy, huni marychira y awm ai nai nga u teang ai. Kreip akhochi sa iy kreip hang nei ai nai nga u ai. Akho baichi sa u iy amy i pati nai amti amjangchi ai amychi my cha ai nai nga u ai.

ZEKHARIAH 8:14

Ati cheaungkhang sa thai nai Areng my, “Nangchi i amsi pajochi my kai ai kado theu hai nai khala, kai ly nichi ai hawi y naira kapei ai nai tau bo. Naibaly paleung ka-dawn amtlau y naimy, hunai kamta kasa bo.

ZEKHARIAH 8:15

Na i py vai, kai ly Jerusalem mary i khumichi hawi, Juda khumichi ai amtheaung naira pei ai nai dawn bo. Hunai deaungkho y jei u moh.

AMTAW 15:16

‘Hunai bo y khumi takhrachi hawi, Kai i amyn nga nai Cheng Takhrachi bawibawi py Areng ai hau u thai ai nai,

Leu Thui Nai 30:9

Nangchi ly hini reita cha-iu theung y tajiu nai reita leu pei nai ngiereichi ai patawm iy, Areng teng y paleung hawi verei ahihawi baly, mymy ly nangchi i sa naira tleirei y amtheaung hai ai; nangchi ly cho chanau neangneang sa u ai; si, beram hawi tawnbawi neangneang nang u ai.